سی ایس آئی آر انڈین انسٹی ٹیوٹ آف کیمیکل ٹیکنالوجی حیدرآباد میں کیمیکل انجینئر اور چیف سائنٹسٹ ڈاکٹر سندر گوپال سریدھر کو رائل سوسائٹی آف کیمسٹری (ایف آر ایس سی)، لندن، برطانیہ کے فیلو کے طور پر شامل کیا گیا، ان کا رکنیت نمبر 771115 ہے۔

ایک ریسرچ سائنٹسٹ کی حیثیت سے اپنے 26 سالوں کے دوران ، ڈاکٹر سریدھر نے سماجی بہبود میں بے پناہ حصہ ڈالنے کے علاوہ کیمیائی اور متعلقہ صنعتوں کے لیے متعدد ٹکنالوجیوں کو تیار اور منتقل کیا ہے۔ ان کے کیریئر کی اہم خصوصیات میں الیکٹرو ڈائیلاسس، نینو فلٹریشن، گیس پرمیشن، اور ریورس اوسموسس پر مبنی متعدد ممبرین پائلٹ پلانٹس کا آغاز شامل ہے جو دوا سازی، اسٹیل، ٹیکسٹائل، خوشبو کیمیکلز اور پیٹروکیمیکل صنعتوں میں فضلے کے ٹریٹمنٹ، سالوینٹ ریکوری، فضلے کے ٹریٹمنٹ اور گیس صاف کرنے کی 500-5000  لیٹر فی گھنٹہ کی مختلف صلاحیتوں کے حامل ہیں۔

ڈاکٹر سریدھر نے بھارت کی 10 ریاستوں میں فلوروسس، ٹائیفائیڈ اور پانی سے پیدا ہونے والی دیگر بیماریوں سے متاثرہ 5 ملین آبادی کے لیے زیر زمین پانی، سطحی پانی اور سیلاب کے پانی کو صاف کرنے کے لیے 600-4000 ایل / گھنٹہ کی صلاحیت کے نینو فلٹریشن ، الٹرا فلٹریشن اور ریورس اوسموسس پر مبنی 75 سے زیادہ پانی صاف کرنے والے پلانٹس ڈیزائن اور انسٹال کیے ہیں۔ دیگر اختراعات میں سرکاری اور نجی اسپتالوں میں گردے کی دائمی بیماری میں مبتلا 2 لاکھ سے زائد مریضوں کے ڈائیلاسز کے لیے میڈیکل گریڈ الٹرا پیور واٹر کے لیے ایک نیا اور سستا نظام شامل ہے۔ انھوں نے پانی کی کمی والے علاقوں، اسپتالوں اور ریلوے اسٹیشنوں میں ہوا میں اضافی مرطوبیت سے پینے کا پانی پیدا کرنے کے لیے 60 سے 1000  لیٹر یومیہ کی صلاحیت کا ایک ماحولیاتی واٹر جنریٹر ڈیزائن کیا ہے۔

کوویڈ 19 کو کم کرنے کے لیے ، ڈاکٹر سریدھر نے کم قیمت والے نوول ملٹی لیئر واش ایبل ماسک تیار کیے جو اسکول کے بچوں اور فرنٹ لائن ورکرس سمیت 6 لاکھ سے زیادہ لوگوں کو فراہم کیے گئے ۔ ان ماسکوں سے این جی اوز کو 2 کروڑ روپے کی آمدنی ہوئی اور 500 بزرگ شہریوں اور خواتین کے سیلف ہیلپ گروپوں کو روزگار ملا۔

ڈاکٹر سریدھر نے 181 تحقیقی مقالے معروف بین الاقوامی جرائد میں شائع کیے ہیں جن کا ایچ انڈیکس 53 ہے۔ وہ 2021، 2022 اور 2023 میں اسٹینفورڈ یونیورسٹی، امریکہ اور ایلسیویئر سائنس پبلشرز کی طرف سے دنیا بھر کے ٹاپ 2٪ سائنسدانوں میں شامل ہیں. ان کے پاس 15 پیٹنٹ، 4 کتابیں اور 50 کتابوں کے ابواب ہیں۔

ڈاکٹر سریدھر 70 ممتاز سائنس ایوارڈز کے وصول کنندہ ہیں، جن میں سی ایس آئی آر ینگ سائنٹسٹ ایوارڈ 2007، اسکوپس ینگ سائنٹسٹ ایوارڈ 2011، این اے ایس آئی ریلائنس انڈسٹریز پلاٹینم جوبلی ایوارڈ 2013، آئی آئی ٹی روڑکی 2015 سے وی این ایم ایم ایوارڈ، 2016-20 سے پانچ سی آئی پی ای ٹی نیشنل ایوارڈز، 2017 میں آئی آئی ٹی کھڑگپور سے نینا سکسینہ ایکسیلینس ان ٹیکنالوجی ایوارڈ، اور ایسوچیم ایوارڈ 2023،  2019-21 کے لیے تین ایچ پی سی ایل این جی آئی سی ایوارڈز شامل ہیں۔

***

(ش ح – ع ا – ع ر)

U. No. 8955