পোর্তস, শিপ্পিং অমসুং ৱাতরৱেজ মন্ত্রালয় (MoPSW) গী সেক্রেতরী শ্রী তি.কে. রামাচন্দ্রন্না পারাদীপ পোর্ত ওথোরিতী (PPA) দা মহাক্কী অহানবা খোঙচৎতা চৎখ্রে। মহাক্কী খোঙচৎ মনুংদা মহাক্না লুপা করোর 13 হেনবগী মরুওইবা প্রোজেক্ত কয়া শঙ্গাখি অমসুং উরেপ উয়ুং তমখি।

মহাক্না পরাদীপ অমসুং মসিগী অকোইবদা ত্রৌমা অমসুং মৈ চাকপগী থৌদোকশিংগী ভিক্তিম ওইরিবা মীওইশিংগী ক্যুরেতিব অমসুং রিহেবিলিতেতিব সর্ভিসশিং ফংহন্নবা লুপা করোর 2.90গী শেনফম চংনা শাখিবা পারাদীপ পোর্ত হোস্পিতালগী নৌনা শাবা এনেক্স বিল্দিংদা ত্রোমা এন্দ বর্ন কিয়র (TBC) সেন্তর শঙ্গাখি।

লুপা করোর 10.50গী শেনফমদা শাগৎলিবা PPAগী ৱাতর ত্রীৎমেন্ত প্লান্ত সেক্রেতরী শ্রী রামাচন্দ্রন্না উরেপ উয়ুং তমখ্রে, মসিনা তালদন্দা কেনেলগী খুত্থাংদা রো ৱাতর ফংহল্লগনি অমসুং নোংমদা ঈশিং লিতর মিলিয়ন 16 ফিল্তর তৌবা ঙমগনি। প্লান্ত অসি 2028গী দিসেম্বর ফাওবদা লোইশিনগনি হায়না পানরি। মসিনা পারাদীপ পোর্তকী ঈশিংগী ইনফ্রাস্ত্রকচর হেনগৎহল্লগনি অমসুং পোর্ত তাউনশিপকী প্রজাশিংদা ক্বালিতী লৈবা থক্নবা ঈশিং ফংহল্লগনি।

শ্রী রামাচন্দ্রন্না PPAগী থবক থৌরমশিং য়েংশিনখি অমসুং দিপার্তমেন্তশিংগী হেদশিং অমসুং দিপুতী হেদশিংগা ৱারী শানখি। মহাক্না পোর্ত ওপরেসনশিং, প্লান্নিং অমসুং মেকানাইজ কোল হেন্দলিং প্লান্ত পাকথোক-চাউথোকপা, JSWPTPLদা ত্বিন ৱেগন তিপ্প্লরশিং অমসুং KICT  সিলোশিং ইনস্পেক্সন চত্থখি অমসুং য়েংশিনখি। মহাক্না প্রদক্তিবিতী হেনগৎহন্নবা সিস্তেম ফগৎহন্নবা থৌরাংশিং খন্নখি।

পোর্ত ওপরেসনশিংগী অপুনবা পর্ফোমেন্স ফগৎহন্নবা মীৎয়েং থমদুনা সেক্রেতরীনা পাম্বৈ কয়া অমা পুথোকখি। মসিগী রিকমেন্দেসনশিং অসিনা পারাদীপ পোর্তকী তুংলমচৎকী গ্রোথ অমসুং মাই পাকপদা মতেং পাংদুনা কেপাসিতী হেনগৎহল্লগনি অমসুং ৱার্কফ্লো অসি স্ত্রীমলাইন তৌগনি হায়না পানরি।

পারাদীপ পোর্ত অসি লৈবাক অসিগী খ্বাইদগী ৱাংবা কার্গো হেন্দলিং মেজর পোর্ত অমনি। শেনবা চহি 2023-24দা PPA না কার্গো থ্রোপুৎ 145.38 মিলিয়ন মেত্রিক তন (MMT) হেন্দল তৌদুনা খ্বাইদগী ৱাংবা কার্গো হেন্দল তৌবা পোর্ত ওইখি।

ভিজন 2047গী মখাদা পোর্তকী হন্দলিং কেপাসিতী অসি 10,000 MTPA দা হেনগৎহনবা পান্দম থম্লি। থৌরাং অসিগী অকুপ্পা মরোলশিং অদু অথুবা মতমদা শন্দোক্না তাক্লগনি। প্রাইবেৎ পার্তিসিপেসনগীদমক থবক পায়খৎলিবা অসিগী লম্বীশিং লৈরগনি। পোর্ত পুম্নমক অসিনা 2047  ফাওবদা মেগা পোর্তশিং ওইনবা মাস্তর প্লান অমা শেমগৎলি। পোর্ত ইনফ্রাস্ত্রকচর অমসুং ফেসিলিতীশিং ফগৎহনবা, তর্ন-এরাউন্দগী মতম হন্থহনবা, অমসুং হেন্দলিং কেপাসিতী হেনগৎহনবা অসি 2047গী পান্দম অসিগী য়ুম্ফম ওইগনি। 

খ্বাইদগী নৌবা পান্দম অসি 2035 ফাওবদা পোর্ত কেপাসিতী 800 MMTPA হেনগৎহন্দুনা অপুনবা 3,500 MMTPA ওইহন্নবা পান্দম থম্লিবা হৌজিক চত্থরিবা সাগরমালা প্রোগ্রামগী মখাদা থমখিবা পান্দমদগী হেন্না ৱাংলি।

সাগরমালা প্রোগ্রামগী শরুক অমা ওইনা, 2015-2035গী মনুংদা থবক পায়খৎনবা লুপা করোর লাখ 5.5 গী চাউরাকপা শেনফমগা লোয়ননা প্রোজেক্ত 800 হেন্না মশক খঙদোক্লে। নংশিল্লক্লিবা পান্দম অমদা, মেরিতাইম ইন্দিয়া ভিজন (MIV) 2030দা ভারত্তা মালেমগী থাক্কী পোর্তশিং শেমগৎনবা পান্দম থম্লি। MIV 2030না ভারতকী পোর্তশিংদা কেপাসিতী হেনগৎহনবা অমসুং ইনফ্রাস্ত্রকচর দিবেলপমেন্তগীদমক লুপা করোর লাখ 1-1.25গী ইনবেস্তমেন্ত তৌগনি হায়না পানরি।

*****