ব্রজিলগী ফোর্তজেলাদা পুনখিবা G20 লেবর অমসুং এমপ্লোইমেন্ত মন্ত্রীশিংগী মীফম (LEMM)না 2024গী জুলাই 26তা লেবর অমসুং এমপ্লোইমেন্ত মন্ত্রীশিংগী দিক্লেরেশন অদুবু অয়াবা পীখ্রে। অরোইবা তেক্স অদুব্রাজিলগী পরেসিদেন্সীগী মখাদা নুমিৎ নিনিগী ওইবা লেবর অমসুং এমপ্লোইমেন্ত মন্ত্রীশিংগী মীফম (LEMM) লোইশিল্লবা মতুংদা অয়াবা পীখি।

ভারতকী দেলিগেশন অদুবু লেবর অমসুং এমপ্লোইমেন্তকী রাজ্য মন্ত্রী, শ্রীমতি সোভা কারন্দলাজেনআ লুচিংখি। ব্রাজিলনা ভারত অমসুং সাউথ অফ্রিকাগা লোইননা, G20গী হান্নগী অমসুং মথংগী হোস্ত  অদু ত্রোইকাগী মেম্বরশিংনি। লেবর অমসুং এমপ্লোইমেন্ত মন্ত্রীশিংগী মীফম অদু জুলাই 23-24 পাংথোকখিবা ৫শুবা এমপ্লোইমেন্ত ৱার্কিং গ্রুপ মীতিং (EWG)না হানখি, মদুদা অরোইবা তেক্স অদুবু নেগোসিয়েত তৌখি।

নুমিৎ নিনি অদুদা লেবর অমসুং এমপ্লোইমেন্ত মন্ত্রীশীং অদুনা লেবর অমসুং এমপ্লোইমেন্ত ত্রেককী মরু ওইবা হিরমশিংদা মিৎয়েং চংখি, খুদম ওইনা অফবা ত্রঞ্জিশন; সোসিয়েল ইনক্লুসন অমসুং লাইর-অনং অমসুং অরাম-খৌরাংবা কোকহন্নবা অফবা মখলগী থবক লৈহনবা অমসুং অফবা থবক প্রোমোত তৌবা; থবক শুফমদা জেন্দর উক্বালিতী অমসুং দাইভর্সিতী প্রোমোত তৌবা; মীপুম খুদিংমক্কী পুনশি মহিং ফগৎহন্নবা তেক্নোলোজীশীং শিজিন্নবা। 

দিক্লেরেশন অসিনা সরকারনা অরিবা , তুং-কোইনগী ওইবা, চাং মান্নবা অমসুং ইনক্লুসিব ওইবা ইকোনোমিক গ্রোথ লৈহন্নবগী পান্দমদা এক্তিব ইনক্লুজন পোলিসীশিং দেবেলপ তৌবা অমসুং সপোর্ত তৌবগী তঙাইফদবা লৈ হায়বগী মতাংদা য়াম্না মরু ওইনা পনখি। মসিনা অফবা থবক  লৈহনবা অমসুং অফবা থবক য়োকখৎপনা হেন্না ফবা অমসুং মতিক চাবা ইনকোম দিস্ত্রিব্যুশন লৈহন্নবগীদমক্তা খ্বাইদগী হেন্না ফবা খুনাইগী ওইবা খুৎলাই অমনি। দিক্লেরশন অসিনা অফবা থবক ফংহনবা অমসুং য়োকখৎপা অমসুং অফবা লেবর মার্কেত পোলিসীশিং শেম্বা, খুদম ওইনা স্কিলস দেবেলপমেন্ত, ত্রেনিং অমসুং পুনশি চুপ্পগী তম্বা ফংহনবা অমসুং চুনবা থবক, সোসিয়েল পার্তনরশিংগা তানদুনা মথৌ তারিবা স্কিলশিং অমসুং ইকোনোমীগী দিমান্দশিং অদুগা চুনবা ওইবা থবক। মসিনা সরকারশিংদা থবকশিং ফোর্মেলাইজ তৌনবা, প্লেতফোর্মগী থবক্তা মতিক চানা পাউখুম পীবা, খুশুমলশিংগী ফ্লোরগী থাক মতিক চনা প্রোমোত তৌবা, মতিক চাবা সোসিয়েল প্রোতরক্সনদা এক্সেস ফংহনবা অমসুং সোসিয়েল দাইলোগ অমসুংকলেক্তিব বার্গেনিং প্রোমোত তৌনবা তকশিনখি।

G20 লেবর অমসুং এমপ্লোইমেন্ত মন্ত্রীশিংগী মীফমদা ‘জস্ত ত্রাঞ্জিশন’গী মাতংদা পাংথোকখিবা সেসনদা মহাক্কী ৱাহৌদোক্তা, শ্রীমতি কারন্দলাজেনা গ্রীনর এল্তর্নেতিবশিংদা অচুম্বা অমসুং অফবা ত্রাঞ্জিশন তৌনবা স্কিলিং অমসুং রিস্কিলিংগী তঙাইফদবগী মতাংদা য়াম্না মরু ওইনাপনখি। “জস্ত ত্রাঞ্জিশনদা দাইমেন্সন কয়া অমা মনুং চল্লি, কার্বোন-ইন্তেন্সিব ইন্দস্ত্রীশিংনা মতম লোইখিবনা মরম ওইরগা শোকহল্লবা ৱার্করশিং অমসুং কম্যুনিতীশিং য়াওরি। মসিদা সোসিয়েল প্রোতেক্সনগী য়াম্না চাউবা ফ্রেমৱার্ক, রিত্রেনিং প্রোগ্রামশিং অমসুং সস্তেনেবল ইন্দস্ত্রীশিংদা ইনভেস্তমেন্তশিং তৌবা মথৌ তাই। তৌইগুম্বশুং গ্রীনর আল্তর্নেতিবশিংদা হোংবদা নিংথিনা শেন্নদ্রবদি থবক য়াম্না মাংবা অমসুং ইকোনোমিক ইনস্তেবিলিতি থোকহনবা য়াই”, হায়না শ্রীমতি কারন্দলাজেনা হায়খি।

কেন্দ্রগী মন্ত্রীনা হায়খি মদুদি ভারতনা অখন্নবা হিরমশিংদা নেস্নেল মিসনশিং শেমখি খুদম ওইনা সোলর ইনর্জী, ইনর্জী এফিসিয়েন্সী, ৱাতরম সস্তেনেবল এগ্রিকলচর, হেল্থ, হিমালয়ান ইকোসীস্তেম, সস্তেনেবল হেবিতেত, গ্রীন ঈন্দিয়া অমসুং ক্লাইমেত চেঞ্জগীদমক্তা স্ত্রেতেজিক নোলেজ। মহাক্না সেক্তর স্কিল কাউন্সিল ফোর গ্রীন জোবস (SSCGJ)না মরি লৈনবা সেক্তরশিংগীদমক্তা স্কিল লৈরবআ ৱার্কফোর্স দেবেলপ তৌবদা য়াম্না মরু ওইবা থৌদাং লৌরি।

‘সোসিয়েল ইনক্লুজন অমসুং লাইর-অনং অমসুং অরাম-খৌরাংবা কোকহন্নবা অফবা মখলগী থবক ফংহনবা অমসুং অফবা থবকশিং প্রোমোত তৌবা’ হায়বা অসিগী মতাংদা ওইবা মহাক্কী সেসনদা হংলকপা মতমদা, শ্রীমতি কারন্দলাজেনা খঙহনখি মদুদি ভারতনা 2017-18 দগী 2021-22 ফাওবদা থবক মিলিয়ন 80গী মথক্তা জেনরেত তৌখি, হায়রিবা অসি চাংচত্তা চহি অমদা থবক মিলিয়ন 20 গী মথক্তা ওই অমসুং নহাশিং লেবর ফোর্সতা শরুক য়াবা হেনগৎলকপগা লোইননা থবক ফংদবা নহাশিংগী চাং অসি 2017-18দা 17.8% ওইরম্বদগী 2022-23দা 10% দা হন্থরকখি হায়না মহাক্না হায়খি। ভারতকী ‘ৱান নেসন, ৱান রেসন কার্দ’ হায়রিবা অনৌবা থৌরাং অসিনা মাইগ্রেন্ত ৱার্করশিং লৈবাক্কী মফম খুদিংমক্তা ফুদ গ্রেনশিং লৌবা য়াহল্লি হায়না মহাক্না হায়খি। মসিগী মথক্তা আয়ুশ্মান ভারত স্কীম, মালেম অসিগী খ্বাইদগী চাউবা সরকারনা ফন্দিং তৌবা হেল্থকিয়র প্রোগ্রাম অসিনা নাগ্রিক মিলিয়ন 550গী মথক্তা কোভর তৌই, মসিনা হেল্থ সেক্যুরিতীদা ঐখোয়না লৌরিবা ফিরেপ অদুবু তাক্লি হায়না মহাক্না হায়খি।

‘থবক শুফমদা জেন্দর ইক্বালিতী অমসুং দাইভর্সিতী প্রোমোত তৌবা’ হায়বসিগী মতাংদা হংখিবা ৱাহংদা, কেন্দ্রগী মন্ত্রীনা হায়খি মদুদি ভারতনা য়াম্না চাউবা লেজিস্লেতিবকী ওইবা পাম্বৈশিংগী খুত্থাংদা থবক শুফমদা জেন্দর ইক্বালিতী প্রোমোত তৌবদা মরু ওইবা খোংথাং কয়া অমা লৌখৎলি। “তদ সেকচুৱল এরসমেন্ত ওফ ৱিমেন এত ৱার্কপ্লেস (প্রিভেন্সন, প্রোহিবিশন অমসুং রেদ্রেসল) এক্ত, 2013না নুপীশিংগীদমক্তা অসোই-অঙাম য়াওদবা থবক শুফম অমা লৈহন্নবা য়াম্না চেকশিনবা প্রোসিজরশিং পল্লি। মখাতানা, ইক্বেল রিমুনরেশন এক্ত, 1976না চপ মান্নবা থবক নত্রগা চপ মান্নবা মখলগী থবক তৌরবদি নুপা অমসুং নুপী অনিমক চপ মান্নবা পে পীগদবনি হায়না পল্লি। অতোপ্পা য়াম্না মরু ওইবা খোংথাং অমনা নুপী এমপ্লোয়ীশিংগীদমক্তা পেদ মেতর্নিতী লীব অদু চয়োল 12দগী চয়োল 26 তা শাংদোকপা, হায়রিবা অসি পব্লিক অমসুং প্রাইভেত সেক্তর অনিমক্তনি”, হায়না মহাক্না হায়খি।

‘মীপুম খুদিংমক্কী পুনশি মহিং ফগহন্নবগী পাম্বৈ অমা ওইনা তেক্নোলোজীশিং শিজিন্নবা’ হায়বা অসিগী মতাংদা পাংথোকখিবা সেসন অদুদা, শ্রীমতি কারন্দলাজেনা হায়খি মদুদি ভারতনা এন্ত্রপ্রেনরশিপ অমসুং এমপ্লোইমেন্তকীদমক্তা অনৌবা এভেন্যুশিং হাংদোক্নবা ‘দিজিতেল ইন্দিয়া মিসন’গী খুত্থাংদা দিজিতেল প্লেতফোর্মশিং শিজিন্নরি। “ ভারত সরকারনা কনস্ত্রক্সন আরকেরশিং য়াওনা, গিগ অমসুং প্লেতফোর্ম ৱার্করশিং, স্ত্রীত ভেন্দরশিং, দোমেস্তিক ৱার্করশিং, মাইগ্রেন্ত ৱার্করশিং অসিনচিংবশিংগী তোপ-তোপ্পা ইদেন্তিফিকেশন নম্বর হায়বদি আধারগা লিঙ্ক তৌদুনা ওর্গনাইস ওইদবা ৱার্কর পুম্নমক্কী নেস্নেল দেতাবেস অমা শেম্নবগী পান্দমদা 2021 ই-শ্রম পোর্তল হৌদোকখি। হৌজিক ফাওবদা মসিগী পোর্তল অসিদা ইনফোর্মল সেক্তর ৱার্কর মিলিয়ন 298 হেন্না রেজিস্তর তৌখ্রে। ইনফোর্মল সেক্তরদা ৱার্করশিংদা স্কিলিংগী খুদোংচাবশিং ফংহন্নবা স্কিল ইন্দিয়া দিজিতেল পোর্তলদা মসিবু লিঙ্ক তৌই”, হায়না মআক্না মীতিন অদুদা হায়খি।  শ্রীমতি কারন্দলাজেনা মালেম অসিগী খ্বাইদগী চাউবা বায়োমেত্রিক ID সিস্তেমশিংগী মনুং অমা ওইরিবা আধারনা মী মিলিয়ন কয়া অমবু বেঙ্ক একাউন্ত হাংদোকপা য়াহন্দুনা অমসুং দাইরেক্ত বেনিফিত ত্রান্সফর তৌবা য়াহন্দুনা ফাইনান্সিয়েল ইনক্লুজন ঙমহল্লে হায়নশু হায়খি। তৌইগুম্বশুং, মন্ত্রী অসিনা G20 লৈবাকশিংদা তেক্নোলোজীগা কোন্ননা য়াওরকপা এথিকেল কন্সিদরেশনশিং অদুবু য়েংশিন্নবা তকশিনখি। মহাক্না হায়খি মদুদি দেতা প্রাইভেসী, সাইবর সেক্যুরিতী অমসুং AIবু এথিকেল ওইবা মওংদা শিজিন্নবগা মরি লৈনবা ৱাফমশিং অদুবু য়াম্না চাউবা রেগুলেতরী ফ্রেমৱার্ক অমসুং ইন্তর্নেস্নেল কোওপরেশনগী খুত্থাংদা য়েংশিনগদবনি হায়না হায়খি।

মীফম অসিগী নাকলদা মসিগা ইরোইননা, কেন্দ্র লেবর অমসুং এমপ্লোইমেন্তকী রাজ্য মন্ত্রী, শ্রীমতি সোভা কারন্দলাজেনা ইন্তর্নস্নেল লেবর ওর্গনাইজেশন (ILO)গী দাইরেক্তর জেনরেল, শ্রী গিলবর্ত হোংবোগা উনখি।

মহাক্না ব্রজিলগী ফোর্তালেজাদা পাংথোকখিবা G20 লেবর অমসুং এমপ্লোইমেন্ত মন্ত্রীশিংগী মীফমগী নাকলদা মসিগা ইরোইননা জাপানগী হেল্থ, লেবর অমসুং ৱেলফিয়রগী রাজ্য মন্ত্রী, শ্রী মিয়াজাকি মাসাহিসাগশু উনখি। লুচিংবা অনি অদুনা ভারত্তগী জাপানদআ সেমি-স্কিলদ অমসুং স্কিলদ ৱার্করশিংগী মোবিলিতী মখাতানা হেনগৎহনবগী তঙাইফদবা অদু য়াওনা নাকল অনিমক্কী কান্নগদবা হিরমশিংগী মতাংদা খন্নখি।

********