حکومت پردھان منتری اجولا یوجنا (پی ایم یو وائی) کے تحت غریب گھرانوں کی بالغ خواتین کو ڈپازٹ مفت ایل پی جی کنکشن فراہم کرتی ہے۔ اس کے علاوہ، 14.2 کلوگرام کے مساوی گھریلو ایل پی جی کے 12 ریفلز کے لیے300 روپے فی 14.2 کلوگرام کے سلنڈر (اور 5 کلوگرام سلنڈر کے لیے تناسب کے مطابق) کی ہدفی سبسڈی تمام پی ایم یو وائی صارفین کو فراہم کی جا رہی ہے۔ اس کے علاوہ، مختلف ریاستی حکومتیں پی ایم یو وائی کے مستفیدین کو سبسڈی والے ریفئل یا مزید سبسڈی بھی فراہم کر رہی ہیں۔

01.07.2024 تک، پہل  اسکیم کے تحت 30.19 کروڑ سے زیادہ ایل پی جی صارفین کا اندراج ہے۔ پہل اسکیم کے تحت، ایل پی جی سلنڈر غیر سبسڈی والی قیمت پر فروخت کیے جاتے ہیں اور ایل پی جی صارفین کو قابل اطلاق سبسڈی براہ راست صارفین کے بینک اکاؤنٹ میں منتقل کی جاتی ہے۔ سبسڈی یا تو آدھار ٹرانسفر کمپلائنٹ (اے ٹی سی) یا بینک ٹرانسفر کمپلائنٹ (بی ٹی سی ) موڈ کے ذریعے منتقل کی جاتی ہے۔

یہ یقینی بنانا ضروری ہے کہ یہ فوائد اہل اور ہدف شدہ مستفیدین تک موثر اور بروقت پہنچیں۔ ڈائریکٹ بینیفٹ ٹرانسفر (ڈی بی ٹی) اسکیموں کے لیے آدھار کی بنیاد پر تصدیق مطلوبہ مستفیدین کو فوائد کی ٹارگٹڈ ڈیلیوری کے لیے مستفید ہونے والوں کی درست، حقیقی وقت اور لاگت سے مؤثر شناخت، تصدیق اور ڈی ڈپلیکیشن کے قابل بناتی ہے۔

صارفین کی تصدیق کو بڑھانے کے لیے حکومت نے اکتوبر 2023 میں پبلک سیکٹر آئل مارکیٹنگ کمپنیوں (اوایم سی ز) کو ہدایات جاری کی تھیں کہ پی ایم یو وائی  اور پہل استفادہ کنندگان کی مکمل بایومیٹرک آدھار تصدیق۔صارفین مختلف طریقوں سے اپنے بائیو میٹرک آدھار کی تصدیق مکمل کر سکتے ہیں۔ اس میں ان کے متعلقہ او ایم سی ز کے ذریعے فراہم کردہ موبائل ایپلیکیشنز کا استعمال شامل ہے۔ یہ آپشن سہولت اور لچک پیش کرتا ہے، جس سے صارفین اپنے اسمارٹ فونز کا استعمال کرتے ہوئے، کسی ڈسٹری بیوٹر کا دورہ کیے بغیر، اپنی سہولت کے مطابق تصدیق کا عمل مکمل کر سکتے ہیں۔ صارفین اپنے سلنڈر کی ترسیل کے وقت بایومیٹرک آدھار کی تصدیق بھی مکمل کر سکتے ہیں۔ یہ طریقہ صارفین کو کسی بھی جگہ جانے کی ضرورت کے بغیر عمل کو مکمل کرنے کی اجازت دیتا ہے۔ صارفین اپنے ایل پی جی ڈسٹری بیوٹر کے شوروم پر جا کر توثیق کے عمل کو مکمل کرنے کا انتخاب بھی کر سکتے ہیں جو ان لوگوں کے لیے متبادل فراہم کرتا ہے جو ڈیلیوری کے اوقات میں دستیاب نہیں ہو سکتے یا ذاتی طور پر اس عمل کو مکمل کرنے کو ترجیح دیتے ہیں۔

تمام گھریلو ایل پی جی صارفین کو حوصلہ افزائی کی جاتی ہے کہ وہ اپنی سہولت کے مطابق دستیاب طریقوں میں سے کسی کا استعمال کرتے ہوئے بائیو میٹرک آدھار کی تصدیق کرائیں۔ یہ لچکدار طریقہ اس بات کو یقینی بناتا ہے کہ صارفین اس طریقہ اور وقت کا انتخاب کر سکیں جو ان کی انفرادی ترجیحات اور حالات کے مطابق ہو۔ وکسیت بھارت سنکلپ یاترا کیمپوں کے دوران بایومیٹرک آدھار تصدیق کی اہم تعداد (35 لاکھ سے زیادہ پی ایم یو وائی مستفیدین) کا کامیابی سے انعقاد کیا گیا۔ ایل پی جی سیفٹی انسپیکشنز/کیمپس کے ایک حصے کے طور پر صارفین کی دہلیز پر تصدیقی سرگرمیاں شروع کی جا رہی ہیں جو اس وقت جاری ہیں۔ جن صارفین کی بائیو میٹرک تصدیق مکمل نہیں ہوئی ان کے لیے کوئی سروس یا فائدہ بند نہیں کیا گیا ہے۔

یہ معلومات  پٹرولیم اور قدرتی گیس کی وزارت میں ریاستی وزیر جناب  سریش گوپی نے آج لوک سبھا میں ایک تحریری جواب میں دی۔

*****

ش ح ۔ ا م    ۔  ر ا۔

 (U: 8742)