محنت اور روزگار کی مرکزی وزیر مملکت محترمہ شوبھا کرندلاجے نے آج راجیہ سبھا میں ایک تحریری جواب بتایا کہ سمادھان پورٹل صنعتی تنازعات ایکٹ 1947 کے تحت مزدوروں، آجروں اور ٹریڈ یونینوں کے ذریعہ صنعتی تنازعات کو دائر کرنے میں سہولت فراہم کرنے کے لیے شروع کیا گیا تھا۔ اس میں پیمنٹ آف گریچوٹی ایکٹ، 1972، کم از کم اجرت ایکٹ 1948، اجرت کی ادائیگی ایکٹ، 1936، مساوی معاوضہ ایکٹ، 1976 اور میٹرنٹی بینیفٹ ایکٹ، 1961 کے تحت کارکنوں کے دعوے کے مقدمات دائر کرنے کی سہولت بھی موجود ہے۔

پورٹل میں صارف  موافق انٹرفیس ہے اور اس نے درج ذیل طریقے سے تمام متعلقین کے لیے شکایت کے حل کی شفافیت اور کارکردگی کو بڑھایا ہے:-

1. آن لائن فائلنگ: ورک مین/ٹریڈ یونینز/انتظامیہ اپنے تنازعات اور دعوے پورٹل میں کمپیوٹر،امنگ  ایپ کے ذریعے چوبیس گھنٹے لاگ ان کر کے اور قریب ترین کامن سروسز سنٹرز پر جا کر درج کر سکتے ہیں۔
2. ٹریکنگ: کارکن پورٹل پر ہی اس کے تنازعات/دعوؤں کی حیثیت کا پتہ لگاسکتے ہیں۔
3. شفافیت: شکایت کے ازالے کے عمل کے دوران جاری کیے گئے تمام نوٹسز اور اس طرح کے دیگر دستاویزات ایس ایم ایس اور ای میل کے ذریعے آن لائن بھیجے جاتے ہیں۔
4. تیز تر نپٹارہ: آن لائن میکانزم نے معاملات کو تیزی سے نمٹانے میں مدد کی ہے۔
5. نگرانی: پورٹل شکایات کی اندرونی نگرانی کے لیے ٹولز فراہم کرکے کارکردگی بڑھانے میں بھی مدد کرتا ہے۔

سمادھان پورٹل پر موصول ہونے والی اور نمٹائی جانے والی شکایات کی تعداد سال وار درج ذیل ہے:

 

*شکایات میں صنعتی تنازعات، دعوے اور شکایات شامل ہیں۔

۔۔۔۔۔۔۔۔۔۔۔

ش ح۔ا  گ۔ن ا۔

U- 8725

(Release ID: 2037008) Visitor Counter : 9