প্রধান মন্ত্রীনা থমখিবা "জাতিগা লোয়ননা পুন্না থবক তৌমিন্নবা অমসুং সিলোশিং থুগাইবা"গী লমজিং-লমতাক্কী মতুং ইন্না, রেলৱেজ মন্ত্রালয়, পাৱর মন্ত্রালয় অমসুং অতোপ্পা মরী লৈনবা দিপার্তমেন্তশিংগা খুৎশম্নদুনা পাৱর অমসুং ফর্তিলাইজর সেক্তরশিংগীদমক নোতিফাই তৌরবা মমলদা কোইলা মরাং কায়না সপ্লাই তৌনবা হোৎনরি। লৈবাক অসিগী শেন্মিৎলোন চাউখৎনবগীদমক মরুওইবা ওইরিবা স্তীল, সিমেন্ত, পেপর অমসুং স্পোঞ্জ আইরন য়াওনা রেগুলেত তৌদবা সেক্তরশিংদসু খোঙথাং অসি পাক শন্না পায়খৎলি।

2024-25গী শেনবা চহিগী ওইনা, মন্ত্রালয় অসিনা কোইলা পুথোকপগী পান্দম 1,080 MT ওইখি। 19.07.24 ফাওবদা, কোইলা পুথোকপা অসি 294.20 MT য়ৌখি, মসিনা মমাং চহিগী চপ মান্নবা মতমদা ওইখিবা 265.77 MTগা চাংদম্নবদা চাদা 10.70 হেনগৎলকপা উৎলি। পোজিতিব ওইবা মওং অসিনা মন্ত্রালয়না তুংকোইনা চৎনগদবা শেন্মিৎলোনগী চাউখৎ থৌরাংদা মীৎয়েং থম্লগা তোঙান তোঙানবা সেক্তরশিংগী ইনর্জীগী মথৌ তাবশিং ফংনবা হোৎনবগী ফিরেপ অদু উৎলি।

কোইলা থাদোকপগী মতাংদদি, 19.07.24 ফাওবদা, মন্ত্রালয়না মমাং চহিগী 287.12 MT গা চাংদম্নবদা চাদা 8.49গী গ্রোথ অমা ফংদুনা কোইলা 311.48 MT মায় পাক্না থাদোকখ্রে। দিস্পেচ তৌবগী চাং হেনগৎলকপনা মরুওইবা ইন্দস্ত্রীশিংগী ওপরেস্নেল মথৌ তাবশিং শৌগৎপতা নত্তনা ইনর্জী মার্কেতকী ‌ওভরওল স্তেবিলিতী হেনগৎহনবদা মতেং পাংই। শেন্মিৎলোনগী সেক্তর পুম্নমক্তা কোইলা অসি অহোংবা অমসুং এক্সেসিবল ওইবা রিসোর্স অমা ওইহন্নবা কোইলা মন্ত্রালয়না হোৎনরি। মসিনা লৈবাক অসিগী গ্রোথ অমসুং চাউখৎপগী অচেৎপা ফিরেপ অদু মপাঙ্গল কনখৎহল্লি।

লেপ্পা লৈতবা অমসুং থাজবা য়াবা সপ্লাই অমা ঙাক্তুনা থম্লগা মন্ত্রালয় অসিনা লৈবাক অসিগী ইনর্জী সেক্যুরিতী মপাঙ্গল কনখৎহন্নবা অমসুং মরুওইবা ইকনোমিক সেক্তরশিংদা মতেং পাংনবা পান্দম থম্লি। মসিগী স্ত্রেতেজিক ইনিসিএতিবশিং অসিগী খুত্থাংদা, কোইলা মন্ত্রালয়না ভারতকী শেন্মিৎলোনগী খুমাং চাওশিল্লকপদা মরু ওইবা থৌদাং অমা লৌনবা শেম-শারি। মসিনা মশাগী ইন্দস্ত্রীশিংগীদমক্তা মতিক চাবা অমসুং শেল চঙদবা কোইলা সপ্লাই লৈহন্নবা হোৎনগনি।

****