WIPO একাদেমীগী একজিক্যুতিব দিরেক্তর, শ্রী শেরিফ সাদাল্লাহ অমসুং WIPOগী হেদ মিস অলতায় তেদলা য়াওবা ৱর্ল্দ ইন্তেলেকচুএল প্রোপর্তী ওর্গনাইজেসন (WIPO)দগী হায়-লেবেল দেলিগেসন অমনা অতল ইন্নোভেসন মিসন (AIM) অমসুং WIPOগী মরক্তা জোইন্ত লেত্তর ওফ ইন্তেন্ত (JLoI) অমা খুৎয়েক পীননবা নিতি আয়োগত চৎখ্রে। JLoI অসিনা গ্লোবেল সাউথকী লৈবাকশিংদা ইন্নোভেসন, ওন্তপ্রিনোর্শিপ অমসুং ইন্তেলেকচুএল প্রোপর্তী (IP)গীদমক প্রোগ্রামশিং শেম্নবা পান্দম থম্মি।

ভারত সরকারগী এজুকেসন অমসুং স্কিল দিবেলপমেন্ত অমসুং ওন্তপ্রিনোরশিপকী মন্ত্রী শ্রী ধর্মেন্দ্র প্রধানসু থৌরম অসিদা শরুক য়াখি। নিতি আয়োগকী মায়কৈদগী থৌরম অদুদা শরুক য়াখিবা শক্নাইরবশিং অদুদি শ্রী সুমন বেরী, নিতি আয়োগকী ভাইস চিয়রমেন, দা. ভি.কে. সরস্বত, মেম্বর নিতি আয়োগ, অমসুং দা. অতল ইন্নোভেসন মিসনগী মিসন দিরেক্তর, চিন্তন বৈষ্ণব য়াওখি।

শ্রী ধর্মেন্দ্র প্রধান ভারত সরকারগী এজুকেসন অমসুং স্কিল দিবেলপমেন্ত অমসুং ওন্তপ্রিনোরশিপকী মন্ত্রীমন্দলনা হায়খি, "ভারতকী ইন্নোভেসন ইকোসিস্তেম মালেমগী থাক্তা চৎলিবা অসি উবদা ঐহাক য়াম্না নুংঙাইবা ফাওই। অনৌবা পুথোকপা হায়বসি ভারতকী পাঙ্গলনি। AIM অমসুং WIPO গী মরক্তা লৈরিবা অসিগুম্বা মরুওইবা পার্তনরশিপ অসিনা ভারতকী ইন্নোভেসন মোদেলশিং অসি মান্নবা দিবেলপমেন্ত ত্রেজেক্তোরীশিংদা লৈবা লৈবাকশিংদা পুশিল্লগনি। মসিনা স্কুলগী থাক্তগী হৌরগা IPR গী মতাংদা খঙবা হেনগৎহল্লগনি অমসুং মালেমগী ইন্নোভেসন পোতেন্সিএল অদু ফংহল্লগনি অমসুং ইনক্লুসিব অমসুং সস্তেনেবল ইকোনোমিক গ্রোথ ফগৎহল্লগনি।

WIPO একাদেমীগী একজিক্যুতিব দরেক্তর, শেরিফ সাদাল্লাহনা মহাক্কী ৱারোলদা হায়খি -  "ইন্তলেকচুএল প্রোপর্তী (IP)  অসি ইন্নোভেসন অমসুং ক্রিএতিবিতীগীদমক শক্তি লৈবা কেতালাইজর অমনি, মসিনা নহারোলশিংগী চাউখৎ থৌরাং অমসুং সস্তেনেবল দিবেলপমেন্ত গোলশিং ফংনবগীদমক তঙাই ফদবনি। নহারোলশিংদা ঐখোয়না মীৎয়েং থম্লিবা অসি হেন্না ইনক্লুসিব ওইবা গ্লোবেল IP ইকোসিস্তেম অমা শেমগৎনবা ঐখোয়না হোৎনরিবা অসিগী মরু ওইবা শরুক অমনি। অতল ইন্নোভেসন মিসনগা লোয়ননা ঐখোয়গী পার্তনরশিপ অসিনা WIPO না ইন্নোভেসন অমসুং ক্রিএতিবিতীদা নহারোলশিংনা শরুক য়াহনবগীদমক হোৎনরিবা অদু উৎলি। মসিনা IP ইকোসিস্তেমশিং অসি হেন্না ইনোবেতিব ওইবা অমসুং ক্রিএতিব ওইবা গ্লোবেল ইকোনোমী অমা ফগৎহন্দুনা পাক-শন্না দেমোগ্রাফিক্না শীজিন্নবা ঙম্লগনি।“

মমাং চহিদা, WIPO গী দিরেক্তর জেনরেল, দেরেন তোংনা AIM ইকোসিস্তেমদা চৎখি অমসুং সাউথ-সাউথ কোওপরেসনগী খুত্থাংদা ইন্নোভেসন অমসুং ওন্তপ্রিনোর্শিপকী অফবা তেম্প্লেৎ ওইনাঅতল তিঙ্করিং লেব্স (ATL) অমসুং অতল ইনক্যুবেসন সেন্তরশিং (AIC)গীদমক এদভোকেৎ তৌখি। মহাক্কী ওবজর্বেসনশিং অদুনা AIMগী মিসন দাইরেক্তর চিন্তন বৈষ্ণবনা চহি অসিগী অঙনবা শরুক্তা জিনেভা, স্বিৎজর্লেন্দদা লৈবা WIPOগী হেদক্বার্তরদা লৈবা দিবেলপমেন্ত অমসুং ইন্তলেকচুএল প্রোপর্তীগী কমিতী (CDIP)দা মেম্বর নেসন্সকী মমাংদা ফ্লেগশিপ ইনিসিয়েতিবশিং অসি উৎনবা পান্দম থম্লি। ঙসি খুৎয়েক পীনখিবা এগ্রীমেন্ত অসি হায়রিবা ৱারী শানবশিং অসিদগী থোক্লকপনি।

থৌরম অদুদা ৱা ঙাংলদুনা, নিতি আয়োগকী ভাইস চিয়রমেন শ্রী সুমন বেরীনা হায়খি মদুদি ভারতকী ওন্তপ্রিনোর্শিপ দিবেলপমেন্ত মোদেলগীদমক WIPO না শকখঙবা অসি ভারত অমসুং মিসন অসিগী হোস্ত ওইরিবা নিতি আয়োগকীদমক চাউথোকচনীংঙাই ওইবা তাঞ্জা অমনি। মসিনা নিতি আয়োগ অমসুং WIPO গী মরক্তা নেস্নেল কম্পিতিতিবনেসকী মতাংদা হান্নদগী লৈরক্লবা মরী অদু হেন্না চেৎশিলহল্লি।“

য়ুনাইতেদ নেসন্সকী অখন্নবা এজেন্সী অমা ওইনা, WIPO অসি চহি খুদিংগী গ্লোবেল ইন্নোভেসন ইন্দেক্স (GII) থাদোক্লিবা নোদেল ইন্সতিত্যুসননি। GII 2023গী রিপোর্তকী মতুং ইন্না, ভারতনা GII রেঙ্কিংদা য়াওরিবা ইকোনোমী 132গী মনুংদা 40শুবা মফমদা লৈরি। WIPO গী রিপোর্ত 2022গী মতুং ইন্না ভারতনা পেতেন্ত ফাইল তৌবগী চাং হেনগৎলকপগী মথং মথং চহি তরুক ওইদুনা মালেমগী ওইনা 31.6%গী চাং হেনগৎলক্লি। মরুওইনা, রেসিদেন্ত ফাইলিংদা চাউনা হেনগৎলকপা অসিনা 2022দা অপুনবা গ্রোথকী মরুওইবা দ্রাইভর ওইখি।

দোক্তর. ভি.কে. শ্রী সরস্বত, নিতি আয়োগকী মেম্বরনা মহাক্কী ৱারোলদা হায়খি মদুদি, "হৌখিবা চহি খরা অসিদা, ভারতনা মসিগী ওন্তপ্রিনোর্শিপকী খোঙচৎতা মালেমগী থাক্তা ঐখোয়গী এস্পিরেসনশিংগা মরী লৈননা চাউনা খুমাং চাউশিল্লে। AIM অমসুং WIPOগী মরক্তা পার্তনরশিপ অসিনা ভারতপু ইন্নোভেসনদা মালেমগী লুচিংবা অমা ওইহনবদা মতেং পাংগনি। পার্তনরশিপ অসিনা IP না লমজিংবা ইন্নোভেসনগী কলচর অমা পুক্নিং থৌগৎপদা অমসুং মসিনা ঐখোয়গী লৈবাক্কী তেক্নোলোজিকেল এদভান্সকী তুংলমচৎ ঙাকথোকপদা গেম চেঞ্জর অমা ওইবা য়াই।“

JLoI গী মরুওইবা অদুগী মতাংদা মহাক্কী ৱাখল্লোনশিং শেয়র তৌদুনা, অতল ইন্নোভেসন মিসনগী মিসন দিরেক্তর দা. চিন্তন বৈষ্ণবনা হায়খি, "ঐখোয়না আশা তৌরি মদুদি AIM-WIPOগী পার্তনরশিপ অসিনা লৈবাক কয়াদা কান্নবা ফংহল্লগনি। মখোয়না মখোয়গী ইন্নোভেসন ইকোসিস্তেম শেমগৎনবগীদমক অতল তিঙ্করিং লেবশিং অমসুং অতল ইন্নোভেসন সেন্তরশিংগুম্বা মোদেলশিং মথৌ তাই। নাকল অনিমক্না পুন্না থবক তৌমিন্নবগী এক্সপরিয়েন্স অসিনা হৌজিক্তি ইন্নোভেসন অমসুং ওন্তপ্রিনোর্শিপনা ইন্তলেকচুএল প্রোপর্তী (IP)গা অচৌবা মওং অমদা পুল্লি”।

WIPO গী মীহুৎ কাংবু অসি নুমিৎ মরিগী খোঙচৎ অমদা ভারত্তা লাক্লি। অমসুং জুলাই 23দা দ্বারকাগী AIM GGSIPUদা শীনবা ইন্নোভেসনদা ইন্তেলেকচুএল প্রোপর্তীগী মতাংদা ৱার্কশোপ অমদা শরুক য়াগনি। মখোয়গী খোঙচৎ মনুংদা দেলিগেৎশিংনা অতল তিঙ্করিং লেবশিংগী মহৈরোয়শিং অমসুং FICCI, NASSCOM, PHDCCI গী ইন্দস্ত্রী এক্সপর্তশিংগা ৱারী শানগনি।

অতল ইন্নোভেসন মিসনগী মতাংদা:

অতল ইন্নোভেসন মিসন অসি ভারত শিনবা থুংবদা ইন্নোভেসন অমসুং ওন্তপ্রিনোর্শিপকী কলচর অমা শেমগৎনবা নিতি আয়োগনা হৌদোকখিবা ফ্লেগশিপ ইনিসিএতিব অমনি।

****

(Release ID: 2035222) Visitor Counter : 24