প্রধান মন্ত্রী, শ্রী নরেন্দ্র মোদীনা বজেত সেসন হৌদ্রিঙৈ মাংওইননা মীদিয়াদা ৱারোল পীখি।

থৌরম অদুদা ৱা ঙাংলদুনা প্রধান মন্ত্রীনা চহি ৬০গী মতুংদা লৈঙাক অমনা অহুমশুবা তার্ম থংন-থংননা পায়রে। প্রধান মন্ত্রীনা হায়খি মদুদি লৈবাক অসিনা অহুমশুবা তার্মগী লৈঙাক অমনা বজেত থম্বদা চাউথোকচনিংঙাই ওইবা থৌরম অমা ওইনা উরি। প্রধান মন্ত্রীনা হায়খি, বজেত অসি অমৃত কালগী মীৎয়েং শাল্লবা বজেত অমনি অমসুং লৈঙাক অসিনা মতম কয়াগী মমাংদগী পীরকপা গরেন্তীশিং মঙফাওনহন্নবা হোৎনরি। "বজেত অসিনা হৌজিক লৈরিবা লৈঙাক অসিগী মথংগী চহি মঙাগী মায়কৈ লেপকনি অমসুং মসিনা ২০৪৭ ফাওবদা ভিক্সিত ভারত ফংনবগী মঙলানগী অচৌবা য়ুম্ফম অমা থোল্লগনি" হায়না মহাক্না মখা তাখি।

ভারত অসি মরুওইবা শেন্মিৎলোন পায়রিবা লৈবাকশিংগী মরক্তা হৌখিবা চহি অহুম্লোম অসিদা থংন-থংননা চাদা ৮গী চাথোক লৈখিবগা লোইননা খ্বাইদগী য়াঙনা খুমাং চাউশিল্লিবা লৈবাক ওইরি হায়না মহাক্না থমখি। ঙসিদি, অফবা মীৎয়েং, ইনভেস্তমেন্ত অমসুং পার্ফোরমেন্স কয়ানা মরম ওইদুনা খুদোংচাবা কয়া অমা লাক্লে হায়না মহাক্না হায়খি।

রাজনিতী দলশিংগী মরক্তা লান শোক্নরবা মতুং, অমসুং লোক সভা মীখল লোইরদুনা মীয়াম্না লৈঙাক খনখ্রবা মতুং অসিদদি পার্লিয়ামেন্তকী মেম্বর খুদিংমক্না পুনশিন্নদুনা মথংগী চহি ৫গী লৈবাক অসিগীদমক লান্থেংনমিন্ননবা প্রধান মন্ত্রীনা পুক্নিং চিংশিনখি। মহাক্না রাজনিতী দল খুদিংমকপু মখোয়গী ওর্গানাইজেসনদগী কাখৎলক্তুনা পার্লিয়ামেন্তকী লেমজনিংঙাই ওইরবা ফম্বাক অসিবু শীজিন্নদুনা মথংগী চহি মরিগা মখাইসিদি লৈবাকসিগীদমক অচেৎপা ফিরেপ অমা লেপ্পীনবগীদমক পুক্নিং চিংশিনখি। "জনুৱারী ২০২৯গী মীখলগী লানফমদা চৎপীয়ু। মতম অদুফাওবদি, তৌগদবা থবকশিং অসি লৈবাক অসিগী, লাইরবশিংগী, লৌমীশিংগী, নুপী অমসুং নহাশিংদা থমসি," হায়না মহাক্না ফোঙদোকখি। মহাক্না মখা তারদুনা হায়খি মদুদি মঙলানশিং অসি মঙফাওননবা অমসুং ২০৪৭ ফাওবদা ভিক্সিত ভারতকী ৱারেপ ফংনবা হোৎনবদা করিগুম্বা অমত্তা হুন্দোক্লোই।

করিগুম্বা রাজনিতী দল খরগী অরানবা খোঙথাংনা মরম ওইদুনা পার্লিয়ামেন্তরিয়ন কয়ানা মখোয়গী ৱাখল্লোন অমসুং মখোয়গী কন্সতিত্যুএন্সীশিংদা থোকলিবা ইস্যুশিং পুখৎপগী খুদোংচাদবা মায়োক্নরিবসি উবদা নুংনাংবা ফোংদোকখি। মহাক্না রাজনিতী দল খুদিংমক্তা মেম্বর খুদিংমক্তা মরুওইনা ইহান হানবা ওইনা কারকপা মেম্বরশিংবু মমাংদা থোকহন্দুনা মখোয়গী ৱাখল্লোন থমহনবীনবা আপিল তৌখি। শ্রী মোদীনা খল্লবা লৈঙাক অমবু অমসুং মদুগী প্রধান মন্ত্রীবু পার্লিয়ামেন্ততা মচীন মেন্নবা হোৎনরিববু নীংশিংখি। "মসি গনতন্ত্রদদি মফম লৈতে," হায়না প্রধান মন্ত্রীনা নৌহৌননা নীংশিংখি।

প্রধান মন্ত্রীনা পার্লিয়ামেন্তরিয়নশিংদা নীংশিংখি মদুদি লৈবাক অসিগী মীয়াম্না মখোয়গী অপাম্বদু লৈবাক অসিবু সেবা তৌনবা পীখিবনি, রাজনিতী দলশিংগী এজেন্দাগীদমক নত্তে। "হাউস অসি রাজনিতী দলশিংগী নত্তে, হাউস অসি লৈবাক অসিগীনি। মসিনা পার্লিয়ামেন্তরিয়ানশিংবু সেবা তৌহনগদবা নত্তে, লৈবাক অসিগী করোর ১৪০গী মীয়ামগী সেবা তৌগদবনি," হায়না মহাক্না ফোংদোকখি। লোইশিল্লকপদা, প্রধান মন্ত্রীনা পার্লিয়ামেন্তকী মেম্বর খুদিংমক্না মহৈ পুরক্নিংঙাই ওইবা খন্ননৈনবা কয়া পুরক্কনি হায়বগী থাজবা থমখি। মহাক্না মখা তারদুনা হায়খি মদুদি লৈবাক অসিনা অফবা ৱাখল্লোন পুথোকপা তঙাইফদে। "করিগুম্বা অমগী মাইয়োক্তা লৈবা মীৎয়েং হায়বসি ফত্তবা নত্তে, অদুবু অরানবা ৱাখল্লোন অসিনা চাউখৎপদা থীন্থহল্লি" হায়রদুনা গনতন্ত্রগী লাইশঙ অসিবু মীচম মীয়ামগী মঙলানশিং মঙফাওনহন্নবা শীজিন্ননবগী অচেৎপা থাজবগা লোইননা মহাক্কী ৱারোল লোইশিনখি।

Sharing my thoughts at the start of the Budget Session of Parliament.https://t.co/doTLz9NDeD

— Narendra Modi (@narendramodi) July 22, 2024

***