ভারতকী ইকাই খুম্নরবা প্রধান মন্ত্রী শ্রী নরেন্দ্র মোদীনা শৌগৎলিবা "বসুধৈব কুতুম্বকম" অমসুং "নেবরহুদ ফার্স্ত" পোলিসীগী ফিলোসোফীগা লোয়ননা নেস্নেল সেন্তর ফোর গুদ গবর্নান্স (NCGG) না জুলাই 15-20, 2024 ফাওবদা বাংলাদেশকী দিপুতি কম্মিস্নর 16গীদমক্তা পব্লিক পোলিসী অমসুং গবর্নান্সকী মতাংদা চয়োল অমগী অখন্নবা কেপাসিতী বিল্দিং প্রোগ্রাম মায় পাক্না লোইশিনখ্রে।

দিপুতী কম্মিস্নারশিংনা কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), PMO, এতোমিক ইনর্জী দিপার্তমেন্ত অমসুং স্পেস দিপার্তমেন্ত, পর্সনেল, পব্লিক গ্রিভান্স অমসুং পেন্সনগী মন্ত্রালয়গী MoS, দা. জিতেন্দ্র সিংহগা লোয়ননা ৱারী শাবগী খুদোংচাবা অমা ফংখি।

ওফিসরশিংদা ৱা ঙাংলদুনা, দোক্তর জিতেন্দ্র সিংহনা অপুনবা শীংনবশিং কোকহন্নবা খ্বাইদগী ফবা থৌওংশিং অমসুং লৌশিং একচেঞ্জ তৌবগী ম্যুচেল বেনেফিৎশিং অদু পনখি। মহাক্না পি.এম. অৱাস য়োজনা, আয়ুশ্মান ভারত, অমসুং CPGRAMSগুম্বা ভারতকী চাউখৎ-থৌরাংগী প্রোগ্রামশিং মায় পাকপগী মতাংদা পনখি। তেংবাং পীনবা হেনগৎহন্নবগীদমক মান্নবা ইসুশিং থেংনরিবা ভারত অমসুং বাংলাদেশকী "ত্বিন দিস্ত্রিক্তশিং" মশক খঙদোক্নবা মহাক্না ৱাফম থমখি। মহাক্না ইকাই খুম্নরবা প্রধান মন্ত্রী শ্রী নরেন্দ্র মোদীগী 'নেবরহুদ ফার্স্ত' পোলিসীগী খুত্থাংদা ভারত-বাংলাদেশকী মরী মপাঙ্গল কনখৎলকপদা থাগৎপা ফোংদোকখি। মসিনা 'ভিকসিত ভারত 2047’ অমসুং 'স্মার্ত বাংলাদেশ ভিজন 2041'গী ভিজনগা লোয়ননা কেপাসিতী বিল্দিং, ইনফ্রাস্ত্রকচর দিবেলপমেন্ত অমসুং পিপল-তু-পিপল কন্নেক্সনশিংদা মীৎয়েং থম্লি।

সিভিল সর্ভেন্ত 1500গীদমক কেপাসিতী বিল্দিং প্রোগ্রামগী অহানবা ফেজ লোইরবা মতুংদা, NCGGনা 2025 ফাওবদা অহেনবা সিভিল সর্ভেন্ত 1800গী কেপাসিতী হেনগৎনবা বাংলাদেশ সরকারগা লোয়ননা MoU অমা খুৎয়েক পীনখি। হৌজিক ফাওবদা, MEAগী মতেংগা লোয়ননা অমসুং ধাকাদা লৈরিবা ইন্দিয়ন মিসনগা নক্না চৎমিন্নদুনা, NCGGনা বাংলাদেশকী ওফিসর 2,650 রোম ত্রেনিং পীখ্রে। চয়োল অমরোম চুপ্না চত্থখিবা থৌরম অসিদা ভারত সরকারগী সেক্রেতরীশিং অমসুং দিস্ত্রিক্ত কলেক্তরশিং অমসুং মেজিস্ত্রেৎশিংগা মরু ওইবা হীরমশিংদা তোঙান তোঙানবা খোঙথাংশিং অমসুং খ্বাইদগী ফবা থৌওংশিংগী মতাংদা ৱারী শানখি।

লোইশিনবগী থৌরমদা DARPG & DPPWগী সেক্রেতরী অমসুং NCGGগী DG, শ্রী ভি. শ্রীনিভাস, IASনা ময়াই তাংবল লৌখি অমসুং NCGGগী চিফ এদমিনিস্ত্রেতিব ওফিসর, শ্রীমতি পৃস্কা পোলি মেথ্যুনা শরুক য়াখি। থৌরম পুম্বা অসি NCGGগী কোর্স কোওর্দিনেতর অমসুং এসোসিএৎ প্রোফেসর, দা. এ.পি. সিংহ; NCGGগী এসোসিএৎ কোর্স কোওর্দিনেতর অমসুং এসোসিএৎ প্রোফেসর,দা. গাজালা হসন;  NCGGগী প্রোগ্রাম এসিস্তেন্ত, শ্রী সঞ্জয় দত্ত পেন্ত; অমসুং NCGGগী য়ুং প্রোফেস্নেল শ্রী অকাশ শিকদর লোয়ননা NCGGগী দেদিকেতেদ ত্রেনিং তীমনা সুপর্ভাইজ অমসুং কোওর্দিনেৎ তৌখি।

****