কেন্দ্রগী পোর্তস, শীপ্পিং অমসুং ৱাতরৱেজকী মন্ত্রী, শ্রী সর্বানন্দা সোনোৱালনা ঙসি দ্রেনেজ অমসুং সিৱেজ সীস্তেম য়েংশিন্নবা দিব্রুগর সহরগী নালিয়াপুলগী মফমশিংদা চৎখি। দিব্রুগর LSCগী লোক সভা MPশু ওইরিবা, শ্রী সোনোৱালনা দ্রেনেজ সিস্তেমগী অশোইবা দিজাইন অদুবু শেমদোক্তুনা তুংকোইনা চৎকদবা অমসুং থবক ওইনা ওইথোকপা য়াবা পাম্বৈশিং হায়বদি সহরগী পুনশিদা শোকহনগদবা খুৎশেমগী ঈশিং-ঈচাও অদুবু ঙকথোক্নবা সিস্তেম অঞা পুথোক্নবা অরৈবা রিসোর্সশিং অমসুং মহৈ-মশিং পুম্নমক শিজিন্ননবা এক্সপার্তশিং অমসুং ওথোরিতীশিংদা হায়খি। শ্রী সর্বানন্দ সোনোৱালনা মখাতানা মরু ওইনা পনখি মদুদি IIT গুৱাহাতিনা সহরদা থোক্লিবা খুৎশেমগী ঈশিং-ঈচাওশিং অদুগী মরমগী মতাংদা নৈনরগনি অমসুং মসিগী মতুং ইন্না মাস্তরপ্লান অমা শেম্লগনি। সরকারনা মসিগী মতুং ইন্না সহর অসিদা থোক্লিনা খুৎশেমগী ঈশিং-ঈচাও অসিবু ফহন্নবা শেমদোক্নবগী পাম্বৈশিং লৌখৎলগনি। কেন্দ্রগী মন্ত্রী, শ্রি সোনোৱালনা অসামগী মুখ্য মন্ত্রী, দা. হিমন্তা বিস্বা সর্মাদশু ৱারি শাখি।

থৌরম অদুদা ৱা ঙাংলদুনা, শ্রী সোনোৱালনা হায়খি, “দিব্রুগরদা থোক্লিবা খুৎশেমগী ঈশিং-ঈচাও অসি য়াম্না ৱানিংঙাই ওইবা মচাক অমনি অমসুং ঐখোয়না মসিগী প্রোব্লেম অসিবু লোইশিন্নবা মাংজিল থাদুনা লৈগদবনি অমসুং শেল-থুমগী মতাংদা মরম চাবা , ইকোলোজীগী মতাংদা মতিকচাবা অমসুং মহৌশাগী অকোইবদা লৈরিবা ফিভম অসিদশু অকাইবা পীদবা পাম্বৈ অমা থিগদবনি। IIT গুৱাহাতিনা দিব্রুগরদা লৈরিবা মীয়ামগী পুনশিদা অকাইবা পীরিবা, সহর অসিদা থোক্লিবা খুৎশেমগি ঈশিং-ঈচাও অসি থোক্লিবগী মরম অদুগী মতাংদা থিজিল্লগনি। হেক খঙবগা , এক্সপার্তশিংগী তীমনা মাস্তরপ্লান অমা শেম্লগনি অমসুং থবক ওইনা পাইখৎনবগীদমক্তা সরকারদা খুৎশিন্নরগনি। ”

য়েংশিন খোংচৎ অদুগী মতুংদা, কেন্দ্র মন্ত্রীনা ওফিসিয়েলশিংদা মীয়ামগী অৱাবা কোকহন্নবা থবক-থৌরমশিং য়াম্না য়াংনা পাইখৎনবা হায়খি। শ্রী সোনোৱালনা লম খোপচিনবা য়াওনা ৱাফম কয়া অমগী মতাংদা য়েংশিন্নবা সিভিক বোদী অমগী তঙাইফদবগী মতাংদা য়াম্না মরু ওইনা পনখি। মসিগী মথক্তা মহাক্না ওফিসিয়েলশিংদা মখোয়গী প্লানশিংদা এক্সপর্তশিংগী ওপিনিয়নশিং অমসুং পাউতাকশিং অদুবু মসিদা হাপচিন্দুনা মসিগী শিংনবশিং অসিগী তুংকোইনগী ওইবা পাম্বৈ অমা থিনবগী মাইকৈদা হোৎনননবগী মতাংদা তকশিনখি।

কেন্দ্র মন্ত্রী অদুগা লোইননা দিব্রুগর মুনিসিপাল কোর্পোরেশন (DMC)গী মেয়র, সাইকত পাত্রা; জিলা অদুগী কমিস্নর, ভিক্রম কারিগা লোইন-লোইননা রাজ্য সরকারগী মকোক থোংবা ওফিসিয়েলশিং অমসুং মহাকপু নুংশিবীবশিংনা থৌরম অদুদা শরুক য়াখি।

*****