மத்திய துறைமுகங்கள், கப்பல் மற்றும் நீர்வழிகள் அமைச்சர் திரு சர்பானந்த சோனோவால் இன்று திப்ருகர் நகரின் நாலியாபூல் பகுதிக்கு சென்று வடிகால் மற்றும் கழிவுநீர் அமைப்பை ஆய்வு செய்தார்.

திப்ருகர் மக்களவை எம்.பி.யாகவும் இருக்கும் திரு சோனோவால், தவறாக வடிவமைக்கப்பட்ட வடிகால் அமைப்புக்கு ஒரு நிலையான மற்றும் நடைமுறை தீர்வை உருவாக்க அனைத்து முயற்சிகள், வளங்கள் மற்றும் அறிவை மேம்படுத்துமாறு நிபுணர்கள் மற்றும் அதிகாரிகளுக்கு அழைப்பு விடுத்தார்

செயற்கை வெள்ளத்துக்கான காரணங்களை ஆய்வு செய்து,  அதன் அடிப்படையில் ஒரு முதன்மை திட்டம் தயாரிக்க வேண்டும் என அவர் வலியுறுத்தினார். இது தொடர்பாக அசாம் முதலமைச்சர் ஹிமந்தா பிஸ்வா சர்மாவையும் மத்திய அமைச்சர் திரு. சோனோவால் தொலைபேசியில் தொடர்பு கொண்டார்.

நிகழ்ச்சியில் பேசிய திரு சோனோவால், "திப்ருகரில் ஏற்பட்ட செயற்கை வெள்ளம் கவலைக்குரியது, இந்த பிரச்சினையை தீர்ப்பதில் நாம் முன்னணியில் இருக்க வேண்டும், பொருளாதார ரீதியாக விவேகமான, சுற்றுச்சூழல் ரீதியாக சாத்தியமான மற்றும் சுற்றுச்சூழலுக்கு உகந்த ஒரு தீர்வைக் கண்டறிய வேண்டும். ஐ.ஐ.டி குவஹாத்தி நகரத்தில் இந்த செயற்கை வெள்ளத்தின் பின்னணியில் உள்ள காரணங்களை ஆய்வு செய்யப் போகிறது, இது திப்ருகரின் வாழ்க்கையை நிலைகுலையச் செய்துள்ளது. அடையாளம் காணப்பட்டதும், நிபுணர் குழு ஒரு பெருந்திட்டத்தை உருவாக்கி  அதை செயல்படுத்த அரசிடம் வழங்கும். இது எழுத்து மற்றும் உணர்வுடன் செயல்படுத்தப்படுவதை நாங்கள் உறுதி செய்வோம், இதனால் இந்த செயற்கை வெள்ள அச்சுறுத்தலுக்கு நிரந்தரமாக முற்றுப்புள்ளி வைக்க முடியும். இதுபோன்ற செயற்கை வெள்ளப்பெருக்குக்கு ஆக்கிரமிப்பு ஒரு முக்கிய காரணம் என்பதும் மிகவும் கவலைக்குரியது. சட்டத்தை மீறும் எவருக்கும் எதிராக நடவடிக்கை எடுத்து அவர்களை சட்டத்தின் முன் நிறுத்துமாறு குடிமை அமைப்புகளை நான் கேட்டுக்கொள்கிறேன். திப்ருகரின் செயற்கை வெள்ளப் பிரச்சினைக்கு நிலையான தீர்வைக் காண சாத்தியமான அனைத்து நடவடிக்கைகளையும் நாம் உறுதி செய்ய வேண்டும் என்று  கூறினார்.

***

PKV/DL