بندرگاہوں، جہاز رانی اور آبی راستوں کے مرکزی وزیر جناب سربانند سونووال نے آج ڈرینیج اور سیوریج نظام کا معائنہ کرنے کے لیے ڈبرو گڑھ شہر کے نالیا پول علاقے کا دورہ کیا۔ جناب سونووال، جو ڈبروگڑھ ایل ایس سی کے لوک سبھا رکن پارلیمنٹ بھی ہیں، نے ماہرین اور حکام سے مطالبہ کیا کہ وہ تمام کوششوں، وسائل اور علم کو بروئے کار لاتے ہوئے پانی کی نکاسی کے خراب نظام کا ایک پائیدار اور عملی حل نکالیں - ایسا نظام جو شہر کی زندگی کو متاثر کرنے والے مصنوعی سیلاب کو روکے گا۔ جناب سربانند سونووال نے مزید زور دیا کہ آئی آئی ٹی، گوہاٹی شہر میں مصنوعی سیلاب کی وجوہات کا مطالعہ کرے گی جس کی بنیاد پر ایک ماسٹر پلان تیار کیا جائے گا۔ اس مطالعے کی بنیاد پر حکومت شہر میں مصنوعی سیلاب کے مسئلے کو حل کرنے کے لیے اصلاحی اقدامات کرے گی۔ مرکزی وزیر جناب سونووال نے اس سلسلے میں آسام کے وزیر اعلیٰ ڈاکٹر ہیمنت بسوا سرما سے بھی ملاقات کی۔

Recently, artificial floods have disrupted life in Dibrugarh town. Today, visited the Naliapool area and inspected the drainage system with local residents.

I have talked over phone with Hon'ble CM Shri @himantabiswa regarding the matter; also urged officials to take fast and… pic.twitter.com/yljlFTa6xV

— Sarbananda Sonowal (@sarbanandsonwal) July 20, 2024

اس موقع پر بات کرتے ہوئے، جناب سونووال نے کہا، "ڈبرو گڑھ میں مصنوعی سیلاب تشویش کا باعث ہے اور ہمیں اس مسئلے کو حل کرنے کے لیے سب سے آگے رہنا چاہیے اور ایسا حل تلاش کرنا چاہیے جو اقتصادی طور پر محتاط، حیاتیاتی طور پر قابل عمل، اور ماحولیاتی طور پر پائیدار ہو۔ آئی آئی ٹی گوہاٹی شہر میں اس مصنوعی سیلاب کی وجوہات کا مطالعہ کرنے جا رہا ہے، جس نے ڈبرو گڑھ کی زندگی کو تباہ کر دیا ہے۔ شناخت ہونے کے بعد ماہرین کی ٹیم ایک ماسٹر پلان تیار کرے گی اور اس پر عملدرآمد کے لیے حکومت کو پیش کرے گی۔ ہم اس امر کو یقینی بنائیں گے کہ اس پر عمل کیا جائے تاکہ مصنوعی سیلاب کے اس خطرے کو اچھی طرح سے روکا جا سکے۔ یہ بات بھی انتہائی تشویشناک ہے کہ اس طرح کے مصنوعی سیلاب کی ایک بڑی وجہ تجاوزات ہے۔ میں شہری اداروں سے مطالبہ کرتا ہوں کہ قانون کی خلاف ورزی کرتے ہوئے پائے جانے والے کسی بھی شخص کے خلاف کاروائی کریں اور انہیں قانون کے کٹہرے میں لایا جائے۔ ہمیں ڈبرو گڑھ کے مصنوعی سیلاب کے مسئلے کا پائیدار حل تلاش کرنے کے لیے تمام ممکنہ اقدامات کو یقینی بنانا چاہیے۔‘‘

معائنہ کے بعد، مرکزی وزیر نے افسران کو ہدایت دی کہ وہ عوام کو راحت پہنچانے کے لیے تیزی سے کام کریں۔ جناب سونووال نے شہری اداروں کی ضرورت پر زور دیا کہ وہ تجاوزات سمیت متعدد مسائل کو حل کریں۔ انہوں نے عہدیداروں پر زور دیا کہ وہ ان چنوتیوں کا مستقل حل تلاش کرنے کی کوششوں کو تیز کریں اور ماہرین کی آراء اور تجاویز کو اپنے منصوبوں میں شامل کریں۔

مرکزی وزیر کے ساتھ ڈبرو گڑھ میونسپل کارپوریشن (ڈی ایم سی) کے میئر سیکت پاترا؛ ضلع کمشنر، وکرم کیری کے علاوہ ریاستی حکومت کے  سینئر افسران اور  خیرخواہان بھی  موجود تھے۔

**********

(ش ح –ا ب ن۔ م ف)

U.No:8498