মালেমগী পোপুলেসন নুমিৎ পালন তৌবগী মখা চত্থরকপা ওইনা হকশেল অমসুং য়াইফ-থৌরাংগী কেন্দ্রগী রাজ্য মন্ত্রী, শ্রীমতি অনুপ্রিয়া পতেলনা ঙসি পব্লিক হেল্থ এক্সপর্তশিংগা লোয়ননা মীফম অমা পাঙথোকখ্রে। থৌরম অসিগী থিমনা “রীচিং দি লাস্ত মাইল ফোর এনস্যুরিং তাইমিং এন্দ স্পেসিং বিত্বিন প্রেগনেন্সীস: ইস্যুস এন্দ চেলেঞ্জেস”না ওইখি।

মীরোনবা মতমদা মওং চুম্না মতম লেপ্পগী মরুওইবা অদু পল্লদুনা কেন্দ্রগী মন্ত্রীনা হায়খি, " নাওরোন মতিক চানা কান্নরগা মীরোনবনা মমা অমদি মচাগী হকশেলদা কান্নবা চাউনা পী। মসিনা হকশেলগী ওইবা খুদোংথিবশিং হন্থহল্লি অমসুং নুপীশিং অমদি ইমুং-মনুংশিংদা মখোয়গী রিপ্রদক্তিব হেল্থকী মতাংদা ইনফোর্ম চোইসশিং লৌবা ঙমহল্লি”। সরকারনা হায়রিবা ৱাফমশিং অসি মতম পুম্নমক্তা খঙদুনা লাক্লি হায়না মহাক্না অকনবা ৱাফম থমখি। “প্রধান মন্ত্রী সুরক্ষিৎ মাতৃত্বা অভিয়ান (PMSMA), এক্সতেন্দেস PMSMA, PMSMAদা হায়-রিস্ক প্রেগনেন্সী মশক খঙদোকপা, এনেমিয়া মুক্তা ভারত অভিয়ান, অমসুং পোস্ত-পার্তম ফেমিলী প্লান্নিং প্রোগ্রাম (পোস্ত-পার্তম IUCD  অমসুং পোস্ত-এবোর্সন IUCD)গুম্বা ইনিসিএতিবশিং হৌদোকপা অসি হীরম অসিদা সরকারগী ফিরেপকী খুদম খরনি”, হায়না মহাক্না মখা তাখি। মহাক্না মখা তাখি মদুদি “সরজারগী খোঙথাংশিংনা অঙাং লাখ অমা পোকপদা 130দগী 97দা মেতর্নিতী মোর্তেলিতী হন্থহনবা ঙমখি”।

কেন্দ্রগী মন্ত্রীনা ফেমিলী প্লান্নিংদা নুপাশিং য়াওহন্নবা রাজ্যশিংনা হোৎনরিবশিং অদুসু পনখি। মহাক্না ইফেক্তিব কম্ম্যুনিকেসন স্ত্রেতিজীগী মরুওইবা অদুসু পনখি। “২০৪৭ ফাওবদা ভিকসিৎ ভারত ওইনবগী থবক অসি ঐখোয়গী নুপীশিংদা শক্তি পীবা য়াওদনা পাংথোকপা ঙম্লোই। মীরোনবগী মরক্তা হকচাং ফবা মতম অমসুং স্পেসিং অসি নুপীশিংগী হকশেলগীদমক্তা য়াম্না মরু ওই" হায়না মহাক্না মখা তাখি।

MoHFW গী এদিস্নেল সেক্রেতরী অমসুং মিসন দিরেক্তর (NHM)গী শ্রীমতী অরাধনা পত্নাইকনা হায়খি মদুদি ভারতনা রাজ্য/UT 31না রিপ্লেসমেন্ত লেবেল য়ৌবগা লোয়ননা 2.0 গী TFR অমা ফংবা ঙমখ্রেঅদুম ওইনমক, মহাক্না লেমহৌরিবা রাজ্য মঙাদা TFRবু রিপ্লেসমেন্ত লেবেলগী মখাদা পুরক্নবা ইফেক্তিব স্ত্রেতিজী অমগী তঙাইফদবা অদু পনখি।

থৌরম অদুদা শরুক য়াখিবা পব্লিক হেল্থ এক্সপর্তশিং অদুদা ফেমিলী প্লান্নিং এসোসিএসন, ইন্দিয়াগী হেদ, দোক্তর কল্পনা অপ্তে; UNFPA ইন্দিয়াগী সেকচুএল অমসুং রিপ্রদক্তিব হেল্থ স্পেসিএলিস্ত, দোক্তর সাসৱতী দাস; মুম্বাইগী ইন্তর্নেস্নেল ইন্সতিত্যুৎ ফোর পোপুলেসন সাইন্সস (IIPS) গী প্রোফেসর অমসুং ফর্তিলিতী অমসুং সোসিএল দেমোগ্রাফী দিপার্তমেন্তকী হেদ, দোক্তর চন্দর শেখর; অমসুং USAID ইন্দিয়াগী ফেমিলী হেল্থ/ RMNCHA দিভিজনগী দিভিজন চীফ মোনি সিনহা সাগর; Jhpiego ইন্দিয়াগী কন্ত্রী দিরেক্তর দোক্তর সোমেশ কুমার; মেত্রিতিবা এদভান্স IVF অমসুং মেতর্নিতি সেন্তর, গুরুগ্রামগী দিরেক্তর অমসুং চীফ; প্রোফেসর সুধা প্রসাদ; অমসুং ভারত সরকারগী MoHFWগী হান্নগী এদভাইজর (ফেমিলী প্লান্নিং এন্দ মেতর্নেল হেল্থ) দোক্তর এস কে সিকদর য়াওখি।

ফেমিলী প্লান্নিং সর্ভিসশিংদা ইম্পেক্ত তৌরিবা মখল কয়াগী হীরমশিংদা খন্ন-নৈনখি। ফেমিলী প্লান্ননিংদা নুপা অমসুং নুপীগী চপ মান্নবা শরুক য়াবা অমসুং ফেমিলী প্লান্নিংদা দেতা শীজিন্নবদগী হৌরগা মালেমগী খ্বাইদগী ফবা থৌওংশিং অমসুং ভারত্তা মখোয়বু চৎনহনবদসু খন্ন-নৈনখি। শরুক য়ারিবশিংনা অখঙবা লৌশিং অমসুং খোঙথাংশিং, অনৌবা কন্ত্রাসেপ্তিবশিংগী তুংগী ৱাখল্লোনশিং, অমসুং ফেমিলী প্লান্নিং প্রোগ্রামদা মখোয়গী এক্সপরিয়েন্সশিংসু শিয়র তৌখি।

প্রোফেসর সুধা প্রসাদনা মেতর্নেল মোর্তেলিতীগী মরম কয়া, মীরোনবগী মরক্তা মতিক চানা নাওরোন কানহন্দবনা মরম ওইদুনা ন্যুত্রিসনগী অৱাৎপা লৈরকপা অমসুং অঙাংশিংগী মরক্তা নাওরোন কান্নবগী মরুওইবশিংগী মতাংদা ময়েক শেংনা থমখি। মহাক্না নুপীশিং অমসুং কপলশিংদা শোইবদগী মীরোনবগী রিস্ক হন্থহন্নবা কন্ত্রাসেপ্তিব ওপ্সনশিংগী মখল পুম্নমক ফংহনবগী তঙাইফদবা অদুদা অকনবা ৱাফম থমখি।

দোক্তর. কলপানা অপ্তেনা ভারত্তা চৎনরিবা জেন্দরগী চৎনবীশিংগী মতাংদা ৱা ঙাংখি অমসুং ফেমিলী প্লান্নিংদা নুপাশিংনা মরুওইনা শরুক য়াবগী তঙাইফদবা অদু পনখি। মহাক্না নুপাশিংগা ফেমিলী প্লান্নিং তৌনবগী মতাংদা ৱারী শানবগীদমক্তা নুপাশিংগা পাউ ফাওনবগী মথৌ তাবা অমসুং নুপাশিংনা গ্রাসরুত লেবেল সপ্পোর্ত পীনবগী মথৌ তাবগী মতাংদসু পুক্নিং চিংশিনখি।

শ্রীমতী মোনি সিনহা সাগরনা হোর্মোনেল IUDশিং অমসুং ভজাইনেল রিংশিংগুম্বা অনৌবা কন্ত্রাসেপ্তিবশিং পুথোকপা অমসুং অপাম্বশিং পাকথোক চাউথোকহনবগী মরুওইবা অদু ফোংদোকখি। মহাক্না হায়খি মদুদি NFHS-5 গী দেতা অসিনা হীরম কয়াদা মায় পাক্লে উৎলি, অদুম ওইনমক, ইনখৎলক্লিবা অঙাংশিংগী মীরোনবগী চাং ৱাংখৎলকপা অমসুং ত্রেদিস্নেল কন্ত্রেসেপ্সনগী পাম্বৈ শীজিন্নবদা অৱাবা লৈরি।

দোক্তর. সোমেশ কুমার অমসুং দোক্তর. সাসৱতি দাসনা নফেমিলী প্লান্নিং প্রোগ্রামগী য়ৌশিনবা হেনগৎহনবদা মালেমগী ওইবা এক্সপিরিয়েন্সশিংগী মতাংদা মখোয়গী ৱাখল্লোনশিং ফোংদোকখি। মখোয়না য়ুম্বী অহুমগী মরুওইবা অদু পনখি: সর্ভিস দেলিভরী, সোসিএল অমসুং বিহেবিয়র চেঞ্জ, অমসুং এনেব্লিং এনভাইর্নমেন্ত অমা শেম্বা। দোক্তর সোমেশনা অনৌবা কন্ত্রেসেপ্তিবশিং শীজিন্ননবা নহাশিংদা খঙহনবগী তঙাইফদবা অদু পনখি।

দোক্তর. চন্দর শেখরনা কন্ত্রেসেপ্তিব শীজিন্নবদা লৈরিবা জিওগ্রাফিক দিস্পেরিতীশিং অমসুং নহারোলশিংগী মরক্তা ফেমিলী প্লান্নিংগী মথৌ তাবশিং অদুগী মতাংদা খন্নখি। মহাক্না হায়খি মদুদি মীরোনবা থিংবগী চাং অমসুং মোদর্ন কন্ত্রেসেপ্তিব মেথদশিংগী মরমদা মতিক চাবা পাউতাক লৈতবনা ফেমিলী প্লান্নিংগী হোৎনবা হন্থহল্লি।

দোক্তর. এস.কে. সিকদারনা ফেমিলী প্লান্নিং প্রোগ্রামগী মতাংদা মহাক্কী এক্সপরিয়েন্স অদু মহাক্না শন্দোক্না তাকখি। মহাক্না নেস্নেল ফেমিলী প্লান্নিং প্রোগ্রামগী মায় পাকপশিং অমসুং মীরোনবগী হকচাং ফবা তাইমিং অমসুং নাওরোন কানহন্নবা মাংলোমদা চংশিনবা য়াবা থবকশিং অদু শন্দোক্না তাকখি।

ৱা ঙাংখিবশিং পুম্নমক্না অমত্তা ওইনা ফোংদোকখি মদুদি ইনখৎলক্লিবা অঙাংশিংদা কন্ত্রাসেপ্তিব ওপ্সনশিংগী মতাংদা অচুম্বা অমসুং জদজমেন্ত-ফ্রী ইনফোর্মেসন পীনবা অসি ইনফোর্ম ওইবা ৱারেপ লৌবদা মতেং পাংনবা অমসুং ফেমিলী প্লান্নিং অমসুং রিপ্রদক্তিব হেল্থগী এক্সেসিবিলিতী হেনগৎহনবদা য়াম্না মরু ওই।

কেন্দ্রগী মন্ত্রীনা এক্সপর্তশিংবু মখোয়গী থৌদাং অদুগীদমক থাগৎপা ফোংদোকখি। মহাক্না হায়খি মদুদি নহারোলশিংবু মপাঙ্গল কনখৎহন্দুনা, নুপা অমসুং নুপীগী চপ মান্নবা শরুক য়াবগী শীংনবশিং কোকহন্দুনা, কপলশিংগী মরক্তা পাউ ফাওনবা হেনগৎহন্দুনা, খ্বাইদগী ফবা থৌওংশিংদগী তমহন্দুনা, ইমুং মনুংগী থৌরাংগী দেতাদা হৌজিক লৈরিবা অমসুং পুৱারীগী ওইবা চৎনবীশিংদগী ইথিল লৌদুনা অমসুং কন্ত্রেসেপ্টিভগী অপাম্বশিং পাকথোক চাউথোকহন্দুনা ঐখোয়না লাস্ত মাইল অদু য়ৌহনবা ঙমগনি।

মহাক্না ফেমিলী প্লান্নিং সর্ভিসশিং অপতেক হন্থবা, মোদর্ন কন্ত্রেসেপ্তিবশিংগী দিমান্দ য়াম্না নেম্বা, মথৌ তাবশিং ফংবদা অৱাৎপা লৈবা, অমসুং অসিগুম্বা স্তেত-এপপ্রোপ্রিয়েৎ ক্রাইতেরিয়াশিং লৈবা রিজনশিং, দিস্ত্রিক্তশিং অমসুং ব্লোকশিং মশক খঙদোকপা অমসুং মেপ তৌবা অমসুং মখোয়শিং অসি ফেমিলী প্লান্নিং সর্ভিসশিং, হেন্না ফবা সোসিএল অমসুং বিহেবিয়র চেঞ্জ কম্ম্যুনিকেসনগা লোয়ননা মপুং ফাহনবা অমসুং মসিগী থবকশিংদা ফ্রন্তলাইন ৱার্করশিং শরুক য়াহনবা অসি মায় পাক্না পাম্লিবা মহৈশিং ফংনবগী ওইথোকপা য়াবা রোদমেপ অমা ওইবা য়াই হায়নসু অকনবা ৱাফম থমখি।

মীফম অদুদা কেন্দ্রগী হকশেল মন্ত্রালয়গী JS (RCH) শ্রীমতি মীরা শ্রিবাস্তবা অমসুং মকোক থোংবা ওফিসিএলশিংনা শরুক য়াখি।

*****