কোয়লা অমসুং মাইন্সকী কেন্দ্রগী মন্ত্রী শ্রী জি. কিশান রেদ্দীনা ঙসি কোলকতাদা লৈবা সোল্ত লেক সিতিগী GSI , ধারিতৃ কেম্পসতা নেস্নেল লেন্দস্লাইদ ফোরকস্তিং সেন্তর শঙ্গাখ্রে। মন্ত্রীনা ভুসনকেৎ ৱেব পোর্তেল অমসুং ভুসখলন মোবাইল এপসু লোঞ্চ তৌখি। থৌরম অদুদা দিজাস্তর মেনেজমেন্ত এজেন্সীশিং অমসুং স্তেকহোল্দর ওর্গনাইজেসনশিংগী মকোক থোংবশিং, GSI গী দিরেক্তর জেনরেল, শ্রী জনর্দন প্রসাদ অমসুং ওর্গনাইজেসন অসিগী অতোপ্পা সেনিয়র ওফিসিএলশিংনা শরুক য়াখি।

NLFC অসি ভারত্তা লেন্দস্লাইদকী খুদোংথীবা হন্থহন্নবা পান্দম থম্লিবা অহানবা খোঙথাং অমনি। মসিগী উরেপ উয়ুং তম্বগী মতুংদা, 2024গী জুলাই 20দগী হৌদুনা কালিমপোং, দার্জিলিং অমসুং নীলগিরি জিলাগী মীওইশিং অসি লাইভ ফোর্কস্তিং রিপোর্তকী কান্নবা ফংলগনি। মসিনা মতম চানা লেন্দস্লাইদ থোকপা য়াবা রাজ্য পুম্নমক্তা অথুবা মতমদা চেকশিন থৌরাংগী বুলেতিনশিং থোক্লগনি। মসিনা 2030 ফাওবদা লৈবাক শিনবা থুংনা লমদম অসিগী লেন্দস্লাইদ আর্লী ৱার্নিং সিস্তেম (LEWS) এদভান্স তেক্নোলোজীগা লোয়ননা NLFCনা লোকেল এদমিনিস্ত্রেসন অমসুং কম্ম্যুনিতীশিংদা অঙনবা মতমদা ঈ-পাউ পীগনি, লেন্দস্লাইদ ইনভেন্তরীশিং অপদেৎ তৌগনি অমসুং রিএল-তাইম রেনফোল অমসুং স্লোপ ইনস্তেবিলিতীগী দেতাবু ফোর্কাস্তিংগী এক্যুরেসীগীদমক পুনশিনগনি।

ভুসনকেৎ ৱেব পোর্তেল হৌদোকপা অসি দিজাস্তর রিস্ক হন্থহন্নবা অচৌবা খোঙথাং অমনি। ৱেব পোর্তেল অসিনা লৈবাক অসিদা শোর্ত রেঞ্জ অমসুং মেদিয়ম-রেঞ্জ লেন্দস্লাইদকী ফোর্কাস্তিং তাকপা ঙম্নবা, লেন্দস্লাইদকী খুদোংথিবশিংগী মতাংদা মরী লৈনবা দেতা অমসুং ইনফোর্মেসন শন্দোকপদা মতেং পাংগনি। ভুসনকেৎ ৱেব পোর্তেলগা পুনশিন্নবা, শীজিন্নবদা লায়বা ভুসখলন মোবাইল এপ অসিনা নোংমগী লেন্দসআইদ ফোর্কাস্তকী থুনা পাউ শন্দোকপা অমসুং স্তেকহোল্দরশিংদা লেন্দস্লাইদ থোকপগী মতাংদা স্পাসিএল অমসুং তেম্পরেল ইনফোর্মেসন শিয়র অমসুং অপদেৎ তৌবা য়াহনগনি। এপ অসি ভুসনকেৎ ৱেব পোর্তেলদা ফংলি অমসুং অথুবা মতমদা গুগল প্লে স্তোরদা ফংলগনি।

মহাক্কী ৱারোলদা শ্রী জি. কিশান রেদ্দীনা দিজাস্তর মেনেজমেন্তদা, মরুওইনা লেন্দস্লাইদকী খুদোংথীবা হন্থহনবদা GSIগী মরুওইবা থৌদাং অদু পনখি। মন্ত্রীনা GSIগী ওফিসরশিংবু NLFC লিংখৎপদা মখোয়গী থৱায় য়াওবগীদমক থাগৎপা ফোংদোকখি। মহাক্না ওফিসরশিংদা লৈবাক অসিগী মিনরেল অমসুং দিজাস্তর মেনেজমেন্তকী মথৌ তাবশিং মপুং ফাহন্নবা, আত্মনির্ভর ভারতকী মঙলানগা চুনবা অমসুং 2047 ফাওবদা ভিকসিৎ ভারত ফংনবা হোৎনবদা কন্না হোৎননবা হায়খি।

NLFCগী উরেপ-উয়ুং তম্বগী থৌরম অমসুং ভুসনকেৎ ৱেব পোর্তেল অমসুং ভুসখলন মোবাইল এপ হৌদোকপা অসি GSIগীদমক মরুওইবা মাইপাকপা অমনি অমসুং ভারত্তা দিজাস্তরগী শেম-শাবা অমসুং সেফতী হেনগৎহন্নবগীদমক মখোয়গী অচেৎপা থাজবা অদুগী খুদম অমনি। থৌরম অসিনা GSIনা লৈবাক অসিগী তুংকোইনা চৎকদবা চাউখৎ-থৌরাং, রিসোর্স মেনেজমেন্ত, অমসুং দিজাস্তর হন্থহন্নবা তেক্নোলোজী অমসুং ইনোবেসন শীজিন্ননবা হোৎনরিবা অদু উৎলি।

ঙল্লিঙৈ নুমিত্তা, মন্ত্রীনা জিওলোজিকেল সর্ভে ওফ ইন্দিয়াগী কেম্পসতা চৎখি। খোঙচৎ অসি সেন্ত্রেল হেদক্বাতর (CHQ) কেম্পসতা হৌখি। মফম অসিদা GSI গী দিরেক্তর জেনরেল শ্রী জনর্দন প্রসাদনা মন্ত্রীবু তরাম্না ওকখি। মন্ত্রীনা GSIগী হৌজিক চত্থরিবা থবকশিং অমসুং মাইপাকপশিং য়েংশিন্নবা মীফম অমা লুচিংখি। মীফম অসিগী মনুংদা, মহাক্না GSI গী বেসলাইন দেতা পুথোকপদা, লৈবাক অসিগী মিনরেল রিসোর্সশিং অমসুং পোলিসীশিং, মরুওইনা লৈঙাক্কী ঈচেলদা মীৎয়েং থমদুনা হেনগৎপদা মরুওইবা থৌদাং লৌবগী মতাংদা ফোংদোকখি। অমসুং জিওলোজিকেল স্তদী অমসুং মিনরেল এক্সপ্লোরেশনদা মাংজিল থানা হোৎনবগীদমক ওফিসরশিংবু থাগৎপা ফোংদোকখি।

GSI না কোয়লা থিজিনবদা অহানবা মীৎয়েং থম্বদগী হৌরগা রোক মখলশিং, জিওলোজিকেল স্ত্রকচরশিং অমসুং স্ত্রেতেজিক অমসুং ক্রিতিকেল মিনরেলশিং থিজিনবা য়াওহন্নবা চাউনা পাকথোক চাউথোকহনখ্রে। মরুওইবা মিনরেলশিংগীদমক এক্সপ্লোরেসন প্রোগ্রামশিংগী মশীং অসি মমাং চহিগী 127তগী হেনগৎতুনা চহি অসিদা এক্সপ্লোরেসন প্রোগ্রাম 450গী অপুনবা মশীংদগী 196দা হেনগৎলে। নেস্নেল জিওসাইন্স দেতা রিপোজিতরী (NGDR) মায় পাক্না হৌদোকপা অমসুং OCI ক্লাউদতা OCBIS পোর্তেল মাইগ্রেসন তৌখিবা অসিনা GSIগী ইনোবেসন অমসুং ইফিসিএন্সীগী কম্মিৎমেন্তগী খুদমশিং ওইরি।

জিওলোজিকেল সর্ভে ওফ ইন্দিয়াগী মরমদা

জিওলোজিকেল সর্ভে ওফ ইন্দিয়া (GSI) অসি 1851দা মরুওইনা রেলৱেজগীদমক কোয়লাগী দিপোজিৎশিং থিদোক্নবা লিংখৎখি। চহি কয়া অসিদা, GSIনা লৈবাক অসিগী তোঙান তোঙানবা লমশিংদা মথৌ তাবা জিও-সাইন্সকী ঈ-পাউগী রিপোজিতোরী অমা ওইবতা নত্তনা মালেমগী মশক নাইবা জিও-সাইন্তিফিক ওর্গনাইজেসন অমগী থাকসু ফংলে। মসিগী মরুওইবা থবকশিং অসি নেসনেল জিওসাইন্তিফিক ইনফোর্মেসন অমসুং মিনরেল রিসোর্স এসেসমেন্ত শেম্বা অমসুং অপদেৎ তৌবদা মরী লৈনৈ। মসিগী পান্দমশিং অসি গ্রাউন্দ সর্ভে, এয়র বোর্দ অমসুং মেরিন সর্ভে, মিনরেল প্রোসপেক্সন অমসুং থিজিনবগী থবকশিং, মল্তি-দিসিপ্লিনরী জিও-সাইন্তিফিক, জিও-তেক্নিকল, জিও-এনভাইরনমেন্তেল অমসুং নেচরেল হেজার্সকী স্তদীশিং, গ্লেসিওলোজী, সিস্মো-তেক্তোনিক স্তদী অমসুং ফন্দামেন্তেল রিসর্চ পাংথোক্তুনা ফংলি।

GSIগী মরুওইবা থৌদাং অসিদা পোলিসী শেম্বা ৱারেপশিং, কম্মর্সিএল অমসুং সোসিও-ইকোনোমিক্কী মথৌ তাবশিংদা মীৎয়েং থমদুনা ওবজেক্টিভ, নাকল অমত্তা য়াওদবা অমসুং মতমগা চুনবা জিওলোজিকেল এক্সপর্সিতী অমসুং জিও-সাইন্তিফিক ইনফোর্মেসন মখল খুদিংমক ফংহনবা য়াওরি। GSIনা লৈবাক অসিগী অমসুং মসিগী সমুদ্র মপান্দা লৈবা মফমশিংগী লৈমায় অমসুং লৈমায়গী মখাদা থোকপা জিওলোজিকেল প্রোসেস পুম্নমক্কী পথাপ নাইনা দোকুমেন্ত তৌবদা মরুওইবা পীরি। ওর্গানাইজেসন অসিনা খ্বাইদগী নৌবা অমসুং খ্বাইদগী মমল হোংবা তেক্নিক অমসুং মেথোদোলোজীশিং শীজিন্নদুনা জিওলোজিকেল, জিওফিজিকেল অমসুং জিওকেমিকেল সর্ভে তৌদুনা থবক অসি পাংথোক্লি।

সর্ভে অমসুং মেপ্পিংদা GSIগী মপুং ওইবা কম্পেন্সেন্স অসি স্পেসিএল দেতাবেজশিং (রিমোন্দ সেন্সরিংগী খুত্থাংদা ফংলকপাশিং য়াওনা) পুথোকপা, মেনেজমেন্ত তৌবা, কোওর্দিনেৎ তৌবা অমসুং শীজিন্নবগী খুত্থাংদা লেপ্তনা হেনগৎলক্লি। মসিগীদমক্তা মসিনা "রিপোজিতরী" অমা ওইনা মথৌ তৌই অমসুং জিও-ইনফোর্মেতিক্স সেক্তরদা লৈরিবা অতোপ্পা স্তেকহোল্দরশিংগা পুন্না থবক তৌমিন্নদুনা জিও-সাইন্তিফিক ইনফোর্মেসন অমসুং স্পেসিএল দেতা শন্দোক্নবা খ্বাইদগী নৌবা কম্প্যুতরদা য়ুম্ফম ওইবা তেক্নোলোজীশিং শীজিন্নৈ।

GSIগী হেদক্বার্তর কোলকতাদা লৈ, মসিগী রিজনেল ওফিস তরুক লখনৌ, জয়পুর, নাগপুর, হায়দ্রাবাদ, শিলোং অমসুং কোলকতাদা লৈ অমসুং লৈবাক অসিগী রাজ্য পুম্নমক্তা স্তেত য়ুনিৎ ওফিসশিং লৈ। GSI অসি মিনিস্ত্রী ওফ মাইনসকা মরী লৈনবা ওফিস অমনি।

****