কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী অমসুং দিব্রুগর লোক সভা কনস্তিত্যুএন্সীগী মেম্বর, সর্বানন্দা সোনোৱালবু দিগবোই অমসুং মাকুম মুনিসিপালিতীশিংগী এক্স-ওফিসিয়ো মেম্বর ওইনা ৱাশক লৌখ্রে। পার্লিয়ামেন্ততা দিব্রুগরগী মীহুৎ অমা ওইনা খল্লবা অমসুং লমদম অদুগী চাউখৎ-থৌরাংদা হকথেংননা শরুক য়ারিবা, শ্রী সোনোৱালনা মহাক্কী কনস্তিত্যুএন্সীগী চাউখৎ-থৌরাংগীদমক্তা য়াম্না মপুং ওইবা মহাক্কী ভিজন অদুগী মতাংদা পনখি। শ্রী সোনোৱালনা দিব্রুগরগী পুৱারিদগী হৌনা নুংঙাই-য়াইফরকপা, নিংখা তমদ্রিঙৈ মমাংদগী হৌনা ভারতকী খ্বাইদগী ইনাকখুনবা জিলাশিংগী মনুংদা অমা ওইরকখিবগী মতাংদা পল্লদুনা হায়খি। লমদম অসিগী মরাং কাইনা লৈরিবা রিসোর্সশিং, চা য়াওনা, কোইলা, উ, অমসুং পেত্রোলিয়মনা পুৱারিদগী হৌনা লমদম অসিগী শিন্মিৎলোন য়াম্না চাউবা থৌদাং লৌরকখি।

থৌরম অদুদা ৱা ঙাংলদুনা, শ্রী সোনোৱালনা নিংখা তম্লবা মতুং থংন-থংননা পাল্লকখিবা কোংগ্রেসকী সরকার মখাদা পুৱারিদগী হৌনা দিব্রুগর অসিবু য়েংশিনবীদদুনা লাকখিবনি হায়না মহাক্না য়াম্না মরু ওইনা পনখি। মহাক্না লমদম অসিবু নৌহৌননা অমুক চাউখৎহল্লকপা অসি ভাজপায়ী অমসুং মোদীগী শাশন পালোন মখাদা লৌখৎখিবা পাম্বৈ কয়া অদুনা মরম ওইরগা লমদম অসি অমুক হন্না চাউখৎপা ঙম্লিবনি, মসিনা মরম ওইরগা রেল, রোদ, এয়র অমসুং ৱাতর কনেক্তিবিতীদা য়াম্না চাউনা অহোং অমা পুরক্লিবনি। মসিগী নৌনা লাক্লিবা ইনোৎ অসিনা মরম ওইরগা দিব্রুগরদা ইন্দস্ত্রিয়েলাইজেশন অমসুং নহারোলশিংবু থবক ফংবগী চাং য়াম্না হেনগৎলক্লিবনি, মসিনা প্রধান মন্ত্রী, নরেন্দ্র মোদীগী “সবকা সাথ, সবকা বিকাস” হায়বা পুম্নমক্কী ওইবা চাউখৎ-থৌরাংগী থৌরম পরেং অদুবু ময়াক শেংনা তাক্লি।

খুমাং চাউশিল্লক্লিবা অসিগী মতাংদা পল্লদুনা, শ্রী সর্বানন্দা সোনোৱালনা হায়খি, “দিগবোই মুনিসিপালিতী অমসুং মাকুম মুনিসিপালিতীনা মশা-মশাগী মফমশিংদা য়াম্না চা্বা ইনফ্রাস্ত্রকচরগী চাউখৎ-থৌরাং পুরকপাদা য়াম্না মরু ওই। সরকারনা হায়রিবা পারি-পুরিগী ওইবা মফমশিং অসিগী চাউখৎ-থৌরাংদা অকন্না মিৎয়েং থম্লি, মসিদা দিগবোই মুনিসিপালিতীনা লৈবাক অসিগী থাক্তা অয়াবা ফোংদোক্নরক্লি। এসিয়াগী খ্বাইদগী অরিবা ওইল রিফাইনরি, দিগবোই রিফাইনরিগী কেপাসিতী হেনগৎহন্নবা থবক-থৌরম কয়া অমশু পাইখৎলি।”

শ্রী সোনোৱাল মীয়ামদা ৱা ঙাংবা মতমদা মমাংদা পাল্লম্বা সরকার মিৎয়েং শান্না উবা ঙমদবা অমসুং অফবা তৌবা ঙমদবগী মতাংদা পনখি, মসিনা মরম ওইরগা দিগবোইগী রিফাইনরীগী কেপাসিতী হেনগৎহনবগী থবক অদু থৌওইদদুনা লাকখি। শ্রী সোনোৱালনা রিফাইনরী অসিগী মরু ওইবা অমসুং পারি-পুরিদগী লৈরক্লবা অসিগী মরু ওইবা অসিবু খঙবীরদুনা, রিফাইনরী অসিগী কেপাসিতী অসিবু তন মিলিয়ন ০.৬৯দগী তন মিলিয়ন অমদা হেনগৎহন্নবগী প্রধান মন্ত্রী, নরেন্দ্র মোদীগী পুৱারী ওইরবা অনৌবা থৌরাং অদুগী মতাংদা পনখি

কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী, শ্রী সোনোৱালনা অসামগী মফম কয়াদা তারিবা তোঙান-তোঙানবা ফুরুপশিং পুম্নমক্কী ওইবা, দিব্রুগর লোক সভা কনস্তইত্যুএন্সী মখাদা লৈরিবা এসেম্বলী কনস্তিত্যুএন্সীশিং পুম্নমক্কী ওইবা অপুনবা চাউখৎপা অমা পুরক্নবগী ভিজনগী মতাংদা পনখি। মহাক্না ময়াম পুম্নমক্কী ওইনা চাউখৎ-থৌরাং পুরক্নবগীদমক্তা নহাশিং, নুপীশিং, লৌমীশিং, অমসুং শেল-থুমগী ফিভম ফত্তবা সেক্তরশিংবু য়াম্না মরু ওইবা তঙাইফদ্রবা অমা ওইনা লৌই। “মসিগী পান্দমদি দিব্রুগরগা লোইননা অসামগী ইনফ্রাস্ত্রকচরবু হান্নদগী অমুক্তা উখিদ্রিবা অনৌবা অৱাংবা থাক অমাদা পুখৎপনি। এদভান্স তেক্নোলোজী, দেবেলপমেন্ত, এমপলোইমেন্ত অমসুং স্কিল এনআন্সমেন্তকী খুত্থাংদা নহাশিংগী এমপোৱরমেন্ত তৌবদা মরু ওইবা থমদুনা, শ্রী সোনোৱালনা নহাশিংবু লৈবাক অসিগী সুপর পাৱর অমা ওইনা মখৌয়না লৌরিবা য়াম্না মরু ওইবা থৌদাং অদুগী মতাংদা য়াম্না মরু ওই,” হায়না মহাক্না হায়খি।

“ঐখোয়না খুনাই অসিগী শান্তি, নুংশি-চানননা লৈবা, চাউখৎ-থৌরাং অমসুং নুংঙাই-য়াইফনবগীদমক্তা অচেৎপা ফিরেপ লৌরি, বারাক-ব্রহ্মপুত্র অমসুং পাহার-ভাইয়াম শিনথুংনা লৈরিবা তোঙান-তোঙানবা মীপুম খুদিংমক্তগী মীনুংশী অমসুং থৌজাল নীরি। দিব্রুগর লোক সভা কনস্তিত্যুএন্সীদা, তী তুরিজম, মেদিকেল তুরিজম অমসুং রিভর তুরিজমগীদমক্তা মশক খঙনরবা মফম অসিদা ইন্দস্ত্রিয়েলাইজেশন য়োকখৎপা, লৌউ-শিংউগী পোত্থোক্কী এক্সপোর্তশীং হেনগৎহনবা, ঈশিংগী লম্বিগী ইনফ্রাস্ত্রকচর ফগৎহনবা, স্পোর্তস সেক্তর য়োকখৎপা, অমসুং স্কিল ত্রেনিংবু হেন্না খুমাং চাউশিলহনবা ঐখোয়না নিংহন্নবা লৈতনা অরেপ্পা অমগা লোইননা অহেনবা মিৎয়েং থম্লি। ঐখোয়না দিব্রুগর লোক সভা কনস্তিত্যুএন্সী লৈবাক অসিগী থাক্তা মশক নাইবা মফম অমদা পুখৎনবগীদমক্তা মখাতানা লৈপ্তনা থবক তৌখিগনি হায়ননা ৱাশক্লি,” হায়না শ্রী সর্বানন্দ সোনোৱাল হায়খি।

ঙসি কেন্দ্রগী মন্ত্রী অদুগা লোইননা হান্নগী কেন্দ্রগী রাজ্য মন্ত্রী, শ্রী রামেস্বর তেলি; দিগবোই MLA, সুরেন ফুকান, অসাম স্তেত হাউসিং বোর্দ  (ASHB)গী চিয়রমেন, পুলাক গোহেন; তিনসুকিয়া জিলাগী BJP প্রেসিদেন্ত, কুশকান্ত বাদা; দিগবোই মুনিসিপালিতী (DMC)গী মেয়র, সুদিপ্তা দত্তা চৌধুরী; মাকুম মুনিসিপালিতীগী মেয়র, বিপাশা বোরা অমসুং অতোপ্পা কলীগশিংনা শরুক য়াখি।  

*****