اپنے 100 دن کے پروگرام کے ایک حصے کے طور پر، اقلیتی امور کی وزارت ’’لوک سموردھن پرو‘‘  کا انعقاد کر رہی ہے تاکہ وزارت کی اسکیموں، پروگراموں اور کامیابیوں کو ظاہر کیا جا سکے اور ساتھ ہی ساتھ شراکت دار تنظیموں کے ساتھ مل کر شروع کی گئی سرگرمیوں اور اس کی مختلف اسکیموں کے تحت کامیابی کی کہانیوں کو بھی اجاگر کیا جا سکے۔

لوک سموردھن پرو کا افتتاح آج (18 جولائی، 2024) کو اقلیتی امور اور پارلیمانی امور کے مرکزی وزیر جناب کرن رجیجو نے کیا۔ وزیر نے اقلیتی امور کی وزارت کی اسکیموں اور کامیابیوں پر ایک کافی ٹیبل بک کا اجرا کیا۔  اِس کے علاوہ ، 25-2024  کے دوران 2.5 لاکھ سے زیادہ مستفیدین کو 1000 کروڑ روپے سے زیادہ کا قرض دینے کے لیے قومی اقلیتی ترقی اور مالیاتی کارپوریشن (این ایم ڈی ایف سی) کا ایک کریڈٹ پلان بھی وزیر  موصوف نے جاری کیا۔

افتتاحی تقریب کے دوران، این ایم ڈی ایف سی اور انڈین بینک، یونین بینک آف انڈیا اور پنجاب گرامین بینک کے درمیان ان بینکوں کے ذریعے این ایم ڈی ایف سی کی مختلف اسکیموں کے نفاذ کے لیے مفاہمت نامے پر  دستخط کیے گئے۔  اس کے علاوہ  ، راجستھان، ہماچل پردیش اور مہاراشٹر ریاستوں کے ہنر مندی کے فروغ کے مشنوں کے درمیان این ایم ڈی ایف سی  کی چینلائزنگ ایجنسیوں یعنی راجستھان اقلیتی مالیاتی اور ترقی کوآپریٹو کارپوریشن (آر ایم ایف ڈی سی سی )، ہماچل پردیش اقلیتی مالیاتی اور ترقی کارپوریشن  (ایچ پی ایم ایف ڈی سی) اور مولانا آزاد  الپسانکھائینک آرتھک وکاس مہامنڈل (ایم اے اے اے وی ایم) ممبئی ،  کے ساتھ مفاہمت نامے پر دستخط کیے گئے۔

’لوک سموردھن پرو‘ پوسٹر نمائش کے ذریعے اقلیتی امور کی وزارت کی اسکیموں اور پروگراموں اور کامیابیوں کی نمائش کر رہا ہے۔ این ایم ڈی ایف سی کے ریاستی چینلائزنگ پارٹنرز کی منفرد اسکیموں اور کامیابی کی کہانیوں کے علاوہ ’لوک سموردھن پرو‘ میں بھی نمائش کی جاتی ہے۔

اقلیتی امور کی وزارت کے ممتاز علمی شراکت دار -  نیشنل انسٹی ٹیوٹ آف فیشن ٹکنالوجی (این آئی ایف ٹی)، نیشنل انسٹی ٹیوٹ آف ڈیزائن (این آئی ڈی) اقلیتی امور کی وزارت کی مختلف اسکیموں کے تحت ان کے ذریعہ تعاون یافتہ کاریگروں کے افراد حصہ لے رہے ہیں اور ان کی نمائش کررہے ہیں۔ ایکسپورٹ پروموشن کونسل آف ہینڈی کرافٹ  کی وزارت (ای پی سی ایچ) کے ذریعے ایکسپورٹ مارکیٹنگ کے مختلف پہلوؤں پر روزانہ ورکشاپس کا انعقاد کر رہی ہے۔ یونائیٹڈ نیشنز چلڈرنز فنڈ (یونیسیف) نوجوانوں اور ان کے ساتھی تنظیموں کے ذریعے کاریگروں کے کام کی نمائش کر رہا ہے۔ اس کے علاوہ، یوواہ یونیسیف، یوتھ ہب، پاسپورٹ کے ذریعے  کمانے وغیرہ جیسے پلیٹ فارمز کی نمائش کر رہا ہے جو نوجوانوں کے لیے سماجی اقتصادی اور تبدیلی کے مواقع فراہم کرتے ہیں اور تقریب میں وزارت کے ساتھ شریک برانڈڈ فوٹو بوتھ ، گورنمنٹ ای مارکیٹ پلیس (جی ای ایم) اور اوپن نیٹ ورک فار ڈیجیٹل کامرس (او این ڈی سی) نامی مارکیٹنگ تنظیموں کو بھی دستکاروں کے لیے مارکیٹنگ روابط بڑھانے کے لیے مدعو کیا گیا ہے۔ اس کے علاوہ این ایم ڈی ایف سی کے نالج پارٹنرز یعنی۔ امبیڈکر یونیورسٹی، دہلی ’لوک سموردھن پرو‘میں حصہ لے رہی ہے۔

وزارت ثقافتی شاموں کا اہتمام کر رہی ہے جس میں تمام اقلیتی برادریوں جیسے سنگھی چم (شیر ڈانس)، منی پوری ڈانس، بھنگڑا، لنگا اور منگنیار، منڈو، سدھی گوما، کراگٹم، پھاگ ڈانس، اور کیرالہ کے لوک رقص کی بھرپور ثقافتی ورثے کی نمائش کی جا رہی ہے۔ نوجوانوں اور بچوں کو راغب کرنے کے لیے وزارت تجربہ کر کے سیکھنے کے لیے مختلف دستکاریوں کے مظاہرے کر رہی ہے۔

لوک سموردھن پرو مختلف ریاستوں سے 70 سے زیادہ شاندار دستکاری اور ہینڈ لوم مصنوعات کی نمائش کر رہا ہے جو مختلف اقلیتی برادریوں سے تعلق رکھنے والے 162 کاریگروں کے ذریعہ بنائے گئے ہیں۔ ان شرکاء میں این آئی ایف ٹی، این آئی ڈی اور دیگر پراجیکٹ نافذ کرنے والی ایجنسیوں (پی آئی ایز) کے ذریعے وزارت کی مختلف اسکیموں کے تحت ترقی پانے والے کاریگر شامل ہیں۔ مزید یہ کہ کاریگروں کو این ایم ڈی ایف سی کی متعلقہ ریاستی چینلائزنگ ایجنسیوں نے بھی نامزد کیا ہے۔

لوک سموردھن پرو وزارت کے جامع ترقیاتی پروگرام کا ثبوت ہے جس نے  شراکت دار تنظیم کے ساتھ اتحاد کے ذریعہ تمام اقلیتی برادریوں کے لوگوں کی ایک بڑی تعداد کو فائدہ پہنچایا ہے۔ وزارت ’’سب کا ساتھ سب کا وکاس سب کا وشواش سب کا پریاس ‘‘ کے منتر کو پورا کرنے کی کوشش کر رہی ہے۔

************

ش ح۔ ام۔ ت ح

 (U: 8449)