ৱেস্ত পাকিস্তান রেফ্যুজীশিং (WPR)গী এসোসিয়েশন প্রেসিদেন্ত, শ্রী লাভা রাম গান্ধিনা ঙসি নই দিল্লীদা কেন্দ্রগী মন্ত্রী, দা. জিতেন্দ্র সিংগা ৱারি শানবা মতমদা দেকেদ ৭ চুপ্না সিতিজনশিপ পীদদুনা লাক্লবা মতুং মখোয়দা সিতিজনশিপ পীবীবগীদমক্তা ৱেস্ত পাকিস্তান রেফ্যুজীশিং (WPR)না প্রধান মন্ত্রী, নারেন্দ্র মোদী অমসুং সরকারবু থাগৎপা ফোংদোকখ্রে

রেফ্যুজীশিং অদুনা কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), অর্থ সাইন্সেসকী রাজ্য মন্ত্রী (‌ইন্দিপেন্দেন্ত চার্জ), PMO, দিপার্তমেন্ত ওফ এতোমিক ইনর্জী আমসুং দিপার্তমেন্ত ওফ স্পেসকী MoS, পর্সোনেল, পব্লিক গ্রীভান্সেস অমসুং পেন্সন্সকী MoS, দা. জিতেন্দ্র সিংগা উনবা মতমদা প্রধান মন্ত্রী, মোদীগী লুচিং মখাদা লৈরিবা সরকারবু মখোয়না অৱাবা মায়োক্নবা মতমদা অমসুং দিসপ্লেসমেন্ত তৌবা মতমদা নিংহন্নবা লৈতনা মতেং পাংলকখিবা অমসুং তেংবাং পীবীরকখিবগীদমক্তা থমোই শেংনা তৌবীমল খংবা উৎখি। মখোয়না হায়খি, “ঐখোয়বু অশোই-অঙাম য়াওহন্দনা অমসুং ভারতকী খুনাই অসিদা তিলহনবীদুনা, ঐখোয়দা উৎলকখিবা মনুংশিং অমসুং থৌজাল অদুনা থমোইবু য়াম্না পেলহনখি”।

দিকেদ ৭ হেন্না মখোয়দা উৎলকখিবা মীচং-মীখাই নাইবা থৌওং অদুবু নিংশিংলদুনা, এসোসিয়েশন অদুনা মমাংদা পাইরম্বা হান্নগী সরকার অদুনা মখোয়গী ৱাফম অমসুং অৱাবা অসিবু তাশিন্নখিদবগীদমক্তা মরাল শিখি। রাজনিতিগী ওইবা তোংজবা খরগীদমক্তা মখোয়গী ভোত থাধবগী হক অমসুং আইনগী মতুং ইন্না মতিক চারবা নাগ্রিক অমা ওইবগী হক অদুবু ফংহনখিদবনি হায়বসিদা য়াম্না নুংঙাইতবশু ফাওখি। ৱেস্ত পাকিস্তান রেফ্যুজীশিং (WPRশিং)  অসি চহি ১৯৪৭দা পার্তিশন তৌবগী মতমদা ৱেস্ত পাকিস্তানগী মফমশিংদগী হোংলক্তুনা অমসুং হান্নগী জম্মু অমসুং কাশ্মির রাজ্য, মরু ওইনাজম্মু দিবিজনগী জম্মু, কাথুৱা অমসুং রাজৌরিজিলাশিংদা খুন্দা লৈতাখি। ১৯৪৭দা পাকিস্তান্না তৌখিবা হিংশা অদুদা জম্মুদা চাউরাক্না ইমুং ৫৭৬৪ চেল্লকখি।

রেফ্যুজীশিং অদুনা আর্তিকল ৩৭০ লৌথোকখিবা অদুবু পুৱারি ওইরবা খোংথাং অমনি হায়না হায়খি, মসিনা জম্মু অমসুং কাশ্মিরদা তাবীখিদ্রবা খোল্লাওশিং অদুদা বিচার পুরকখি। থংন-থংননা অহুমলকশুবা ওইনা উধামপুর লোক সভা কনস্তিত্যুএন্সীগী মীহুৎশু ওইরিবা মন্ত্রী অদুদা মখোয়বু চহি কয়া সিতিজনশীপ অমসুং ভোত থাধবগী হক ফংহল্লকখিদবা আর্তিকল ৩৭০ লৌথোকখিবগী চহি ৫ মপুং ফারকপগী ওগস্ত ৫গী ইবতা য়াম্না চাউনা নুংঙাইবা ফোংদোক্লগনি।

মসিগা ইরোইননা, এসোসিয়েশন অসিনা মন্ত্রী অদুদা কমপেন্সেশন পীবদা অমসুং অতোপ্পা ৱাকৎশিং য়েংশিনবদা মতেং পাংনবা হায়জখি। দা. সিংনা খোংজেল য়াংনা থবক পাইখৎনবা অমসুং মখোয়গী ৱাকৎশিং অদুবু অকক্নবা মতমগী মনুংদা য়েংশিন্নবগী থাজবা পীরকখি।

এসোসিয়েশন অদুনা হকথেংননা দা. জিতেন্দ্র সিংবু মখোয়গী অৱাবশিং কোকহনবদা নত্তনা মখোয়গী হেন্না ফবা তুংলমচৎ অমগীদমক্তা অনৌবা অশা অমা পীবীনবা মহাক্না হকথেংননা হোৎনখিবশিং অদুগীদমক্তা থাগৎপা ফোংদোকখি। “ঐখোয়না ঐখোয়বু নাওয়োক-নাওকোনবীরিবা ইমা-লৈবাক অসিগী অফবগীদমক্তা শরুক য়াগনি অমসুং মসিগী চাউখৎ-থৌরাং অমসুং নুংঙাই-য়াইফবগী মাইকৈদা হোৎনগনি হায়না ৱাশক্লি। ঐখোয়বু খুৎ লাওনা কোনশিনবীবগীদমক্তা অমসুং ঐখোয়বু নৌহৌননা অমুক অনৌবা ময়োন অমদা হৌনবগী তাঞ্জা অমা পীবীবগীদমক্তা ভারত সরকারবু থাগৎচরি।”

****