কেন্দ্রগী মাইনোরিতী এফিয়ার্স অমসুং পার্লিয়ামেন্তরী এফিয়ার্স মন্ত্রী শ্রী কিরেন রিজিজুনা ঙসি অরুনাচল প্রদেশ রাজ্যগীদমক মাইনোরিতী এফিয়ার্স মন্ত্রালয়গী প্রধান মন্ত্রী জন বিকাস কার্য়ক্রম (পি.এম.জে.ভি.কে.)গী মখাদা অয়াবা পীরবা প্রোজেক্তশিংগী ফিজিকেল অমসুং ফাইনান্সিয়েল স্তেতস নৌহৌনা য়েংশিনখ্রে অমসুং কার্য়ক্রমগী মখাদা তুংগী প্লানশিংগীদমক রোদমেপ থৌরাং তৌখ্রে। নৌহৌনা য়েংশিনবগী থৌরম অদুদা অরুনাচল প্রদেশকী মুখ্য মন্ত্রী শ্রী পেমা খান্দু, উপ মুখ্য মন্ত্রী শ্রী চৌনা মৈন, অরুনাচল প্রদেশকী সোসিয়েল জস্তিস এম্পৱারমেন্ত এন্দ ত্রাইবেল এফিয়ার্স (এস.জে.ই.তি.এ.) মন্ত্রী শ্রী কেনতো জিনি অমসুং এম.এল.এ. অমসুং মন্ত্রী (এস.জে.ই.তি.এ.)গী এদবাইজর শ্রী রোদে বুইসু শরুক য়াখি।

শ্রী রিজিজুনা কার্য়ক্রমগী মখাদা হৌজিক পায়খৎলিবা প্রোজেক্তশিংগীদমক রাজ্যদা কেন্দ্রগী শেয়র ওইনা লুপা করোর ৩৫গী শেলগী তেংবাং রিলিজ তৌবসু লাউথোকখি। মন্ত্রীনা দিয়ুন সর্কলগী কুমচাইখা অমসুং পাকপু মালিংগীদমক অনৌবা প্রোজেক্ত অনিসু লাউথোকখি।

অরুনাচল প্রদেশ রাজ্যগী তামখ্রবা ঙমখৈ লমদমশিংদা বুদ্ধিস্ত কম্যুনিতীদা অখন্নবা পুক্নিং চংবগা লোয়ননা “হোল ওফ গবর্নমেন্ত” মীৎয়েংগা লোয়ননা মাইনোরিতীশিংগী দেবেলপমেন্তগীদমক ভারত সরকারগী ৱাশকপু পুক্নিং চিংশিন্দুনা অমসুং লমদমশিং অসিদা নহা ইরিবা বুদ্ধিস্ত পোপুলেসনগীদমক মোদর্ন এজুকেসন অমসুং প্রোফেস্নেল/ভোকেস্নেল অমসুং স্কিল দেবেলপমেন্ত কোর্সকী অহেনবা প্রোবিজনগা লোয়ননা ত্রেদিস্নেল থিওলোজিকেল এজুকেসনবু সেক্যুলেরাইজ ওইহনবগী মরুওইবা পান্দমগা লোয়ননা, মাইনোরিতী এফিয়ার্সকী কেন্দ্র মন্ত্রীমন্দলগী বুদ্ধিস্ত দেবেলপমেন্ত প্লান (বি.দি.পি.)গী মখাদা হান্ননা অয়াবা পীরবা প্রোজেক্ত ১০ (অপুনবা পাথোক্লবা শেনফম লুপা করোর ৪১.০৭)গী অঙনবা এক্সেক্যুসনগীদমক মাংলোমদা চংশিন্নবা রোদমেপসু খন্ন-নৈনখি। প্রোগ্রাম অসিনা পি.এম.জে.ভি.কে., পি.এম.-বিকাস, স্কোলরশিপকা লোয়ননা নেস্নেল মাইনোরিতীজ দেবেলপমেন্ত ফাইনান্স কোওপরেসন লিমিতেদ (এন.এম.দি.এফ.সি.)না চত্থবা প্রোগ্রামশিং অমসুং স্কিমশিং অসিনচিংবা মন্ত্রালয়গী হৌদিক চত্থরিবা তোঙান তোঙানবা স্কিমশিং পুন্সিনবদা পান্দম থম্লি।

*****