প্রধান মন্ত্রী নরেন্দ্র মোদীগী লুচিং মখাদা কেন্দ্রগী মন্ত্রীমন্দলনা বাইওদাইবর্সিতী বিয়োন্দ নেস্নেল জুরিসদিক্সন (বি.বি.এন.জে.) এগ্রিমেন্তদা ভারতনা খুৎয়েক পাবদা অয়াবা পীখ্রে। পুৱারী ওইরবা ৱারেপ অসিনা নেস্নেল জুরিসদিক্সনগী ৱাংমদা লৈরিবা রিয়াশিংদা মেরিন বাইওলোজিকেল দাইবর্সিতীগী কঞ্জারবেসন অমসুং সস্তেনেবল য়ুতিলাইজেসনগী মায়কৈদা মশকনাইবা খোংথাং অমা ওইরে। আর্থ সাইন্স মন্ত্রালয়না লৈবাক্কী বি.বি.এন.জে. এগ্রিমেন্ত ইমপ্লিমেন্ত তৌবা য়েংশিনগনি।

আর্থ সাইন্স মন্ত্রালয় অমসুং সাইন্স অমসুং তেক্নোলোজী মন্ত্রালয়গী রাজ্য মন্ত্রী (ইন্দিপেন্দেন্ত চার্জ); প্রধান মন্ত্রী ওফিস, পর্সনেল, পব্লিক গ্রিভান্সেস অমসুং পেন্সনস, দিপার্তমেন্ত ওফ এতোমিক ইনর্জী; অমসুং দিপার্তমেন্ত ওফ স্পেসকী রাজ্য মন্ত্রী দা. জিতেন্দ্র সিংহনা হায়খি, “ভারত এনভাইরনমেন্ত কঞ্জারবেসন অমসুং সস্তেনেবল দেবলপমেন্তগী গ্লোবেল কোজদা ৱাশক্লি অমসুং প্রোএক্তিব ওইরি। ঐখোয় (বি.বি.এন.জে. এগ্রিমেন্ত)দা খুৎয়েক পীগনি অমসুং মথৌতাবা লেজিস্লেতিব প্রোসেসশিংগী খুত্থাংদা মসি চুমথোক্নবা তঞ্জা পীগনি। সরকারনা সাইন্তিফিক প্রোগ্রেস, ইন্তরনেস্নেল কোলাবোরেসন মপাঙ্গল কনখৎহনবা, অমসুং গবর্নান্স, ত্রান্সপরেন্সী, একাউন্তেবিলিতী, অমসুং রুল ওফ লো প্রমোত তৌবদা ৱাশক্লি।” মন্ত্রীমন্দলগী মীফম অসি ২০২৪গী জুলাই ২দা পাংথোকখি।

বি.বি.এন.জে. এগ্রিমেন্ত, নত্রগা ‘হায় সিজ ত্রিতী’ অসি য়ুনাইতেদ নেসন্স কনভেন্সন ওন দি লো ওফ দি সি (য়ু.এন.সি.এল.ও.এস.)গী মখাদা ইন্তরনেস্নেল ত্রিতী অমনি। মসিনা হায় সিজদা মেরিন বাইওদাইবর্সিতীগী লোং তর্ম প্রোতেক্সনদা হেনগৎলক্লিবা চিন্তাশিং কোকহন্নবা পান্দম থম্লি। মসিনা ইন্তরনেস্নেল কোওপরেসন অমসুং কোওর্দিনেসনগী খুত্থাংদা মেরিন বাইওলোজিকেল দাইবর্সিতী সস্তেনেবল ওইনা শিজিন্ননবগীদমক প্রেসাইজ মেকেনিজম সেত তৌই। মসিনা তোঙান তোঙানবা এস.দি.জি.শিং, অখন্ননা এস.দি.জি.১৪ (ইশিং মখাগী পুন্সী) ফংবদসু থৌদাং লৌগনি।

এম.ও.ই.এস., সেক্রেতরী দা. এম রবিচন্দ্রন্না ভারতকীদমক কানবশিংদা শন্দোক্না হায়খি, “বি.বি.এন.জে. এগ্রিমেন্তনা ঐখোয়বু য়াম্না প্রোমিজিং ওইবা ঐখোয়গী ই.ই.জেদ. (এক্সক্লুসিব ইকোনোমিক জোন) ৱাংমগী এরিয়াশিংদা ঐখোয়গী স্ত্রেতেজিক প্রজেন্স হেনগৎহনগনি। শেয়র্দ মোনেতরী বেনেফিৎকী মথক্তা, মসিনা ঐখোয় খক্তা নত্তনা মীওইবা জাতি পুম্নমক্কী কান্ননবগীদমক, ঐখোয়গী মেরিন কঞ্জারবেসনগী হোৎনরিবশিং অমসুং কোলাবোরেসনশিং, সাইন্তিফিক রিসর্স অমসুং দেবেলপমেন্তগীদমক অহাংবা হেন্না নৌবা মফমশিং, সেম্পলশিং এক্সেস তৌবা, সেক্বেন্স অমসুং ইনফোর্মেসন, কেপাসিতী বিলদিং অমসুং তেক্নোলোজী ত্রান্সফর অসিনচিংবা মখা তানা মপাঙ্গল কনখৎহল্লগনি।”

বি.বি.এন.জে. এগ্রিমেন্ত য়ু.এন.সি.এল.ও.এস.গী মখাদা অহুমশুবা ইমপ্লিমেন্তেসন এগ্রীমেন্ত ওইগনি, করিগুম্বা মসি চৎনরগদি, মসিগী সিস্তর ইমপ্লিমেন্তেসন এগ্রীমেন্তশিংগা লোয়ননা: ১৯৯৪ পার্ত XI ইমপ্লিমেন্তেসন এগ্রীমেন্ত (মদুনা ইন্তরনেস্নেল সিবেদ এরিয়াদা মিনরেল রিসোর্সশিং এক্সপ্লোরেসন অমসুং এক্সত্রেক্সন এদ্রেস তৌরিবা) অমসুং ১৯৯৫ য়ু.এন. ফিশ স্তোকস এগ্রিমেন্ত (মদুনা স্ত্রাদলিং অমসুং হায়লি মাইগ্রেতরী ফিশ স্তোকসকী কঞ্জারবেসন অমসুং মেনেজমেন্ত এদ্রেস তৌরিবা)।

য়ু.এন.সি.এল.ও.এস. অসি ১৯৮২গী দিসেম্বর ১০দা এদোপ্ত তৌখি, অমসুং ১৯৯৪গী নবেম্বর ১৬দা মথৌ তৌবা হৌখি। মসি সমুদ্রশিংগী এনভাইরনমেন্তেল প্রোতেক্সন অমসুং মেরিতাইম বাউন্দরীশিং, মেরিন রিসোর্সশিংগী অধিকারশিং, অমসুং রিজোলুসন দিসপ্যুত তৌবদা য়াম্না মরু ওই। মসিনা নেস্নেল জুরিদিক্সনগী ৱাংমগী ওসিন ফ্লোরদা মাইনিং অমসুং মরী লৈনবা এক্তিবিতীশিং রেগুলেত তৌনবা ইন্তরনেস্নেল সিবেদ ওথোরিতী লিংখৎলি। ঙসি ফাওবদা লৈবাক ১৬০ হেনবনা য়ু.এন.সি.এল.ও.এস. রেতিফাই তৌরে। বি.বি.এন.জে. এগ্রিমেন্ত অসি ২০২৩গী মার্চ থাদা অয়াবা পীখি অমসুং ২০২৩গী সেপ্তেম্বরদগী হৌরগা চহি অনিগীদমক খুৎয়েক পীনবা হাংদোকখি। ৬০শুবা রেতিফিকেসন, এসেপতেন্স, এপ্রুবেল নত্রগা এসেসিয়নগী নুমিৎ ১২০গী মতুং থবক হৌরবা মতুং মসি ইন্তরনেস্নেল লেগেল বাইন্দিং ত্রিতী অমা ওইগনি। ২০২৪গী জুন ফাওবদা লৈবাক ৯১না বি.বি.এন.জে. এগ্রিমেন্ত খুৎয়েক পীখ্রে, অমসুং পার্তী নিপালনা মসি রেতিফাই তৌখ্রে।

***