وزیر اعظم نریندر مودی کی صدارت میں مرکزی کابینہ نے بھارت کو قومی دائرہ اختیار سے باہر حیاتیاتی تنوع (بی بی این جے) معاہدے پر دستخط کرنے کی منظوری دے دی ہے۔ یہ تاریخی فیصلہ قومی دائرہ اختیار سے باہر کے علاقوں میں سمندری حیاتیاتی تنوع کے تحفظ اور پائیدار استعمال کی جانب ایک اہم قدم ہے۔ اکثر 'ہائی سیز' کے نام سے مشہور یہ کھلے سمندر، قومی دائرہ اختیار سے باہر کے علاقے  اور عالمی مشترکہ سمندر ہیں جو بین الاقوامی طور پر قانونی مقاصد ، مثلاً جہاز رانی، اوور فلائٹ، سب میرین کیبلز اور پائپ لائنیں بچھانے، وغیرہ جیسے امور کے لیے سب کے لیے کھلے ہیں ۔ ارضیاتی سائنس کی وزارت ملک بھر میں بی بی این جے معاہدے  کے نفاذ کی قیادت کرے گی۔

ارضیاتی سائنس کی وزارت  اور سائنس اور تکنالوجی کی وزارت کے وزیر مملکت (آزادانہ چارج)؛ وزیر اعظم کے دفتر، عملہ، عوامی شکایات اور پنشن، ایٹمی توانائی کے محکمے ؛ اور خلاء کے محکمے کے وزیر مملکت، ڈاکٹر جتیندر سنگھ نے کہا کہ، ’’ ہندوستان ماحولیاتی تحفظ اور پائیدار ترقی کے عالمی مقصد کے لیے پرعزم اور فعال ہے۔ ہم (بی بی این جے معاہدے) پر دستخط کریں گے اور بعد میں ضروری قانون سازی کے عمل کے ذریعے اس کی توثیق کرنے کے لیے بہتر حالت میں ہوں گے۔ حکومت سائنسی پیش رفت، بین الاقوامی تعاون کو مضبوط بنانے، اور حکمرانی ، شفافیت، احتساب اور قانون کی حکمرانی کو فروغ دینے کے لیے تیار ہے۔‘‘ کابینہ میٹنگ 02 جولائی 2024 کو منعقد ہوئی تھی۔

بی بی این جے معاہدہ، یا 'ہائی سیز ٹریٹی'، سمندر کے قانون پر اقوام متحدہ کے کنونشن (یو این سی ایل او ایس) کے تحت ایک بین الاقوامی معاہدہ ہے۔ اس کا مقصد کھلے سمندروں میں سمندری حیاتیاتی تنوع کے طویل مدتی تحفظ پر بڑھتے ہوئے خدشات کو دور کرنا ہے۔ یہ بین الاقوامی تعاون اور ہم آہنگی کے ذریعے سمندری حیاتیاتی تنوع کے پائیدار استعمال کے لیے درست طریقہ کار طے کرتا ہے۔ فریقین کھلے سمندروں سے حاصل ہونے والے سمندری وسائل پر خودمختار حقوق کا دعویٰ یا استعمال نہیں کر سکتے اور فوائد کی منصفانہ تقسیم کو یقینی بنا سکتے ہیں۔ یہ احتیاطی اصول پر مبنی ایک جامع، مربوط، ماحولیاتی نظام پر مبنی نقطہ نظر کی پیروی کرتا ہے اور روایتی علم اور بہترین دستیاب سائنسی علم کے استعمال کو فروغ دیتا ہے۔ یہ رقبے پر مبنی انتظامی ٹولز کے ذریعے سمندری ماحول پر اثرات کو کم کرنے میں مدد کرتا ہے اور ماحولیاتی اثرات کی تشخیص کے لیے قواعد وضع کرتا ہے۔ یہ متعدد ایس ڈی جیز، خصوصاً ایس ڈی جی 14 (زیر آب  زندگی)کو حاصل کرنے میں بھی اپنا تعاون دے گا ۔

ڈاکٹر ایم روی چندرن، سکریٹری، ایم او ای  ایس نے، ہندوستان کے لیے فوائد کی وضاحت کرتے ہوئے کہا، "بی بی این جے معاہدہ ہمیں اپنے ای ای زیڈ (خصوصی اقتصادی زون) سے باہر کے علاقوں میں اپنی اسٹریٹجک موجودگی کو بڑھانے کی اجازت دیتا ہے، جو کہ بہت امید افزا ہے۔ نہ صرف ہمارے لیے بلکہ پوری انسانیت کے فائدے کے لیے مشترکہ مالیاتی فوائد کے علاوہ، یہ ہماری سمندری تحفظ کی کوششوں اور تعاون کو مزید مضبوط کرے گا، سائنسی تحقیق اور ترقی، نمونوں تک رسائی، ترتیب اور معلومات، صلاحیت سازی اور ٹیکنالوجی کی منتقلی وغیرہ کے لیے نئی راہیں کھولے گا۔"انہوں نے مزید کہا کہ ہندوستان کا بی بی این جے معاہدے پر دستخط کرنا اس بات کو یقینی بنانے کی جانب ایک اور اہم قدم ہے کہ ہمارے سمندر صحت مند اور لچکدار رہیں۔

بی بی این جے معاہدہ یو این سی ایل او ایس کے تحت تیسرا نفاذ کا معاہدہ ہو گا اور جب یہ نافذ ہو جائے گا، اس کے ساتھ ساتھ اس کے عملی نفاذ کے معاہدوں کے ساتھ: 1994 پارٹ XI نفاذ کا معاہدہ (جو بین الاقوامی سمندری علاقے میں معدنی وسائل کی تلاش اور نکالنے سے متعلق ہے) اور 1995 کا اقوام متحدہ کا مچھلی ذخیرہ اندوزی معاہدہ (جو اسٹریڈلنگ اور زیادہ نقل و حمل والے مچھلیوں کے ذخیرے کے تحفظ اور انتظام سے متعلق ہے)۔

یو این سی ایل او ایس کو 10 دسمبر 1982 کو اپنایا گیا تھا اور 16 نومبر 1994 کو نافذ ہوا تھا۔ یہ سمندروں کے ماحولیاتی تحفظ اور سمندری حدود، سمندری وسائل کے حقوق اور تنازعات کے حل کے لیے انتہائی اہم ہے۔ یہ بین الاقوامی سی بیڈ اتھارٹی قائم کرتا ہے تاکہ قومی دائرہ اختیار سے باہر سمندر کے فرش پر کان کنی اور متعلقہ سرگرمیوں کو منظم کرے۔ آج تک، 160 سے زیادہ ممالک یو این سی ایل او ایس کی توثیق کر چکے ہیں۔ دنیا کے سمندروں کو استعمال کرنے میں نظم و ضبط، مساوات اور انصاف کو برقرار رکھنے کے لیے یہ بہت ضروری ہے۔ بی بی این جے معاہدے پر مارچ 2023 میں اتفاق کیا گیا تھا اور یہ ستمبر 2023 سے شروع ہونے والے دو برسوں کے لیے دستخط کے لیے کھلا ہے۔ 60 ویں توثیق، قبولیت، منظوری یا الحاق کے 120 دن بعد یہ ایک بین الاقوامی قانونی طور پر پابند معاہدہ ہوگا۔ جون 2024 تک، 91 ممالک نے بی بی این جے معاہدے پر دستخط کیے ہیں، اور آٹھ فریقوں نے اس کی توثیق کی ہے۔

**********

 (ش ح –ا ب ن۔ م ف)

U.No:8164