কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী শিবরাজ সিংহ চৌহান্না ঙসি নই দিল্লীদা 96শুবা ইন্দিয়ন কাউন্সিল ওফ এগ্রিকলচরেল রিসর্চ ফাউন্দেসন অমসুং তেক্নোলোজী নুমিৎ 2024 হৌদোকখ্রে। কেন্দ্রগী ফিশরিজ, এনিমেল হসবেন্দরী অমসুং দায়রিয়িং মন্ত্রী, শ্রী রাজিব রঞ্জন সিংহ এলাইস লালন সিংহ অমসুং কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী ভগিরথ চৌধুরী অমসুং শ্রী রাম নাথ থাকুর, কেন্দ্রগী ফিশরিজ, এনিমেল হসবেন্দরী অমসুং দায়রিয়িং অমসুং মাইনোরিতী এফিয়র্সকী রাজ্য মন্ত্রী শ্রী জোর্জ কুরিয়েন অমসুং কেন্দ্রগী ফিশরিজ, এনিমেল হসবেন্দরী অমসুং দায়রিয়িং অমসুং পঞ্চায়তি রাজকী রাজ্য মন্ত্রী প্রোফেসর এস.পি. সিংহ বাঘেল অমসুং হিমন্সু পথক্না থৌরম অসিদা শরুক য়াখি।

কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী শিবরাজ সিংহ চৌহান্না ইন্সতিত্যুত অসিগী এগ্রিকলচরেল সাইন্তিস্তশিং,  ওফিসরশিং অমসুং কর্মচারীশিংগা লোয়ননা 96শুবা ইন্দিয়ন কাউন্সিল ওফ এগ্রিকলচরেল রিসর্চ ফাউন্দেসন অমসুং তেক্নোলোজী নুমিৎকা ইরোইননা উ-চারা অমা থাখি।

কেন্দ্রগী মন্ত্রীশিং অমসুং রাজ্য মন্ত্রীশিংনা 96শুবা ইন্দিয়ন কাউন্সিল ওফ এগ্রিকলচরেল রিসর্চ ফাউন্দেসন অমসুং তেক্নোলোজী নুমিৎকা ইরোইননা একজিবিসন হৌদোকখি।

থৌরম অসিদা কেন্দ্রগী মন্ত্রীশিংনা মহৈ-মরোংগী ময়াৎ 25 পুথোকখি অমসুং প্রদক্ত খরা লৌমীশিংদা কত্থোকখি। শা-ঙাগী ভেক্সিন কিৎশিংসু পুথোকখি লোয়ননা মহৈ-মরোংগী ৱেস্তগী শাবা প্রদক্ত কয়াসু পুথোকখি।

কেন্দ্রগী মন্ত্রীশিংনা থৌরম অসিদা ইন্দিয়ন কাউন্সিল ওফ এগ্রিকলচরেল রিসর্চকী সাইন্তিস্তশিং ওকখি অমসুং পব্লিকেসনশিং ফোঙখি।

থৌরম অদুদা কেন্দ্রগী মন্ত্রী শ্রী শিবরাজ সিংহ চৌহান্না হায়খি মদুদি ঐখোয়গী লৈবাক অসিদা অপীকপা লৌমীশিং লৈ। অপীকপা লৌমীশিংগীদমক মোদেল ফার্মশিং শেমগৎপগী তঙাইফদবা লৈরি। শ্রী চৌহান্না হায়খি মদুদি লৌউ-শিংউ অসি ভারতকী শেন্মিৎলোনগী থৱায়নি অমসুং লৌমীশিং অসি মাগী য়াংলেন শরূনি। প্রধান মন্ত্রী নরেন্দ্র মোদীনা লৌমীশিংগী শেন্থোক শরুক অনি হেনগৎহন্নবা পান্দম থম্লি। লৌমীশিং অমসুং লৌউ-শিংউগী থবকশিং অসি প্রধান মন্ত্রীগী খ্বাইদগী ৱাংনা মীৎয়েং চংলিবা অমনি। লৌউ-শিংউবু মখল-মখা কয়া দাইভর্সিফাইদ তৌরবদি লৌউ-শিংউদা লৌমীশিংগী শেন্দোং হেনগৎহনবা য়াগনি। ঙসিদি ঐখোয়না ৱারেপ অসিগা লোয়ননা থবক তৌরি। শ্রী চৌহাননা সাইন্তিস্তশিংদা হায়খি মদুদি ঐখোয়না চহি মরিগীদমক পান্দম থমগদবনি অমসুং চহি মরিগী মতুংদা ঐখোয়না পান্দমশিং অসি ফংলে হায়না হায়গদবনি। প্রধান মন্ত্রী শ্রী নরেন্দ্র মোদীনা ২০৪৭ ফাওবদা ভারতপু চাউখৎপা লৈবাক অমা ওইহন্নবা ৱারেপ লৌখ্রে। মসিদা লৌউ-শিংউ অমসুং লৌউ-শিংউগা মরী লৈনবা সেক্তরশিংনা মরুওইবা থৌদাং অমা লৌগনি। শা-শন য়োকপা, ঙা য়োকপা, গম পুথোকপা, মনা-মশিং অমসুং থাও মরু পুথোকপদা পোত্থোক হেনগৎহন্নবা থবক পায়খৎপা তাই।

শ্রী শিবরাজ সিংহ চৌহান্না হায়খি মদুদি ICAR না মখল লিশিং 6 পীরি। মসিগী মখল কয়ামরুম অসি লেবোরেতরীদগী কংফালদা য়ৌখ্রে। লৌমী অমসুং সাইন্তিস্ত অসি করম্না মরী লৈনবগে হায়বদু ঐখোয়না থিজিনবা তাই। সাইন্স অসি থবক ওইনা পাঙথোক্ত্রবদি, লৌমী অদুনা কান্নবা ফংগনি। লৌমী অমসুং কৃশি বিজ্ঞান কেন্দ্র কয়াম য়াম্না মরী লৈনবগে হায়বদু নৈনগদবনি। শ্রী চৌহান্না হায়খি মদুদি লৈবাক অসিদা লৌউ-শিংউগী কেন্দ্র 731 লৈরি, কেন্দ্র অমমমদা সাইন্তিস্ত অনি থাও অমসুং মখোয়না মফম অদুদা মহৈ তম্বা তাই অমসুং রিসর্সসু মফম অদুদা পাংথোক্কনি, মদুগী মতুংদা ঐখোয়না লৌমীশিংদা কান্নবা পীবা ঙমগনি। ঙসি ঐখোয়না ভারতপু মহৈ-মরোং অমসুং থাও মরুদসু মশা-মরোমদোম লেপচবা ঙমহনগনি হায়না অচেৎপা ফিরেপ লৌগদবনি। মসিগীদমক সরকারনা মপুং ফানা মতেং পাংগনি। হৱায়শিংগীদমক্তা সমৃদ্ধি পোর্তেল শেমখ্রে। লৌমীশিংগীদমক এৱেরনেস কেম্পেন অমা পাংথোক্কদবনি। সাইন্তিস্ত খুদিংমক্না চহি অমদা থা অমা লমদম অসিদা চৎতুনা লৌমীশিংদা তাকপী তম্বীগদবনি। লৌমীশিংগীদমক লৌউ-শিংউগী য়ুনিভর্সিতী পুম্নমক্না করম্না থবক তৌগদগে। লৌউ-শিংউগী য়ুনিভর্সিতীশিং, সাইন্তিস্তশিং অমসুং হীরমশিং অসি অমগা অমগা শম্নহনগদবনি। পোত্থোক হেনগৎহনবা অসি য়াম্না মরু ওই, অদুবু মসিনা মীওইবগী হকচাংদা করি শাফু পীরকপগে হায়বদু য়েংশিনবা অসিসু য়াম্না মরু ওই। নেচরেল ফার্মিংগী মতাংদা রিসর্চ তৌবীয়ু। প্রধান মন্ত্রীনা শ্রী অন্নাগী পোত্থোক হেনগৎহনবগী মতাংদা খন্ন-নৈনবসু ফোঙদোকখি। শ্রী অন্নাগী পোত্থোক হেনগৎহন্নবা থবক পায়খৎলু। লমদমসিগী ওইবা শগোল অমসুং হুইগী মচাশিং পুথোকপদসু মীৎয়েং থমগদবনি। মসি তেক্নোলোজীগা করম্না শম্নহনগদগে হায়বগী মতাংদা থবক তৌবগী তঙাইফদবা অমসু লৈরি। অইং-অশা হোংলকপগা মরী লৈননা থবক তৌবগী তঙাইফদবা অমসু লৈরি।

ফিশরিজ, এনিমেল হজবেন্দরী অমসুং দায়রিয়িং মন্ত্রী শ্রী রাজীব রঞ্জন সিংহ আকা লালন সিংহনা হায়খি মদুদি ICAR গা খুৎয়েক পীনখিবা ওর্গনাইজেসনশিংনা অথুবা মতমদা থবক পায়খৎকনি হায়না ঐখোয়না আশা তৌরি। মসিনা লৌমীশিংদসু কান্নবা ফংহল্লগনি। শা-শন অমসুং ঙা য়োকপনা গ্রোস দোমেস্তিক প্রদক্সনদা চাদা 35 শরুক তম্মি, ঐখোয়না মসিদা পুক্নিং চংদ্রবদি, মসি হন্থরকপা য়াই। করিগুম্বা ঐখোয়না মদুগী মতাংদা পুক্নিং চিংশিল্লবদি, মসিনা চাদা 50 হেন্না শরুক তম্বা ঙমগনি। ফিশরিজকী লমদা ঐখোয়না মালেমগী অনিশুবা মফমদা লৈরে। ঙসিদি ঐখোয়না লুপা করোর লিশিং 63গী পোৎলমশিং এক্সপোর্ত তৌরি। ঐখোয়না শা-শন অমসুং ঙা য়োকপা হেনগৎহল্লবদি, কান্নবা কয়া অমা ফংলগনি। এনিমেল হসবেন্দরী দিপার্তমেন্তনা ফুত এন্দ মাউথ দিজিজ (FMD) মুথৎপদা থবক তৌরি। রিসর্চ তৌবীয়ু অমসুং ঐখোয়বু FMDদগী কোকহনবীয়ু। অমসুং রাজ্য কয়াদা FMD শন্দোরকপা হন্থহন্নবা থবক পায়খৎলি। ভারত্তা FMDদগী শা-শনশিং করম্না ঙাকথোক্কদগে হায়বগী থবক পায়খৎলি। মহাক্না মখা তানা হায়খি মদুদি ক্লাসিফাইদ সিমেন অমসুং IVF তেক্নোলোজীদা থবক পায়খৎকদবনি, ICARনা IVFতা শেল চংদনবা তৌগদবনি। মসিগী কান্নবা অনি লৈগনি। অহানবদা, লম্বীদা চেল্লিবা শাশিং লৈরোই অমসুং শঙ্গোমগী পোত্থোকসু হেনগৎলগনি। দাইরী সেক্তরদসু রাস্ত্রিয় গোকুল মিসনগী খুত্থাংদা থবক কয়া পায়খৎলি। দাইরী সেক্তর অসি মপুং ফানা ওর্গানাইজ তৌদবা সেক্তর অমনি। ঐখোয়না মসিবু ওর্গানাইজ তৌরবা সেক্তর অমদা পুরকপা মতমদা, ঐখোয়না দাইরী সেক্তর অসি চাউখৎহনবা ঙমগনি। প্রধান মন্ত্রী নরেন্দ্র মোদীগী পান্দমদি ঐখোয়না শঙ্গোম এক্সপোর্ত তৌবদা মালেমদা নম্বর ৱান ওইনবা হোৎনবনি। ফিসরিজ, ফিসরিজগী তোঙান তোঙানবা স্পেসিসশিংগী এক্সপোর্ত হেনগৎহন্নবা থবক তৌগদবনি। দীপ সী ফিশিংগী থবক পায়খৎলক্ত্রবদি ঐখোয়না এক্সপোর্তশিং হেনগৎহনবা ঙম্লোই। শ্রী সিংহনা হায়খি মদুদি ঐখোয়না চহিগী ওইবা রফতানিগী পান্দম লুপা করোর লিশিং 63দগী লুপা করোর লাখ 1দা হেনগৎহনগদবনি।

লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী রামনাথ থাকুরনা হায়খি মদুদি লৌউ-শিংউগী সেক্তর অমসুং পোত্থোক পুথোকপগীদমক থবক কয়া পায়খৎলি অদুবু পোত্থোক পুথোক্লিবা শঙ্গোমগী স্তোরেজ তৌবগী থৌরাং অমত্তা পায়খৎপা ঙমদ্রি। শ্রী থাকুরনা হায়খি মদুদি শঙ্গোমগী পোত্থোকশিং থম্নবগী সিস্তেমদা থবক পায়খৎকদবনি। লৌউ-শিংউদা তোক্সিক ওইদবা ফর্তিলাইজরশিং মথৌ তাই অমসুং মীওইবনা হু চেন্দবা চিঞ্জাকশিং ফংনবা সাইন্তিস্তশিংনা মসিগী মাইকৈ অসিদা রিসর্চ তৌগদবনি। ফর্তিলাইজরশিংগী শীজিন্নবা অসি নিলদা হন্থহন্নবা থবক পায়খৎকদবনি।

ফিসরিজ, এনিমেল হজবেন্দরী অমসুং দায়রিয়িং অমসুং পঞ্চায়তি রাজকী কেন্দ্রগী রাজ্য মন্ত্রী, প্রোফেসর. এস. পি. সিংহ বাঘেলনা হায়খি মদুদি ICAR না লেবোরেতরীদা নত্তনা লমদমসিদা থবক কয়া পায়খৎলি, অমসুং ঙসি ঐখোয়না মদু উবা ফংলে। ICAR গী থবক অসি লম খুদিংমক্তা উবা ফংই। নেনো য়ুরিয়া শেমগৎতুনা, মসিনা লৌমীশিংগী শেন্থোক শরুক অনি হেনগৎহনবদা মতেং পাংগনি। ICAR না লৌমীশিংদা কান্নবা পীগদবা লৌউ-শিংউগী পাম্বৈ কয়া পুথোক্লে। বেগেলনা হায়খি মদুদি করিগুম্বা ক্লাসিফাইদ সিমেন্তদা থবক পায়খৎলবদি, পোক্লিবা শন নাওশিংগী চাদা 90দি অমোম ওইগনি।   

লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী ভাগীরথ চৌধরীনা হায়খি মদুদি ঙসিদি ঐখোয় পুম্নমক্কীদমক শীংনবা অমা লৈরি মদুদি করিগুম্বা ঐখোয়না লৈবাক অসিগী মীওই করোর 140বু চানবা পীরিবা লৌমীশিংবু য়েংশিন্দ্রবদি, তুংলমচৎতা অচৌবা খুদোংচাদবা অমা লাক্কনি। ইন্দিয়ন কাউন্সিল ওফ এগ্রিকলচরেল রিসর্সনা চাউখৎপা কয়া অমা উবা ফংলে। ঐখোয়না খুমাং চাউশিল্লকপা হায়বসি য়াম্না মরু ওই, অদুবু ঐখোয়না মীওইবগীদমক খুদোংচাদবা অমত্তা লৈহল্লোইদবনি হায়নসু খল্লি। ঙসিদি দিজিতেল রিভোলুসনদা মিৎয়েং চঙবগী তঙাইফদবা লৈরে। লৈবাক অসিদা ওইল সীদ অমসুং পোত্থোক পুথোকপা হেনগৎলক্লি। মসিদা নত্তনা পোত্থোক পুথোকপা হেনগৎহনবগী তঙাইফদবা লৈরি। ঈশিংগী অৱাৎপা লৈরি, মহৈ-মরোং হেনগৎহনবদা মীৎয়েং চংবা মথৌ তাই। লৌমীশিংগী মরক্তা মীয়ামগী ওইবা এৱারনেস কেম্পেন অমা পাংথোক্তুনা কৃশি বিজ্ঞান কেন্দ্র -  KVK য়াওহনবগী মথৌ তাবসু লৈ।

কেন্দ্রগী ফিসরিজকী রাজ্য মন্ত্রী শ্রী জোর্জ কুরিয়েন্না হায় মদুদি ভারত অসি মালেমদা ঙা পুথোকপদা অনিশুবা খ্বাইদগী চাউবা ওইরি।.

দা. হিমান্সু পথক্না হায়খি মদুদি ICARনা ভারতপু তেক্নোলোজী শীজিন্নদুনা গ্লোবেল এগ্রি-এক্সপোর্তর অমা ওইহনবদা মতেং পাংগনি।

******