নই দিল্লীগী ওল ইন্দিয়া ইন্সতিত্যুত ওফ আয়ুর্বেদ (এ.আই.আই.এ.)গী শলয়া তন্ত্রা বিভাগনা সুশ্রুতা জয়ন্তী-2024গী য়াইফরবা নুমিৎ অসিদা সাউশ্রুতম শলয়া জয়নতীগী অনিশুবা নেস্নেল সেমিনার পাংথোকখ্রে। সর্জরীবু হৌদোক্লম্বা মীওই হায়না খঙনবা ৱারীননীংঙাই ওইরবা সুশ্রুতবু ইকায় খুম্নবা ওইনা জুলাই 15বু সুশ্রুতা জয়ন্তী হায়না চহি খুদিংগী পাংথোকই। সেমিনার অসি জুলাই 13দা হৌখিবনি অমসুং ঙসি লোইশিনখিবনি।

এমস ভোপালগী ফাউন্দর দাইরেক্তর, প্রোফঃ সন্দীপ কুমারনা সেমিনার হৌদোকপগী থৌরমগী অথোইবা মীথুংলেন ওইখি। এ.আই.আই.এ. দিল্লীগী ফাউন্দর দাইরেক্তর, পদমসশ্রী প্রোফঃ মনোরঞ্জন সাহু; নই দিল্লীগী এমসকী সর্জিকেল দিসাইপলগী হান্নগী ঐচ.ও.দি., প্রোফঃ অনুরাগ শ্রীবাস্তব অমসুং এমসকী হান্নগী দাইরেক্তর, দাঃ এম.সি. মিশ্রানা গেস্ত ওফ ওনর ওইখি। এ.আই.আই.এ.গী দাইরেক্তর প্রোফঃ (দাঃ) তনুজা নেসারী; শলয়তন্ত্রগী ঐচ.ও.দি. প্রোফঃ দাঃ য়োগেশ বরৱেনা মীথুংলেনশিংবু তরাম্না ওক্লদুনা সেমিনার অসিগী মতাংদা শম্লপ্না পাউদমখি। থৌরম অসিদা দীন পি.জি. প্রোফঃ অনন্দ মোরে অমসুং এ.আই.আই.এ.গী অতোপ্পা সেনিয়র ফেকলতীশিংনা শরুক য়াখি।

অহানবা নুমিৎ অনিদা অরুবা সর্জিকেলগী থৌওং 25 লাইবতা মায় পাক্না পাংথোক্তুনা উৎখি, মসিগুম্বা তোপ-তোপ্পা খুদোংচাবা অসিনা সেমিনারদা শরুক য়ারিবশিংগী মফমদা মমিং লৈরবা সর্জনশিংগী মায়কৈদগী সর্জিকেলগী মখল কয়াগী থৌওংশিং য়েংবা অমসুং তম্বগী তাঞ্জা পীখি। ভগন্দর (ফিস্তুলা-ইন-এনো), অর্শা (হেমোর্হোইদ), পাইলোনিদেল সাইনস, গোল ব্লেদ্দরগী নুঙ, হর্নিয়ানচিংবা লায়না নাবা অনাবশিংগী লাইব সর্জিকেল ৱর্কশোপ ওপরেসনশিং অসি ভি.এ.এ.এফ.তি., লেপোরোসকোপী অমসুং লেজর অমদি ত্রেদিস্নেল শায়লা মেথদনচিংবা অনৌবা তেক্নিক কয়া শিজিন্নদুনা পাংথোকখি। হৌখিবা চহিদা চাউরাকপা অনাবা 1500না এ.আই.আই.এ.গী সর্জিকেল প্রোসিজরগী কান্নবা ফংখ্রবনি।

এ.আই.আই.এ. দাইরেক্তর, প্রোফঃ তনুজা নেসারীনা অহানবা নুমিত্তা অতোপ্পা মমিং লৈরবা মীথুংলেনশিংগা লোয়ননা বিভাগ অসিগা মরী লৈনবা সোভেনিয়র অমা অমসুং আই.ই.সি. মেতরিএল কয়া লোঞ্চ তৌখি।

প্রোফঃ তনুজা নেসারীনা হায়খি, “এ.আই.আই.এ.না হেক হৌদোকখিবদগী আয়ুর্বেদবু মালেমদা খঙহন্নবা খোঙফম চেত্তুনা লাকখি। শলয়া তন্ত্রা বিভাগনা শিনবা সাউশ্রুতম অসিনা মতমগা চুনবা সর্জিকেল তেক্নোলোজীগা আয়ুর্বেদগা পুনশিন্নবা ঐখোয়না হোৎনরিবা অসিবু হেন্না লাইহল্লি, ইন্তিগ্রেতেদ সর্জিকেল প্রেক্তিস কয়াদা থাক ৱাংবা স্কিল অমসুং থাজবগা লোয়ননা আয়ুর্বেদগী সর্জন ওইনীংবশিংবু থৌনা হাপ্লি, পুক্নিং থৌগৎলি”।

নেস্নেল সেমিনার অসিগী অহুমশুবা নুমিৎ অসি সুশ্রুতা পুজন পাংথোক্তুনা হৌখি, মসিগী মতুংদা পেপর প্রজেন্তেসন কম্পিতিসন পাংথোকখি। পেপর প্রজেন্তেসন কম্পিতিসনগী মনা মথুম য়েন্থোকপা, থৌরমদা শরুক য়াবগী থাগৎ ৱাহৈ পীরবা মতুংদা থৌরম অসি লোইশিনখি।

শলায়া তন্ত্রগী ঐচ.ও.দি., প্রোফঃ (দাঃ) য়োগেশ বরৱেনা তীম সাউশ্রুতমবু পুক্নিং চেৎপগীদমক্তা থাগৎখি অমসুং অসুম্না হায়খি, “তীম সাউশ্রুতম্না থৱাই য়াওনা অমসুং অৱাবা লৈতনা হোৎনরি, মসিদা নত্তনা সাউশ্রুতম 2024বু হীরম খুদিংগী মায় পাকপা ফম্বাক অমা ওইহন্নবা মখোয়না খোঙফম চেত্তুনা লাক্লিবনি”।

মীওই 160 হেনবনা সেমিনার অসিদা শরুক য়ানবা রেজিস্তর তৌরকখি, মখোয়গী মনুংদা  ভারতকী মফম কয়াদগী পি.জি./পি.ঐচ.দি. স্কোলর, রেসিদেন্ত দাক্তর, সর্জন অমসুং ফেকলতী মেম্বরশিং য়াওরি। সেমিনার অসিদা পেন ইন্দিয়া এক্সপর্ত; প্রোফঃ (দাঃ) লক্ষমন সিংহ – ভরানসী, বি.ঐচ.য়ু., আই.এম.এস.কী শলয়া তন্ত্রগী প্রোফঃ অমসুং হান্নগী ঐচ.ও.দি.; প্রোফঃ (দাঃ) হেমঙ্গা কুমার ভত্তচার্য় – নই দিল্লীগী এমসকী সর্জরী বিভাগ; প্রোফঃ (দাঃ) পি. হেমন্ত কুমার – জয়পুরগী এন.আই.এ.গী শলয়া তন্ত্রগী প্রোফঃ অমসুং ঐচ.ও.দি.; নেপালগী কাথমান্দুদা লৈবা ইন্সতিত্যুত ওফ মেদিসিন (আই.ও.এম.) ত্রিভুবন য়ুনিভর্সিতীগী আয়ুর্বেদ কেম্পস অমসুং তীচিং হোস্পিতালগী শলয়া তন্ত্র বিভাগকী ঐচ.ও.দি., দাঃ বিজেন্দর শাহনা শরুক য়াখি।

***