কেন্দ্রগী পাৱর অমসুং হাউসিং অমদি অর্বান এফিয়র্সকী কেন্দ্র মন্ত্রী, শ্রী মনোহর লালনা জুলাই 15, 2024দা উত্তরাখন্দগী তেহরি গর্হৱালদা লৈবা 2400 MW তেহরি পাৱর কম্প্লেক্সতা হৌজিক চত্থরিবা থবকশিং য়েংশিনখ্রে।

খোঙচৎ অদুগী মনুংদা, শ্রী মনোহর লালনা THDCILগী মখাদা ফ্লেগশিপ প্রোজেক্ত অমা ওইরিবা অমসুং ভারতকী রিন্যুএবল ইনর্জী ইনফ্রাস্ত্রকচরগী মরুওইবা পোৎলম অমা ওইরিবা 1000 MW তেহরি পাম্প স্তোরেজ প্লান্ত (PSP) দা হৌজিক চত্থরিবা কনস্ত্রক্সনগী থবকশিং য়েংশিনখি। কেন্দ্রগী মন্ত্রীনা বত্ততরফ্লাই ভেল্ব চেম্বর, মেছিন হোল অমসুং তেহরি PSPগী আউৎফোল য়াওনা মরুওইবা মফম কয়াদা কুপ্না য়েংশিনখি। PSPবু হৌজিক লৈরিবা ঈশিং মেনেজমেন্ত সিস্তেমশিংদা পুনশিন্নবগী মরুওইবা হীরম অমা ওইরিবা তুরেল পুনশিনবগী থবকশিংদা খন্নখি।

লেপ্তনা হোৎনরিবা অসিগীদমক মহাক্কী থাগৎপা ফোঙদোক্লদুনা, মন্ত্রীনা THDC গী তীম পুম্নমকপু রিন্যুএবল অমসুং থাজবা য়াবা হায়দ্রোপাৱর জেনরেসনগী মায়কৈদা মখোয়গী লেপ্পা লৈতনা অমসুং কন্না হোৎনবগীদমক থাগৎপা ফোংদোকখি। শ্রী মনোহর লালনা তীম অসিগী মরুওইবা মায়পাকপশিং অমসুং মখোয়না 2400 MW তেহরি পাৱর কম্প্লেক্স শেমগৎপদা থম্লিবা অৱাংবা স্তেন্দর্দশিং অদু শকখঙখি অমসুং হায়দ্রোপৱার প্রোজেক্তশিংদা THDCগী কন্ত্রিব্যুসনশিং অদু প্রধান মন্ত্রী শ্রী নরেন্দ্র মোদীনা পীরকপা থাজবা অদুগা মতৌ করম্না মরী লৈনবগে হায়বগী মতাংদা পনখি। ২০৪৭ ফাওবদা বিক্সিত ভারতকীদমক নরেন্দ্র মোদীগী ভিজন। মহাক্না মখা তাখি, “তেহরি দাম অসি THDCILগী ওইনা য়াম্না মরু ওইবা মাইলস্তোন অমা ওইরি। অসিগুম্বা অচৌবা দাম অমগী ৱাখল্লোন অসি ওইথোকপা ঙমলরোই খল্লুরবা তানফম অমদা মসি মায়পাকপা ঙমখি। তেহরি দাম অসি শেমগৎলকপা অসি অঙকপা অমদি ইঞ্জিনীয়রিংগী মতিক-ময়াই অমনি।“

THDC গী মেনেজমেন্ত অমসুং ইমপ্লোয়িশিংদা ৱা ঙাংলদুনা মন্ত্রীনা হায়দ্রোপৱরগী মরুওইবা ৱাফমশিং ক্লাইমেৎ চেঞ্জ থেংনবদা অমসুং নেসনগী ইনর্জী সেক্যুরিতীদা মতেং পাংবদা পনখি। মহাক্না তীম অসিদা মখোয়গী খোঙজেল মখা তানা চংশিন্নবা অমসুং লেমহৌরিবা প্রোজেক্ত ফেজশিং মতম চানা লোইশিনবদা মীৎয়েং চংনবা তকশিনখি। মহাক্না হায়দ্রোপাৱর তেক্নোলোজীগী ঙমখৈ হেনগৎহনবদা THDCIL না হোৎনরিবশিংবু থাগৎপা ফোংদোকখি।

THDCILগী চেয়রমেন অমসুং মেনেজিং দাইরেক্তর শ্রী আর. কে. বিষ্ণোইনা মন্ত্রীগী খোঙচৎ অমসুং পুক্নিং থৌগৎপগী ৱারোলগীদমক থাগৎপা ফোংদোকখি। ভারতকী সস্তেনেবল ইনর্জী ফ্যুচরদা মতেং পাংনবা হেন্না চাউবা মিসনগী শরুক অমা ওইনা তেহরি পাৱর কম্প্লেক্স অমসুং অতোপ্পা রিন্যুএবল ইনর্জী প্রোজেক্তশিং মাংলোমদা পুখৎনবা THDCILগী অচেৎপা ফিরেপ অদু মহাক্না অমুক হন্না ফোংদোকখি। ভারতকী হাইদ্রোপাৱর সেক্তরগী তুংলমচৎকীদমক ইকাই খুম্নরবা মন্ত্রীগী ভিজন অমসুং ভিজন অদু মংফাওনহনবদা মখোয়না লৌরিবা থৌদাং অদুদগী ইথিল ফংলবা THDCIL তীমগী মরক্তা অনৌবা পান্দমগী ৱাখল্লোন অমা লৈদুনা খোঙচৎ অদু লোইশিনখি।

পৱার মন্ত্রালয়গী শক্নাইরবা মীহুৎ কাংবুগা লোয়ননা মন্ত্রীবু THDC ইন্দিয়া লিমিতেদকী চেয়রমেন অমসুং মেনেজিং দাইরেক্তর বিষ্ণোইনা তরাম্না ওকখি, মহাক্কা লোয়ননা শালিন্দর সিংহ, দাইরেক্তর (পার্সনেল), শ্রী ভুপেন্দ্র গুপ্তা, দিরেক্তর (তেক্নিকেল), অমসুং THDCILগী অতোপ্পা সেনিয়র ওফিসিএলশিংসু শরুক য়াখি।

তেহরি হাইদ্রো পাৱর কম্প্লেক্সকী মরমদা:

THPC অসি গঙ্গা তুরেলগী মরিল অমা ওইরিবা ভাগিরথি তুরেলদা লৈবা মলতিপরপজ স্কিম অমনি। মসিনা ভাগিরথী তুরেলদা নোংজু থাগী মনুংদা অহেনবা ঈশিং স্তোর তৌনবা অমসুং নোংজু থা নত্তবা মতমগী মনুংদা উত্তরাখন্দ অমসুং উত্তর প্রদেশকী গঙ্গা তম্পাক্কী লমদমশিংদা লৈরিবা মীশিংগী ঈথৈ লৌখোঙ অমসুং থক্নবা ঈশিংগী মথৌ তাবশিং থাদোক্তুনা ফংহনগনি অদুগা পীকিং পাৱর 2400MW পুথোক্কনি।

তেহরি HPC দা মখাদা পীরিবশিং অসি য়াওই:

তেহরি হাইদ্রো পাৱর প্লান্ত (তেহরি HPP) - 1000 MW (4×250MW)

2. কোতেশ্বর হাইদ্রো ইলেক্ত্রিক প্রোজেক্ত (কোতেশ্বর HEP) - 400 MW (4x100MW)

3. তেহরি পম্প স্তোরেজ প্লান্ত (তেহরি PSP) - 1000 MW (4x250MW)

***