سائنس و ٹکنالوجی کے مرکزی وزیر مملکت (آزادانہ چارج) ، وزیر اعظم کے دفتر، عملہ ، عوامی شکایات، پنشن، توانائی اور خلا ء کے مرکز ی وزیر مملکت،  ڈاکٹر جتیندر سنگھ نے آج یہاں کہا، "سیاسی مفادات سے اوپر اٹھ کر، ہر ایک کو قومی سطح کے ترقیاتی منصوبوں کو پورا کرنے میں اپنا تعاون پیش کرنا چاہیے۔"

یہاں ایک جلسہ عام سے خطاب کرتے ہوئے ڈاکٹر جتیندر سنگھ نے کہا کہ وزیر اعظم نریندر مودی کے ذریعہ لائے گئے ترقیاتی پروجیکٹوں کا تعلق کسی خاص لیڈر یا پارٹی سے نہیں ہے، بلکہ وہ تمام طبقات کے عوام کے فائدے کے لیے ہیں۔ ادھم پور-کٹھوا-ڈوڈا پارلیمانی حلقہ سے تیسری بار جیتنے پر مبارکباد دینے کے بعد، انہوں نے کہا، "وزیر اعظم مودی نے ووٹ بینک سے اوپر اٹھ کر جہاں ضرورت ہے اسے دستیاب کرانے کی پالیسی پر عمل کیا ہے"، انہوں نے مزید کہا کہ اس لیے ہر کسی کو اپنی تجاویز پیش کرنی چاہئے اور ان پروجیکٹوں کو مزید بہتر بنانے اور ان پر عمل درآمد کرنے کے بارے میں رائے دینا چاہیے۔  اگر اس کی کوئی بنیاد ہے تو انتظامیہ کو ضروری اصلاحات کرنے کی ہدایت کی جائے گی"، انہوں نے کہا۔

ڈاکٹر جتیندر سنگھ نے اجتماع سے اپیل کی کہ دیویکا ندی کے احیا ء کے پروجیکٹ سمیت ترقیاتی منصوبوں کا تعلق سماج کے ہر طبقے سے ہے اور اس کے فوائد ہر ایک کے بچے استعمال کریں گے۔

ضلع ادھم پور کے مشہور "کالادی" پروڈکٹ کے بارے میں بات کرتے ہوئے، مرکزی وزیر نے بتایا کہ دودھ سے بنی قابل استعمال اشیاء کی پہلے ہی حکومت کی ایک ضلع ایک پیداوار اسکیم کے تحت تشہیر کے لیے شناخت کی جاچکی ہے۔کالادی کی برانڈنگ اس کی قبولیت اور قدر کو بڑھانے کے لیے ضروری ہے''، انہوں نے مقامی چیمبر آف کامرس پر زور دیا کہ وہ اس کوشش میں اپنا کردار ادا کرے۔

اسی سلسلے میں، ڈاکٹر جتیندر سنگھ نے لیوینڈر کو استعمال کرنے کے لیے تیار کیا، اور اجتماع کو بتایا کہ ضلع کے ڈوڈو-بسنت گڑھ علاقے میں اس کی کاشت پہلے ہی شروع ہو چکی ہے۔ "ضلع ڈوڈا کی تحصیل بھدرواہ میں شروع ہونے والا مہک مشن ادھم پور تک پہنچ گیا ہے"، انہوں نے کہا کہ جامنی اور سفید انقلابات سے جنم لینے والے اسٹارٹ اپ خود روزگار کی نئی راہیں اور پائیدار معاش کے ذرائع کے طور پر ابھرے ہیں۔

وزیر موصوف نے کہا"اُدھم پور دودھ کی بے شمار مصنوعات کا گھر ہے جسے یہاں آنے والی نئی صنعتی اسٹیٹ میں برانڈ میں تبدیل کیا جا سکتا ہے"۔ انہوں نے میڈیا اور معاشرے دونوں سے اپیل کی کہ وہ علاقے میں لیوینڈر کی کاشت اور دودھ کی مصنوعات کے بارے میں بیداری پیدا کریں۔ اس بات پر زور دیتے ہوئے کہ اودھم پور کے قدرتی وسائل کو پوری طرح سے تلاش نہیں کیا گیا ہے، مرکزی وزیر نے کہا کہ یہ وسائل ہندوستان کی معیشت میں اضافے کے ساتھ ساتھ اس کی قدر میں بھی اضافہ کریں گے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

8322