পুম্নমক্কী মফমদা নোল্লুকচরি,

অদোমগী এজেন্দা লৈতে হায়না জেনেরেল সিংহনা হায়বীরে। মসি মওং অমদদি চুম্মি। মসিবু স্তিগমা চেনবনি হায়নবগীনি। হান্নদগী থৌরাং য়াৎলবা পান্দম অমগীদমক্তা অদোম্না থবক তৌরিবনি। অদোমগী মমাংগী কনফরেন্স অনিদা শরুক য়ারুরবা তুংদা, ঐহাক্না হায়নীংবদি অদোমগী এজেন্দা অমা লৈ হায়বসিনি। এজেন্দা অসিদি মীওইবা খুন্নাইগী য়াইফ নুংঙাইবনি।

হৌজিক্কী মতমগী তঙাই ফদবা এজেন্দা অমনি। তেক্নোলোজীগী শিংনবা অমসুং খুদোংচাবা কয়ানা মিনিৎ খুদিংগী হেনগৎলক্লিবা অসিনা এজেন্দা অসি শৌগৎপগী মথৌ তারিবনি। অদুনা অদোমগী এজেন্দা অসি য়াম্না ফৈ, মালেম্বু চাউনা তেংবাংগনি। মসিদা ভারতশু য়াওরিবনি।

ঐখোয়না মালেম্না শিজিন্নরিবা ৱাহৈ, থিঙ্ক তেঙ্ক অসি য়াম্না মরু ওই। লৈবাক অমনা করম্বা মায়কৈদা চৎলিবগে হায়বসি মসিনা তাকই। থিঙ্ক তেঙ্ক অসি নোংচুপথংবা মালেমদগী হৌরকপনি, মখোয় হৌরকপসি দিকেদ অহুম নত্ত্রগা মরিমুক শুরে। অচুম্বা ৱারোলগী মতাংদা মখোয়গী মনুংদগী খরদি য়াম্না চুম্মি অদুনা মখোয়না মশাবু থিঙ্ক তেঙ্ক নত্ত্রগা ফেক্ত তেঙ্ক হায়না কৌনৈ। চাউখৎপা অমসুং অওনবা পুরকপগী তঙাই ফদববু অদোম্না তসেংনা য়াঙখৎহনবা ঙমগনি। সাইবর সেক্যুরিতীগী শক্লোনশিং নীংথিনা খন্নবা হায়বসি য়াম্না থাগৎনীংঙাই ওইরি।

চহি অহুম্মুক্তা ঙাইরি। অদুবু চহি অহুম অসিদা অদোম্না ইশাগী শক্তাকখ্রে। অদোমগী মমাংগী কনফরেন্স অনিগী মনুংদগী অমা ওইরিবা, ঐখোয়গী য়ুম্লোন্নবা লৈবাক অমনা পীখিবা কীনোত এদ্রেস অসিগী মতাংদা ময়াম্না নৈনরি। ঐহাক্না হায়নীংবদি অদোম্না অহাঙবা অমা মেল্লি হায়বসিনি। মসিগী অহাঙবা অসি লৈফম থোক্তবনি। অদোমগী থিঙ্ক তেঙ্ক অসি মতম চানা লাক্লবনি।

শিংনবা মশক নীংথিনা খঙদোক্তুনা মরী লৈনবা ৱারোইশিন পুরকপা ঙম্নবগীদমক্তা গ্রুপ অসি ঐহাক্তি চহি খুদিংগী চাউথোকপা হেনগৎহন্নীংই। শক্নাইরবা রিসোর্স কয়া পুনশিন্নদুনা থিঙ্ক তেঙ্ক অসিবু হেন্না মতিক লৈহন্নীংই।

অদোমগী একজেক্যুতিব কাউন্সিল অমা লৈরি। অদুনা থিঙ্ক তেঙ্ক অসিনা অদোমগী ফোকস এরিয়া ওইরিবশিংদা অফবা থৌশিল থৌরাং য়াত্তুনা মালেমগী থিঙ্ক তেঙ্ক অমা ওইরকপগী মতিক লৈরিবনি।

মরুপশিং, হৈ-শিংবা মীওইশিং পুনশিনবা হায়বসি অরায়বা নত্তে। ঐহাক্না রাজ্য সভাগী মতাংদা হায়বা নত্তেকো। মসিদা হৈ-শিংবা মীওই কয়া য়াওরি অদুবু মখোয় খুদিংমক নাকল অমত্তা লৈমিন্নবদি নত্তে। থৌরম খরদা মখোয় অমত্তা ওই। অদুবু, অদোমগী মতাং অসিদদি তেংবাংনবগী থৌওং লৈরি। শিংনবা অমগা মাইয়োক্নগে হায়বা পান্দমগা লোয়ননা অদোমদি মিসন মোদতা লৈরি। শিংনবা অসি করিনো হায়বা ঐখোয় খুদিংনা খঙলবনি। মরুপশিং, শেন্মিৎলোনগী থবক থৌরম্না লৈবাক অমগী ৱাহন্থোক পীরিবনি।

ঐহাকপু পার্লিয়ামেন্ত, লোক সভাদা কেন্দ্রগী মন্ত্রী অমা ওইনা ইং 1989দা থাগৎখি। ভারতকী শেন্মিৎলোনগী পাক চাউবসি লন্দন অমসুং পেরিস লৈরিবা লৈবাকশিংগী শেন্মিৎলোন্দগী হেন্না পীক্লম্মি। দিকেদ অমগী মমাংদা ঐখোয়গী লৈবাক অসি অশোনবা শেন্মিৎলোন মঙাগী মনুংদা লৈরম্মি। অদুবু, ঐখোয়না দিকেদ অমগী মনুংদা 11শুবা থাক্তদগী 5শুবা থাক্তা চোংলকখি। হৌজিক্তি ঐখোয়না য়ু.কে., ফ্রান্স, কানাদা, ব্রাজিলদগী হেন্না চাউরে অমসুং জাপান অমসুং জর্মনীদগী অথুবা মতমদা চাউবা হেল্লগনি। মসিশু ইন্দিকেতর অমনি।

মীপুম খুদিংগা মরী লৈনবা শেন্মিৎলোনগী শাহৌগী ইন্দিকেতরগী মায়কৈদা চঙশিনা তারি। মীওই মিলিয়ন 500পু বেঙ্ককী পথাপকী মনুং চল্লক্কনি হায়বসি ঐখোয়না খল্লুবা নত্তে।

য়ুম্থোং খুদিংদা অমাংশঙ শাদুনা, ঈশিং য়ৌহন্দুনা নুপীশিংগী পাঙ্গল হাপকনি হায়বসি ঐখোয়না কৈদৌনুংদা খল্লুবা নত্তে। দাইরেক্ত ত্রান্সফর হৌজিক পাংথোক্লি। ঐখোয়না মালেমগী ত্রাঞ্জেক্সনগী 50% পাংথোক্লি। ত্রাঞ্জেক্সনশিং অসিগী সেক্যুরিতী অসি য়াম্না মরু ওই। বেনেফিশরী খুদিংনা কান্নবা ফংনবা হায়দুনা অনৌবা অমসুং মতিক লৈবা মেকানিজম কয়া শেম্লি। অদুবু চাউখৎপা কয়া অসিগী মরক্তা অরানবা খুদোংচাবা লৌবা মীওই কয়া অমশু লৈরি। অদুবু, লৈবাক অসিনা ইন্তর্নেত খোঙজেল য়াঙনা শিজিন্নবা হৌখ্রে। ঐখোয়গী লৈবাক্তা ইন্তর্নেত শিজিন্নবা মীওই মিলিয়ন 850 লৈরবনি।

চাইনা অমসুং য়ু.এস.কী ইন্তর্নেত শিজিন্নরিবা অপুনবা মীওই মশিংদগী ঐখোয়না হেল্লে। লৌমী মিলিয়ন 100না সরকারগী মায়কৈদগী শেলগী খুদোংচাবা অসি চহি অমদা খুদোংচাবা অহুম্লক ফংগনি হায়বসি অদোম খল্লুবরা?

ঐহাক্না হায়নীংলিবা অসিদি, দিজিতেল ৱর্কিং হায়বসি হৌজিক্তি ঐখোয়গী শরুক অমা ওইরে হায়বসিনি। মসিনা শেন্মিৎলোনবু মমাংদা তৌরমদবা মতৌদা ফোর্মেলাইজ তৌরে। ৱর্ল্দ বেঙ্ককী প্রসিদেন্তশু লৈবাক অসিদা জি-20গী মনুংদা লাক্লম্লে। মহাক্না মরু ওইবা ৱাফম অমা হৌদোক্লম্মি, মদুদি, ভারতকী দিজিতাইজেসন অসি মালেমগী খুদম ওইরবনি।

ভারতনা চহি তরুক্কী মনুংদা ফংখিবসি দিকেদ মরিদা ফংবা ঙম্বা নত্তে। মদুমক নত্তবনিনা, ঐখোয়গী শেন্মিৎলোনগী শাহৌ ঙাক্না ঐখোয়না নীংথিনা শেম শাবা তাবনি। সাইবরক্রাইম্না মীয়াম্বু নথাক তৌহন্দনবা হোৎনবা তাবনি। অদোমগী মীংচৎ মীয়াম্না খঙলবা তুংদা অদোম্না মসিগী মতাংদা চুনবা উপায় তৌদুনা ৱারোইশিন পুরকপা ঙমগনি।

অদুবু, সাইবর ক্রাইম হায়বসিদি লিগেলগী ইচিল ইনাওশিংগী মফমদফাওবা অনৌবা হীরম অমা ওইরি। ঐখোয়না অহানবদা শিংনবা কয়া মাইয়োক্নরম্মি। মসিগী মাইয়োক্তা কনাদা ৱাক্তকদগে, করম্বা মতমদা ৱাকৎকদগে হায়বা মীয়াম্না খঙলমদে। মসিগী মরমদি ক্রাইম অসি লৈবাক্কী মফম খুদিংদা থোকপগীনি।

মসিগী হৌরকফম অসি লৈবাক ৱাংমদগী অয়াম্বা ওইরিবনি। অদুনা পুলিস, ইনভেস্তিগেতর, রেগ্যুলেতর অমসুং লিগেল ফ্রেতর্নিতীনা নাকল অমদা লৈমিন্নবা তাবনি। অকায়বা পীহনবা ঙম্বা তেক্নোলোজী মরাং কায়না লৈরবনিনা ঐখোয়না কন্না হোৎনবা তাবনি। হায়রিবা অকায়বশিং অসি ঐখোয়গী য়ুম, ওফিস্তা লৈরবনি। অদুনা ঐখোয়না শিংনবা অসিবু খুদোংচাবদা ওন্থোকপা তাবনি।

ইন্তর্নেত ওফ থিংস, এ.আই., ব্লোকচেন অসি মীওই কয়া অমদা শুপ্নগী ৱাহৈ অমখক ওইরম্বা য়াই। মখোয় অসি মুন্না য়েংলুবদা ৱাহন্থোক অমত্তা থোক্তবনি। অদুবু বিভাগনা প্রজেন্তেসন অমা উৎপীখিবদা ঐহাক মুন্না খঙলে। মসিগী মতিক য়াম্না লৈ। থিঙ্ক তেঙ্কনা মিৎয়েং চঙলিবা হীরম অসি শুপ্নগী শেন্মিৎলোন, কারবার অমসুং মীওই অমখক্কী অপাম্বদা মিৎয়েং চঙবখক নত্তে, মখোয়না লৈবাক্কী সেক্যুরিতীগশু মরী লৈনরি।

অদুনা অকায়বা পীহনবা তেক্নোলোজীশিং অপদেত তৌদুনা মখোয়গী কান্নবা ওইনা লৌদুনা খুদোংচাবদা ওন্থোকপা তাবনি। সেক্যুরিতী খক্তদা মিৎয়েং চঙবা থিঙ্ক তেঙ্ক দা ঐহাক্না শরুক য়াবগী তাঞ্জা ফংখি। হৌজিক লৈরিবা মেকানিজম অসিনা লানগী ৱাহন্থোক হোংদোকখ্রে।

লান অসি হৌজিক কংফাল, ঈশিং অমসুং নোংথক্তগী হেল্লে। মসিনা অনৌবা মায়কৈ লৈরে অমসুং তেক্নোলোজী অসিগীদমক্তা লৈবাক অমনা কয়া য়াম্না শেম শাদুনা লৈরবগে হায়বসিনা লৈবাক অদুগী মপাঙ্গল তাক্লে।

মীওইবা খুন্নাইগী শরুক তরুক থোকপগী অমগী লৈবাক ওইরিবা ঐখোয়না হৌজিক ক্বান্তম কম্প্যুতিংদা মিৎয়েং চঙবা লৈবাক খরগী মনুং চল্লবনি। ঐখোয়না 6G কম্মর্সিএলাইজ তৌনবা হোৎনরি। অদুনা, থিঙ্ক তেঙ্কনা ইন্দস্ত্রী অমসুং একাদমিক ইন্সতিত্যুসনগী অহেনবা মশা লৈবগী মথৌ তারে। মালেমদা মমিং চৎপা ইন্সতিত্যুসন কয়া অমনা ভারতপু কারবারগী থিঙ্ক তেঙ্ক ওইহল্লিবনি। লৌশিং হায়বসি মতম কয়াদগী তুংদুনা লাক্লবনি।

অকায়বা পীহনবা তেক্নোলোজীগী হীরমদা ইন্সতিত্যুসনশিং অসিনা তাকপীফম থোক্লি। মসিনা লৈবাক চাউখৎপফা য়াম্না তেংবাংগনি। অদুবু। লাপ্না মহৈ পীবা হায়বসি অরুবা থৌওংনি। সাইবর ক্রাইম থোক্লিবা মীয়াম্না খঙদবগীনি।

সর্ভিস পীবগী মতাংদা ভারতনা খুঙ্গংগী থাক্তা অচৌবা থৌওং পাংথোক্লিবা অসিদা মালেম্না ঙক্নরবনি। অশাংবা ক্যু লেপ্নদ্রে, তেক্নোলোজীশিং অসিনা হীরম খুদিংমক লোয়না লাইথোকহল্লে। মসিনা হায়বদি তেক্নোলোজী হায়বসি অচম্বা মীয়ামগী পাসৱার্দ ওইরে হায়বনি।

চহি চা কয়াগী মমাংদা ভারতনা পাৱর হাউস ওইরম্লিবা অসি নলান্দা, তকশিলানা খুদম ওইরি।

বেঙ্কিং ইন্সতিত্যুসনশিংনা অদোমগী দেতা মীঙোন্দা পীথোক্কনি হায়না হঞ্জিন হঞ্জিন্না লাওরি। অদুবু তল্লি হায়বা ঙমদবা মিত্রং কয়ানা খুঙ্গংগী মীয়াম্বু ফারি। লোন ফংলগনি, অদোমগী দেতা পীরকউ হায়বদা অদুমক পীনরি। অদুনা মসিনা মীয়াম্বু শোন্থহল্লি। মসিগুম্বা থিঙ্ক তেঙ্কনা মীয়াম্বু শিংহনগনি। মসিগুম্বা থবকশিং অসিগীদমক্তা ঐখোয়না দিস্ত্রিক্ত মেজিস্ত্রেতকী ওফিসকী তেংবাং লৌগদবনি হায়না ইন্দিয়ন ইন্সতিত্যুত ওফ পব্লিক এদমিনিস্ত্রেসন্দা ঐহাক্না ৱারোল থম্বগী খুদোংচাবা ফংজখি।

দিস্ত্রিক্ত মেজিস্ত্রেত হায়বসি ময়োলনি অমসুং জিলানা মসিবু ইকায় খুম্নরিবনি। হৌজিক ঐখোয়না মসিগুম্বা ইস্তাব্লিশমেন্তকী মথৌ য়াম্না তারবনি। মোবাইল থোক্লকপা খুদিংদা মশক মান্নরবশু মখোয়গী সেক্যুরিতী হেনগৎলগা লাকই। সর্ভিস সেক্তরগুম্বা দেতা য়াম্না লৈবা মফমশিংগী দেতা অসি নীংথিনা ঙাক শেন্দুনা থম্নৈ। অদুবু, মালেম পুম্বগী দিফেন্সকী মফমশিংদা মতম নাইদনা সাইবর এতেক্ত থোকপগী পাও ঐখোয়না তাদুনা লৈরি। ঐখোয়সগু মসিগীদমক্তা শেম শাদুনা লৈগদবনি। লৈবাক মনুংদা লৈরিবা মালেমদা মমিং চৎপা ইন্সতিত্যুসনশিংনা মসিগীদমক্তা অমত্তা ওইবা তাবনি। ঐখোয়গী ইন্সতিত্যুসনশিং ইন্নোভেতিব ওইবা তাবনি।

মখোয়না রিসর্চ অমসুং দিভেলপমেন্ততা তেংবাংনদুনা কনা অমত্তনা অকায়বা পীবা ঙম্লোইদবা সীস্তেম শেমগৎপা তাবনি। ঐখোয়না মসিদা মালেমগী মকোক থোংবা য়াই। তেক্নোলোজীগী হীরমদা ঐখোয় য়াম্না শোত্থরম্মি। নোংচুপ লৈবাক্তা লৈরিবা তেক্নোলোজীশিংনা ঐখোয়গী লৈবাক্তা য়ৌরকপদা দিকেদ চঙলম্লিবনি। অদুবু, হায়রিবশিং অসি ঐখোয়গী লৈবাক্তগী থোক্লক্কনি হায়বসি ঐখোয়না খল্লুবা নত্তে।

মসিদি ইন্তেলেকচুএল প্রোপর্তীনি, মখোয়গী লম্নি, অদুনা ঐখোয়না খুদোংচাবা লৌবা তাবনি হায়না ঐখোয়না খল্লম্মি। ঐখোয়না মখোয়গী মতুং কয়া য়াম্না কুইনা ইনখিদোইনো? ইল্লরোই। ঐখোয়না পুম্নমক্তগী মাঙজিল থাবা হীরম কয়া অমা লৈরে। ঐখোয়গী লৈবাক্না চাউখৎলিবা অসিদি থিংবা ঙমদ্রবা অচৌবা ইচেলগুম্বনি।

ঐখোয়না নিংতম্বগী চহি চাম্মা মপুং ফাবগী নুংঙাইবা ফোংদোকপা চহি, ইং 2047দা ভারত অসি চাউখৎপা লৈবাক ওইহনগনি হায়না লেপখ্রবনি। লমজেল অসি ঐখোয়না হৌজিক চেল্লিবনি। মীপুম খুদিংনা তেংবাংসি। অদুবু, মসিগুম্বা ক্রাইমগী মতাংদা শেম শাদ্রবদি অপনবা শোইদনা লাক্কনি। অদুনা সাইবর সেক্যুরিতী অসি য়াম্না মরু ওইরি।

মছিন লর্নিং হায়রিবা অসি কান্নবা য়াম্না পীগদবা মেকানিজম অমনি। লৈবাক্কী মিংচৎ থীহন্নবা, চাউখৎপদা অকায়বা পীনবা ৱারোল কয়া শন্দোকপা ঐখোয়না থেংনরি। মখোয়সি লৈবাক মনুং অমসুং মপান্দগী হৌরকপনি। অদুনা ঐখোয়না কৈদৌবা তাই, শেম শাদুনা লৈবা তাবনি। মছিন লর্নিংনা মসিগা মাইয়োক্নবা ঙমগনি।

মসিগা শেন্মিৎলোন চাউখৎপগা মরী লৈনৈ। লৈবাক অমগী শেন্মিৎলোন চাউখৎলকপা মতমদা মদুগী গনতন্ত্রীগী পথাপ অমসুং স্ত্রেতজিক দিফেন্সনা শেম শাদুনা লৈবা ঙম্মি। ঐখোয়না পাঙ্গল লৈরবা অমসুং শান্তি লৈবা মতমদা মসি ওইথোকই। শান্তি অসি পাঙ্গলদগী লাকই। ঐখোয়গী লৈবাক অসি মালেম্না ইকায়খুম্নরি, মসি মমাংদা ওইরম্বা নত্তে। মসি মখা তানা চত্থখিগনি।

ঐখোয়না কোবিদকী মতমদা অতোপ্পা লৈবাক কয়াবু শেন্নখি, লমজিংখি। মতমদুদা, মীওই বিলিয়ন 1.3 লৈরিবা ঐখোয়গী লৈবাকশু কোবিদকা মাইয়োক্নরিবনি। অদুবু, ঐখোয়না লৈবাক 100তা কোভেক্সিন-মাইত্রীনা তেংবাংখি, মালেমগী লুচিংবা কয়ানা থাগৎনখি। ঐহাক্না মীরম লৈবাক্কী খঙচৎ চৎপা মতমদা থাগৎ ৱাহৈ কয়া তাবা ফংখি।

ভারতকী দিজিতেল প্রোগ্রামগী থৌওংশিংবু ৱর্ল্দ বেঙ্কনা শকখঙখিবা অসিনা মালেমদা ঐখোয়গী শক্তাক মমি শেংহনখিবনি। থৌওং অসিমক মালেমগী রোল মোদেল ওইনা শিজিন্নফম থোকই হায়না মখোয়নাফোংদোকখ্রবনি। হৌজিক্তি ঐখোয়না লৈবাক কয়াবু মখুৎ পায়দুনা শেন্নবা ঙম্লে। ভারত সরকারনা মসিবু য়াম্না মরু ওই হায়না শকখঙলি।

তেক্নোলোজীগী শিংনবশিং মাইয়োক্নদুনা মখোয়গী কান্নবা ওইনা লৌবা অমসুং লৈবাক চাউখৎপদা শিজিন্নবা হায়বসিদা ঐখোয়না মিৎয়েং চঙলি হায়নাঐহাক্না থমখ্রে। সাইবর সেক্যুরিতীদা মিৎয়েং চঙলে অমসুং কাঙলুপ শেমদুনা অমসুং কাঙলোন শেমদুনা মসিগা মাইয়োক্নবা ঙম্নবা সরকারনা খোঙথাং কয়া পায়খৎখ্রে।

ঐখোয়গী দিজিতেল দিফেন্স মপাঙ্গল লৈহন্নবা সরকারনা খোঙথাং কয়া পায়খৎখ্রে। নেস্নেল সাইবর সেক্যুরিতী পোলিসী, ইন্দিয়ন কম্প্যুতর ইমর্জেন্সী রেস্পোন্স তীম, ইনফোর্মেসন তেক্নোলোজী এক্ত 2000দা অহোংবা পুরকপা, নেস্নেল ক্রিতিকেল ইনফোর্মেসন ইনফ্রাস্ত্রকচর প্রোতেক্সন সেন্তর, দিজিতেল পর্স্নেল দেতা প্রোতেক্সন এক্ত 2023 অমসুং পব্লিক-প্রাইভেত পার্ত্নরশিপ খুমাং চাউশিলহনবা হায়বসি পনবা য়াবা খোঙথাংশিংনি।

দিজিতেল পর্স্নেল দেতা প্রোতেক্সন এক্ত 2023 অসিনা মীওই কয়াগী পুন্সিদা অওনবা পুরক্লি। খুঙ্গংগী মীয়াম্না ইশাগী দেতা ঙাক শেনবগী করি মথৌনো খন্নরি। মশাগী দেতা, বেঙ্ক কার্দ, একাউন্ত অমসুং পাসৱার্দ অসি মশা খক্তনা খঙগদবনি হায়বসি মখোয়দা খঙহনফম থোকই। থিঙ্ক তেঙ্ক অসিগী কোর গ্রুপকা রাজ্য সভাগী মেম্বরশিংগা ৱারী শান্নহন্নীংই। মসিনা মখোয়দা অনৌবা লৌশিং পীগনি।

মরমদি, রাজ্য অমসুং লোক সভাদা করিগুম্বা অমা হায়বা মতমদা লৈবাক পুম্নমক্না তারিবনি। অদোম্না তঙাই ফদবা লৈরে হায়না তাকপা হীরমশিংদা ঐখোয়না থবক তৌরিবনি। অদুনা সাইবর সেক্যুরিতী লীদর্শিপকী চৎনবী লৈহনবা তাবনি, অদুগা হায়রিবা সাইবর এতেক্তশিং অসিগা মাইয়োক্নবা ঙম্নবা মতিকশিং লীদরশিং অসিদা লৈহনবা তাবনি। সাইবর এতেক্ত কয়ানা মীওই কয়াগী শেল লৌথোকপীবা, মদুনা মরম ওইরগা মশাগী পুন্সি অমসুং ইমুংদা অৱাবা নংহনবগী থৌদোক য়াম্না থোকখ্রে। মতাং অসিদা মখোয়না করিশু তৌবা ঙমদনা তুমিন্না লৈবশু য়াওরিবনি। অদুনা, মখোয়গী মফমদা লিগেল এদ পীবগী মথৌ তারকই। মীয়াম্না মাঙ থানা থোকপীরকউ, মদুদগী মসিগুম্বা ক্রাইমগী মতাংদা লৈবাক্না মাইয়োক্নগে হায়না লেপ্পগী ইথিল লাক্কনি।

মরুপশিং, থৌওং অসিনা স্ত্রেতজিক অমসুং তেক্নিকেল দোমেন্দা হ্যুমেন রিসোর্সক ইম্পাৱর্মেন্ত তৌবগী মথৌ তারে হায়না তাক্লি। ঐহাক্না আই.আই.তি., আই.আই.এম., সাইন্স ইন্সতিত্যুসন অমসুং লৈবাক্কী মরু ওইবা ইন্সতিত্যুসন কয়াদা চৎলুরে। মখোয়গী ৱাখল্লোন অসি তোঙানবা ওইবনা মখোয়গা ৱারী শাবগী থৌওং তোঙানগনি। নিতি আয়োগকুম্বা সর্কারগী থিঙ্ক তেঙ্কশিংগা মরী লৈনদুনা, হায়রিবা মফমশিং অসিগী মহৈরোইশিংবু ইন্নোভেতিব ওইহন্নবা অদোম্না কোর্স শেম্বা তাবনি। অদুবু, হৌজিক ঐখোয়না থেংনরিবা শিংনবা অসিদি ই-পাউ ফাওনবা ৱাৎপগীনি। মহৈরোইশিং অসি পরিক্ষা মায় পাকপগীদমক্তা খন্দুনা লৈরে। হীরম অসিদা লৈরিবা খুদোংচাবশিং মখোয়না খঙদবনা মরম ওইরগা মখোয়না হৌজিক্কী ফিভম অসিদা লৈরিবনি।

ঐহাক্না পাৱর সেক্তরগী মতাংদা খল্লম্বনি। গ্রীন হাইদ্রোজেন মিসন খঙইকো? ভারত সরকারনা মসিগীদমক্তা লুপা করোর লাক্ষ 18,000 কাইথখ্রে। ইং 2030 ফাওবদা থবক লাক্ষ 8 অমসুং লুপা লাক্ষ লিশিং 18গী ইনেভেস্তমেন্ত লৈরগনি। স্পেসকী মতাংদা খল্লুবদশু ঐহাক ঙকই। ঐনা আই.এস.আর.ও.দা অহুম্লক চৎলুরে, মখোয়গী ফেকলতীশিংগা ৱারী শারক্লে। ঐখোয়না থাক ৱাংনা খনবা ইন্সতিত্যুসন্দগী লাকপা মীওই অমত্তা য়াওদে। ঐখোয়গী অঙাংসিংনা আই.আই.তি., আই.আই.এম.গীদমক্তা শেম শানরি। মসিগী ৱাংমদশু ঐখোয়না য়েংবা তাবনি।

লৌশিং অসি ফাজিন্দুনা থমগদবা নত্তে। ফোংদোক্কদবনি। অদোমগী মতৌ খঙলবদি, মসি পাংথোকপা ঙমগনি। অদোমগী মিৎয়েংগী মখা পোল্লি। ভারতকী সমুদ্র তোর্বানশিংদা য়েংসি। ব্লু ইকোনোমীনি। মসিগী কান্নবা লৌবা য়াইনা। য়োগগী মতাংদা মালেমগী থাক্তা লৌবা য়াবা খুদোংচাবা য়াম্না লৈ। মসি লৌফম থোক্লিবনি।

মরুপশিং, নুপীগী পাঙ্গল হাপ্পা হায়বসি করিনো হায়না ভারতনা ঙসি তাক্লি। মসি করিনো? ঐখোয়না গনতন্ত্র দিবস নুমিত্তা উখ্রে।

ঐনা হায়বদি, ভারত অসি খুদোংচাবা অমসুং ইনভেস্তমেন্তকী লমদম্নি। গ্রোথ ত্রাজেক্তরী নৈনদনা ঐখোয়না পোলিতিকেল দিভেলপমেন্তকী ৱারী শাবা য়াদে। লৈবাক নত্ত্রগা পোলিতিকেল পার্তীনা মসিগী খুদোংচাবা লৌবা য়াগনি। অদুগা তংদু লৈতাবা সরকার অমা লৈরবা মতুংদা, হায়রিবা শাহৌশিং ঐখোয়না লৌবা ঙমগনি।

ঐখোয়গী পার্লিয়ামেন্ততা লৈরিবা মীওইশিংগী য়াম্লবা তেলেন্ত, রাজ্য সরকারনশিংনা খোঙফম চেৎলিবা, চাউখৎপা পাম্লিবা অমসুং সরকার অমদি প্রধান মন্ত্রীগী মিৎয়েং শানবা লুচিং পুরেল অসিনা মথংগী চহি মঙা অসিদা চহি চা অসিদি ভারতকীনি হায়না শোইদনা তাক্কনি হায়বগী ঐঙোন্দা য়েৎনীংঙাই লৈতে। তেরোরিজম্না ঐখোয়বু য়াম্না ৱাহনখ্রে, অদুবু ঐখোয়না মতিক চানা পাউখুম পীখ্রে।

ঐখোয়গী এজেন্সীশিংনা কন্না হোৎনরি। মহৈদি মীয়াম্না উরবনি। সংবিধানগী তেম্পরেরী আর্তিকল 370 হৌজিক লৈত্রে। সাইবর সেক্যুরিতী হায়বসি তেরোরিজমগী ওইনশু য়াম্না মরু ওই।

ইহৌ কয়া মতম শাংনা চত্থবা, মালেমগী মফম কয়াদগী লৈবাক কাইহন্নবা হোৎনরকপা ঐখোয়না উরে। অদুনা ঐখোয় চেকশিনবা তাবনি, মরু ওইনা, সাইবর সেক্যুরিতীদা অহেনবা মিৎয়েং চঙবা তাবনি। অদোমগী পুন্সি মাঙহনবা ঙম্বসি মসিশু অমা ওইরিবনি অদুনা ঐখোয়না 100% মিৎয়েং চঙবা তাবনি।

মরুপশিং, ঐখোয়না বিশ্ববন্ধু ওইবগী পান্দম থম্লি, অদুগা করিগীশু থম্লোই? ঐখোয় অসি চহি চা কয়াগী মমাংদা বিশ্বগুরু ওইরম্লিবনি। বাসুদেব কুতুম্বাকমগী চাউখৎ ৱাখলোন্দা ঐখোয়না থাজবা থম্লি। মসিনা ঐখোয়গী জি-20গী থীমশু ওইখিবনি।

প্রধান মন্ত্রীনা খোঙফম চেৎলিবা ভারত প্রোজেক্ত, “শান্তি অসি তানগদবনি, লান তৌদুনা লৌগদবা নত্তে, দাইলোগ অমসুং দিপ্লোমেসীনা পুরক্কদবনি”, অসিনা তেক্নিকেল অমসুং সাইবর স্পেসকা মরী লৈনবা পোলিসীগী হীরম কয়াদা মালেম তেংবাংনবগী খোল্লাও ওইরিবনি। মসি ঐখোয়না তুংলমচৎ খঙনা চৎপা তাবনি, নত্ত্রগা ঐখোয়গী খুত্তগী ৱাংমা লানখিগনি।

ঐহাক্না মমাংগী থাদা বাউলিয়ানৱালা পোস্ততা চৎখি। নুমিৎ য়ুংবা মতমদা চৎপনি। মতম অসিদা চৎপগী মরম অমা লৈ। মসিগুম্বা মতমদা ঐহাক চৎলি খঙনবা চৎপনি। ফিভম চাদবা মতমদুদা মীপুম খুদিংমক চেকশিন্না অমসুং মীকুপ নাহুম শিংনা লৈরমখি। শম্বল নীংথিনা খারি, উৎ কয়া চত্থোক চৎশিন তৌনরম্মি। অতোপ্পা নাকলদা কনামত্তা লৈরমদে। কনা লৈত্রবশু কায়দে, ঐখোয়না লান্থোক্তুনা চৎলুগদবা নত্তে। অদুবু মখোয়দি লাকপা য়াই, অদুনা ঐখোয়না 24x7 মীকুপ নাহুম শিংনা লৈবা তাবনি। ঐ পুং অমা লৈরম্লগা লাক্লে। মদুগী খুদোংচাবা মখয়না লৌবা য়াইনা। মীকুপ নাহুম শিংবগী মতৌ অসি সাইবর ক্রাইমগী মতাংদশু চপ মান্ননা লৈগদবনি। নত্রবদি, চেকশিন্দবা মিৎকুপ্তা লান্দারক্কনি।

ভারতনা ইং 2047 ফাওবদা চাউখৎপা লৈবাক ওইবা পাম্লি। অদোম খুদিংমক মরু ওইবা স্তেকহোলদর ঙাক্তনি, মরমদি, সাইবর সেক্যুরিতীবু ঐখোয়না লায়না লৌবা য়াদে। সেক্যুর দিজিতেল ইনভাইরনমেন্ত লৈবনা ইন্নোভেসন লৈহনগনি, ইনভেস্তমেন্তকী পুক্নিং চীংশিনগনি অমসুং শেন্মিৎলোনগী থবক থৌরমশিংদা মওং নাইনা চাউখৎহনগনি।

হৈ-শিংলবা অদোম্না কনফরেস্ন অসিদা মপুং ফানা নৈনগদৌরিবা ৱারোলশিংনা লৈবাক্কী চাউখৎ থৌরাংদা তেংবাংগদবা ৱারোইশিন পুরক্কনি হায়না ঐহাক্না থাজৈ। থৌওং অসি লেপ্তনা চত্থবা থৌওং ওইহনগদবনি। অদোম্না ইশাগী ফম্বাক খনবা য়াগনি।

পার্লিয়ামেন্ততা লৈবা মীহুৎশিংনা পাংথোকফম থোকপা থৌওং লৈরগদি, ঐহাকপু মদুগী শরুক ওইহনবীয়ু। ঐখোয়না মসিগুম্বা ভর্চুএলগী য়ুগ অসিগী মাঙজিলদা লেপ্লিবা অসিনা মরম ওইরগা, ঐখোয় অসি মরিশুবা ইন্দস্ত্রীএল রিভোলুসনগী মনুং চল্লবনি।

অওনবা অসি ময়েক য়াম্না শেংলবনি। ভারতপু দিজিতেল সুপরপাৱর ওইহনবখক নত্তনা সাইবর সেক্যুর ওইবা লৈবাক অমশু ওইহন্নবা ঐখোয়না খোঙফম চেৎলসি। সেক্যুর ওইবা দিজিতেল ফ্যুচরগী মায়কৈদা চঙলিবা খোঙচৎ অসি ঐখোয় পুন্না চৎমিন্নগদবনি।

ইন্নোভেতিব, ইনক্লুসিব অমসুং খ্বাইদগী হেনবা থৌওং ওইরিবা, সেক্যুর ওইবা দিজিতেল ইন্দিয়া অমা ঐখোয় পুন্না শেম্মিন্নরসি। মসিগুম্বা মরু ওইবা হীরমশিংগী মতাংদা খন্ন-নৈনবা অমসুং ৱারোইশিন পুরকপা ঙমহন্নবগীদমক্তা অহুমশুবা জি.সি.তি.সি. সাইবর সেক্যুরিতী কনফরেন্স অসিবু শিন লাঙলিবশিংবু ঐহাক্না থাগৎচরি। খুদোংচাবা অসি লৌদুনা, সেক্যুর ওইবা দিজিতেল ফ্যুচর শেম্নবা ঐখোয়না ৱাখল্লোন লান্নসি, খাইদগী ফবা থৌওংশিং তাক্নসি অমসুং ঐখোয়গী অপুনবা ৱারেপকী মপাঙ্গল হাপ্লসি।

পুম্নমকপু থাগৎচরি।

***