نیشنل انڈسٹریل کوریڈور ڈیولپمنٹ کارپوریشن لمیٹڈ(این آئی سی ڈی سی)لاجسٹک ڈیٹا سروسز لمیٹڈ (این ایل ڈی ایس)اور گجرات انفراسٹرکچر ڈیولپمنٹ بورڈ (جی آئی ڈی بی)نے یونیفائیڈ لاجسٹکس انٹرفیس پلیٹ فارم (یو ایل آئی پی) کا فائدہ اٹھاتے ہوئے گجرات میں لاجسٹکس کے منظر نامے کو ڈیجیٹل بنانے کے لیے مفاہمت کی ایک یادداشت (ا یم او یو)پر دستخط کیے ہیں۔ مفاہمت نامے پر این آئی سی ڈی سی کے سی ای او اور ایم ڈی این ایل ڈی ایس کے چیئرمین جناب رجت کمار سینی اور جی آئی ڈی بی کے  سی ای اوجناب بنچا ندھی پانی نے دستخط کیے۔

اس تعاون سے لاجسٹک آپریشنز کو ہموار کرنے، ریاستی محکموں کے درمیان زیادہ سے زیادہ ہم آہنگی کو فروغ دینے اور ریئل ٹائم ڈیٹا بصیرت کے ذریعے فیصلہ سازی کے عمل کو بہتر بنانے کی توقع ہے۔

اس شراکت داری کا مرکزاین ایل ڈی ایس کے ذریعے گجرات یو ایل آئی پی ڈیش بورڈ کی ترقی ہے۔ہب  اسپوک ماڈل پر کام کرنے کے لیے ڈیزائن کیا گیا، ڈیش بورڈ بغیر کسی رکاوٹ کے مختلف ریاستی محکموں کے ساتھ مربوط ہو جائے گا، جس سے معلومات کے مسلسل بہاؤ کو یقینی بنایا جائے گا۔ یہ اہم لاجسٹک پیرامیٹرز جیسے کہ شپمنٹ ٹریکنگ، گاڑیوں کے استعمال، بنیادی ڈھانچے کی دستیابی اور ٹرانزٹ اوقات وغیرہ میں حقیقی وقت کی مرئیت فراہم کرے گا۔

یہ جامع ٹول حکومت اور نجی شعبوں کے شراکت داروں کو ریاست بھر میں لاجسٹک آپریشنز کی مؤثر نگرانی اور انتظام کرنے کے لیے بااختیار بنائے گا۔

یہ ایسوسی ایشن لاجسٹکس کے شعبے میں پیش رفت کو آگے بڑھانے کے لیے تکنیکی ترقی اور اختراع سے فائدہ اٹھانے کے لیے این ایل ڈی ایس کے عزم کی نشاندہی کرتی ہے۔ صنعت اور اندرونی تجارت کے فروغ کے محکمے(ڈی پی آئی آئی ٹی) کے سکریٹری جناب راجیش کمار سنگھ نے جی آئی ڈی بی اور این ایل ڈی ایس کو مبارکباد دیتے ہوئے کہا کہ یہ تعاون پی ایم گتی شکتی کے تحت ڈیجیٹل تبدیلی کے لیے حکومت ہند کے عزم میں ایک اہم سنگ میل ہے۔

یوایل آئی پی کے بارے میں:

یوایل آئی پی ایک ڈیجیٹل گیٹ وے ہے، جو صنعت کے کھلاڑیوں کو اے پی آئی پر مبنی انٹیگریشن کے ذریعے مختلف سرکاری نظاموں سے لاجسٹکس سے متعلقہ ڈیٹا سیٹس تک رسائی کی اجازت دیتا ہے۔ فی الحال پلیٹ فارم 118 اے پی آئیز کے ذریعے 10 وزارتوں کے 37  نظاموں کے ساتھ مربوط ہے، جس میں 1800 سے زیادہ ڈیٹا فیلڈز کا احاطہ کیا گیا ہے۔یو ایل آئی پی میں نجی شعبے کی شرکت نے اس کے اثرات کو بڑھانے میں اہم کردار ادا کیا ہے۔ یو ایل آئی پی پورٹل (www.goulip.in) پر 950 سے زیادہ کمپنیاں رجسٹرڈ ہیں۔ اس کے علاوہ ان کمپنیوں نے 90 سے زیادہ ایپلی کیشنز تیار کی ہیں، جس کی وجہ سے 42 کروڑ سے زیادہ اے پی آئی ٹرانزیکشنز ہوئے۔ پرائیویٹ پلیئرز کے علاوہ یو ایل آئی پی مختلف وزارتوں اور محکموں جیسے کوئلہ، فوڈ کارپوریشن آف انڈیا (ایف سی آئی)اور ریاستوں کو ترکیب شدہ ڈیٹا فراہم کرکے حکومتی فیصلہ سازی کی تاثیر کو بڑھا رہا ہے۔

****

ش ح۔ اک۔ن ع

U:8280