نائب صدر جمہوریہ ، جناب جگدیپ دھنکھڑ نے آج چھاؤنی کے علاقوں کے اندر ماحولیات کی دیکھ بھال اور نباتات کی نشو نما کرنے کی ضرورت پر زور دیا۔ انہوں نے کہا  کہ معاشرے کے وسیع تر فائدے کے لیے ڈیفنس اسٹیٹ اراضی پر جڑی بوٹیوں کے پودوں اور باغبانی کو منظم انداز میں فروغ دے کر یہ حاصل کیا جا سکتا ہے۔

آج نائب صدر کے انکلیو میں انڈین ڈیفنس اسٹیٹس سروس کے 2023 بیچ کے زیر تربیت افسران کے ساتھ بات چیت کرتے ہوئے، جناب دھنکھڑ نے کہا کہ چھاؤنی کے علاقوں کو صفائی، ہریالی اور شہری سہولیات میں دیگر اداروں (جیسے میونسپالٹیوں) کے لیے ایک مثال ہونا چاہیے۔

ابھرتے ہوئے تکنیکی اور جغرافیائی سیاسی منظر نامے کا حوالہ دیتے ہوئے، نائب صدر جمہوریہ  نے نوجوان افسروں کو مشورہ دیا کہ وہ تیزی سے بدلتے ہوئے منظر نامے کے مطابق اپنے آپ کو  ڈھالیں۔ افسروں سے ملک  کو ہمیشہ پہلے رکھنے کا مطالبہ کرتے  ہوئے  انہوں نے اس بات پر زور دیا کہ ’’دفاع کا بہترین طریقہ جنگ کے لیے ہمیشہ تیار رہنا ہے۔‘‘

دفاعی زمینوں کو ہماری سلامتی کے لیے انتہائی اہم قرار دیتے ہوئے، انہوں نے دفاعی اراضی کے انتظام میں درپیش بہت سے چیلنجز جیسے کہ تجاوزات اور اس کے بعد قانونی جھگڑے کا ذکر کیا۔ انہوں نے زیر تربیت افسران  کو مشورہ دیا کہ وہ زمین کے انتظام کے لیے ٹیکنالوجی کا بہترین استعمال کریں۔ یہ آپ کو کسی بھی دراندازی کی نگرانی کرنے اور پرعزم طریقے سے فوری تدارک کی کارروائی کرنے کے قابل بنائے گا۔ نائب صدر جمہوریہ  جو کہ   ایک مشہور وکیل ہیں، نے ایسے معاملات میں قانونی چارہ جوئی کے ڈھانچے کی ضرورت پربھی زور دیا۔

عارضی ملازمین  کو کبھی بھی شارٹ کٹ نہ لینے کی تلقین کرتے ہوئے، نائب صدر جمہوریہ  نے ان سے کہا کہ وہ اخلاقی طرز عمل کی مثال پیش کریں  اور دوسروں کے لیے رول ماڈل بنیں۔ انہوں نے افسروں سے کہا کہ ’’جب آپ کو کھینچا تانی اور دباؤ کا سامنا کرنا پڑے تب بھی ثابت قدم رہیں‘‘۔ انہوں نے افسران سے اپیل کرتے ہوئے  کہا کہ وہ سال 2047 تک ایک وکست بھارت کی تعمیر کے لیے کام کریں۔

اس بات کو نوٹ کرتے ہوئے کہ دفاعی املاک بہت زیادہ تاریخی اور ورثے کی اہمیت رکھتی ہیں، نائب صدر نے اس کی منصوبہ بندی اور ترقی میں طویل مدتی نقطہ نظر پر زور دیا۔

ڈاکٹر سدیش دھنکھڑ، جناب گری دھر ارامانے، وزارت دفاع کے سکریٹری، جناب جی ایس راجیشورن، ڈائریکٹر جنرل، ڈیفنس اسٹیٹس، جناب راجیندر پوار، ڈائریکٹر، نیشنل انسٹی ٹیوٹ آف ڈیفنس اسٹیٹس مینجمنٹ،

زیر  تربیت افسران، انڈین ڈیفنس اسٹیٹس سروس کے سینئر افسران اور نائب صدر کے سکریٹریٹ نے شرکت کی۔

******

ش ح۔ا ک ۔ رب

U:8156