કેન્દ્રીય ગૃહમંત્રી અને સહકારિતા મંત્રી શ્રી અમિત શાહ શનિવાર, 6 જુલાઈ, 2024ના રોજ ગાંધીનગર, ગુજરાતમાં સહકારી મંડળીઓના 102મા આંતરરાષ્ટ્રીય દિવસ નિમિત્તે સહકાર સે સમૃદ્ધિ" સંમેલનને સંબોધન કરશે. સહકાર મંત્રાલય આ દિવસે આંતરરાષ્ટ્રીય સહકારી દિવસ 2024ની ઉજવણીની ઉજવણી નિમિત્તે 'સહકાર સે સમૃદ્ધિ' પરિષદનું આયોજન કરી રહ્યું છે.

આંતરરાષ્ટ્રીય સહકારી દિવસ એ વિશ્વભરમાં સહકારી ચળવળની વાર્ષિક ઉજવણી છે. આંતરરાષ્ટ્રીય સહકારી જોડાણ (આઇસીએ) દ્વારા 1923થી જુલાઈના પ્રથમ શનિવારે તેનું અવલોકન કરવામાં આવે છે. જોગાનુજોગ, આંતરરાષ્ટ્રીય સહકારી દિવસ 2024ની ઉજવણી 6 જુલાઈના રોજ કરવામાં આવશે, જે સહકાર મંત્રાલયનો ત્રીજો સ્થાપના દિવસ પણ છે. 102મા આંતરરાષ્ટ્રીય સહકારી દિવસની થીમ છે – "સહકારી મંડળીઓ તમામ માટે વધુ સારું ભવિષ્ય સર્જે."

'સહકાર સે સમૃદ્ધિ' સંમેલન દરમિયાન કેન્દ્રીય ગૃહમંત્રી અને સહકારિતા મંત્રી નાણાકીય વર્ષ 2024-25 માટે સરકારની એજીઆર-2 યોજના હેઠળ ખેડૂતો દ્વારા નેનો-ખાતરની ખરીદી પર 50 ટકા સહાય માટેની યોજનાનો શુભારંભ કરશે. આ સાથે શ્રી શાહ આ કાર્યક્રમમાં જ ત્રણ ખેડૂતોને તેના માટે ચૂકવણીની પણ શરૂઆત કરશે. શ્રી શાહ નેશનલ કો-ઓપરેટિવ ઓર્ગેનિક્સ લિમિટેડ (એનસીએલ) દ્વારા ઉત્પાદિત 'ભારત ઓર્ગેનિક આટા'ના શુભારંભનું પણ ઉદઘાટન કરશે.

શ્રી અમિત શાહ શનિવારે બનાસકાંઠામાં ચાંગડા દૂધ ઉત્પાદક સહકારી મંડળી લિમિટેડની પણ મુલાકાત લેશે. તેઓ માઇક્રો-એટીએમમાં રુપે કેસીસી મારફતે દૂધ ઉત્પાદકો દ્વારા કરવામાં આવેલા વ્યવહારોની સમીક્ષા પણ કરશે. આ સાથે કેન્દ્રીય સહકારિતા મંત્રી બનાસકાંઠામાં મહિલા સહકારી સભ્યોને શૂન્ય વ્યાજે રૂપે કેસીસીનું વિતરણ કરશે.

કેન્દ્રીય ગૃહમંત્રી અને સહકારિતા મંત્રી પંચમહાલ જિલ્લાની પણ મુલાકાત લેશે, જ્યાં તેઓ આંગડિયા આર્થકશમ સેવા સહકારી મંડળીની મુલાકાત લેશે અને આસપાસના સહકારી સભ્યો સાથે સંવાદ કરશે. તેઓ આશાપુર છરિયા દૂધ સહકારી મંડળીની મુલાકાત લેશે, જ્યાં તેઓ અન્ય બાબતોની સાથે ડેરીની કામગીરીની સમીક્ષા કરશે. જેમાં ગુજરાતની સામે સહકાર મંત્રાલયની વિવિધ મહત્ત્વપૂર્ણ પહેલો પર સમીક્ષા બેઠક યોજાશે.

પ્રધાનમંત્રી શ્રી નરેન્દ્ર મોદીના ગતિશીલ નેતૃત્વ હેઠળ અને કેન્દ્રીય ગૃહ મંત્રી અને સહકારિતા મંત્રી શ્રી અમિત શાહના સક્ષમ માર્ગદર્શન હેઠળ સહકાર મંત્રાલયે ખૂબ જ ટૂંકા ગાળામાં સહકારી ક્ષેત્રમાં 54થી વધુ પહેલો હાથ ધરી છે. સહકાર મંત્રાલય દ્વારા આંતરરાષ્ટ્રીય સહકારી દિવસ 2024ના રોજ આયોજિત આ પરિષદમાં દેશ તેમજ વિશ્વભરમાં એક મહત્વપૂર્ણ કાર્યક્રમની ઉજવણી કરવામાં આવશે. તે આંતરરાષ્ટ્રીય સહકારી દિવસ 2024ની થીમને મજબૂત કરવામાં પણ મદદરૂપ થશે, જેમાં કેન્દ્રીય ગૃહ મંત્રી અને સહકારિતા મંત્રી શ્રી અમિત શાહ "તમામ માટે ઉજ્જવળ ભવિષ્યનું નિર્માણ" કરવા સહકારી મંડળીઓ સાથે સંવાદ શરૂ કરશે. ગયા મહિને સંયુક્ત રાષ્ટ્ર મહાસભા દ્વારા વર્ષ 2025ને આંતરરાષ્ટ્રીય સહકારી વર્ષ (IYC2025) તરીકે જાહેર કરવામાં આવ્યું છે તે બાબતના સંદર્ભમાં આ પરિષદનું મહત્વ છે. પ્રધાનમંત્રી શ્રી નરેન્દ્ર મોદીએ આપેલા 'સહકાર થી સમૃદ્ધિ'ના વિઝનને સાકાર કરવાની દિશામાં આ એક પગલું છે.

AP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com