آئی آئی پی اے کے چیئرمین ڈاکٹر جتیندر سنگھ نے آج یہاں انڈین انسٹی ٹیوٹ آف پبلک ایڈمنسٹریشن (آئی آئی پی اے) کیمپس میں 50ویں (گولڈن) ایڈوانسڈ پروفیشنل پروگرام ان پبلک ایڈمنسٹریشن (اے پی پی اے) میں فوج، بحریہ، فضائیہ اور سول سروس کے سینئر سطح کے افسران کے ساتھ بات چیت کی۔

ایڈوانسڈ پروفیشنل پروگرام ان پبلک ایڈمنسٹریشن ( آئی آئی پی) ایک 10 ماہ کا طویل کورس ہے جسے محکمہ عملہ اور تربیت نے اسپانسر کیا ہے، جو ڈاکٹر جتیندر سنگھ کے ماتحت ہے۔ شرکاء میں تمام انڈین سروسز ، ڈیفنس سروسز ، مرکزی سروسز کے سینئر سطح کے افسران شامل تھے جو حکومت ہند میں ڈپٹی سکریٹری/ڈائریکٹر یا اس سے اوپر یا اس کے مساوی عہدے پر رہے ہیں ۔ پروگرام کی کامیاب تکمیل کے بعد شرکاء کو پنجاب یونیورسٹی کی جانب سے پبلک ایڈمنسٹریشن اینڈ پبلک پالیسی میں ماسٹرکی ڈگری  سے نوازا جائے گا۔ آئی پی اے 1975 سے اس کورس کا انعقاد کر رہا ہے۔

50ویں اے پی پی اے سے خطاب کرتے ہوئے، سائنس اور ٹیکنالوجی کے مرکزی وزیر مملکت (آزادانہ چارج)،  ارضیاتی سائنس کے وزیر مملکت (آزادانہ چارج)، پی ایم او، محکمہ جوہری توانائی اور محکمہ خلا کے وزیر مملکت  اور عملہ ، عوامی شکایات اور پنشن کے وزیر مملکت، ڈاکٹر جتیندر سنگھ نے گولڈن اے پی پی اے کا حصہ بننے پر خوشی کا اظہار ٰ کیا۔ انہوں نے کہا کہ حکومت میں خدمات انجام دینے والے افسران کو دیے جانے والے جدید کورسز انہیں مستقبل کے لیے وزیر اعظم مودی کے تصور کے مطابق تیار کرنے کے لیے اہم ہیں۔ سرکاری ملازمین کی صلاحیت سازی کے لیے حکومت کے عزم کو اجاگر کرتے ہوئے، وزیر موصوف نے کہا، ہم نے 'مشن کرم یوگی' شروع کیا ہے تاکہ عملے کو تبدیل کیا جا سکے اور ان کی کارکردگی اور قوم کی تعمیر میں شراکت کو اضافہ کیا جا سکے۔ انہوں نے کہا کہ اپنے فرائض کی انجام دہی کے دوران سیکھنے کو محدود نہیں کیا جانا چاہئے اور اسے سیکھنے کے منحنی خطوط کو جاری رکھنا چاہئے اور سیکھنے کی حوصلہ افزائی کرنی چاہئے۔ انہوں نے بتایا کہ ذاتی طور پر وہ خود بھی ہر روز کچھ نیا سیکھنے کی کوشش کرتے ہیں۔

اے پی اے پر بات کرتے ہوئے ۔ ڈاکٹر سنگھ نے کہا کہ یہ پروگرام مشن کرم یوگی فریم ورک کو مدنظر رکھتے ہوئے ڈیزائن کیا گیا ہے تاکہ افسران کو امرت کال میں 2047 کے چیلنجوں کا جواب دینے کے لیے درکار صلاحیتوں سے لیس کیا جا سکے۔ ان کے مطابق اس کا مقصد صحیح رویہ، ہنر اور علم فراہم کرنا اور انہیں شہریوں پر مرکوز گورننس  کا اپروچ فراہم کرنا ہے۔

شرکاء کے ساتھ عوامی خدمت اور گڈ گورننس کے بارے میں اپنے تجربے کا اشتراک کرتے ہوئے، ڈاکٹر جتیندر سنگھ نے کہا، "شہریوں کو بااختیار بنانے کے لیے وزیر اعظم نریندر مودی کی قیادت میں حکمرانی میں اصول پر مبنی سے کردار پر مبنی نقطہ نظر کی طرف تبدیلی پر زور دیا گیا ہے۔" انہوں نے شرکاء کو بات چیت اور باہمی مہارتوں کو فروغ دینے کی بھی رہنمائی کی۔ انہوں نے عسکریت پسندی اور دہشت گردی سے متاثرہ علاقوں میں اپنے تجربات شیئر کیے جہاں ڈسٹرکٹ مجسٹریٹ اور آرمی آفیسر دونوں نے مشترکہ تعاون کا استعمال کیا۔ ڈاکٹر سنگھ نے شکایات کے ازالے، اشاریوں کے فروغ کے ذریعہ گورننس کے حوالے سے حکومت کے نقطہ نظر پر بھی روشنی ڈالی تاکہ مستقبل کے مطلوبہ ترقیاتی ماڈل کے لیے رہنمائی کی جا سکے۔ انہوں نے یہ بھی بتایا کہ انتظامی اصلاحات کا محکمہ مستقبل میں تیزی سے بدلتے ہوئے منظر نامے کے لیے افسران کو تیار کرنے کے لیے صلاحیت سازی کمیشن کے ساتھ ایک ’وژن دستاویز‘ تیار کر رہا ہے۔ انہوں نے انہیں بدلتی ہوئی ٹیکنالوجی کے ساتھ ہم آہنگ ہونے اور مصنوعی ذہانت اور مشین لرننگ کو بروئے کار لانے کی بھی ہدایت کی۔ تاہم، انہوں نے بجا طور پر ذکر کیا کہ انسانی رابطے کی ہمیشہ ضرورت ہوتی ہے اور انہوں نے ہیومن ڈیسک کے قیام پر روشنی ڈالی تاکہ شکایات کے ازالے کے بعد نمٹائے جانے والے  معاملات کا فیڈ بیک لیا جا سکے تاکہ شہری کو سننے اور بہتری کی گنجائش فراہم کی جا سکے۔

گورننس میں ہندوستان کی مہارت کا اشتراک کرتے ہوئے وزیرموصوف  نے کہا، "سوامتو" پروگرام زمینی اصلاحات کے معاملے میں دیگر ممالک کے لیے ایک رول ماڈل کے طور پر کام کرتا ہے۔" انہوں نے یہ بھی یقین دلایا کہ نیشنل کوانٹم مشن مستقبل کے لیے گیم چینجر ثابت ہوگا۔ تقریب کے موقع پر ڈاکٹر جتیندر سنگھ نے شرکاء کی رائے اور تجاویز لی اور انہیں مستقبل میں متعارف کرانے کا یقین دلایا۔

جناب ایس این ترپاٹھی، ڈائرکٹر جنرل، آئی پی اے نے وزیر موصوف کی مسلسل رہنمائی اور فعال قیادت کے لیے ان کا شکریہ ادا کیا۔ انہوں نے کہا کہ وزیر موصوف نے بہت سی مثبت مداخلتوں کی حمایت کی ہے۔ ڈاکٹر نیلا موہنن، جوائنٹ سکریٹری (تربیت)، محکمہ پرسونل اینڈ ٹریننگ (ڈی او پی ٹی) نے بھی اس طرح کے تربیتی پروگراموں کو انجام دینے کے لیے محکمہ کی رہنمائی کا سہرا ڈاکٹر جتیندر سنگھ کو دیا۔

بات چیت کے دوران جناب امیتابھ رنجن، رجسٹرار آئی پی اے، پروفیسر نیتو جین اور ڈاکٹر ساکیت بہاری بھی موجود تھے۔ فوج ، بحریہ ، فضائیہ اور سول سروسز کے تقریباً 30 سینئر افسران اس پروگرام میں شرکت کر رہے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

8010