ইলেক্ত্রোনিক্স অমসুং আই.তি. মন্ত্রালয়
লৈবাক অসিদা AIবু থৌদাং লৈনা শেমগৎপা, দিপ্লোই অমসুং এদোপ্ত তৌবা হেনগৎহন্নবা ফিরেপ অমগা লোয়ননা গ্লোবেল ইন্দিয়া AI সম্মিৎ 2024 পাঙথোক্লি
গ্লোবেল পার্তনরশিপ ওন আর্তিফিসিএল ইন্তেলিজেন্স (GPAI)গী মকোক চীংবা চিয়র ওইনা ভারতনা মেম্বর ওইরিবা লৈবাকশিং অমসুং এক্সপর্তশিংবু ওক্কনি
Posted On:
01 JUL 2024 9:58AM by PIB Imphal
ভারত সরকারনা আর্তিফিসিএল ইন্তেলিজেন্স থৌদাং লৈনবা শেমগৎপা, দিপ্লোই অমসুং এদোপ্ত তৌনবা অচেৎপা ফিরেপ লৌরিবা অদু উৎলদুনা ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়না জুলাই 3 অমসুং 4, 2024দা নই দিল্লীদা ‘গ্লোবেল ইন্দিয়া AI সম্মিৎ’ পাঙথোক্লি। AI তেক্নোলোজীশিংগী ইথিকেল অমসুং ইনক্লুসিব গ্রোথকীদমক ভারতকী কত্থোকপবু পুক্নিং থৌগৎতুনা, কোল্লাবোরেসন অমসুং নোলেজ একচেঞ্জ হেনগৎহন্নবা পান্দম থম্লি।
গ্লোবেল ইন্দিয়া AI সম্মিৎ 2024
সম্মিৎ অসিনা সাইন্স, ইন্দস্ত্রী, সিবিল সোসাইতী, সরকারশিং, ইন্তর্নেস্নেল ওর্গনাইজেসনশিং অমসুং একাদেমিয়াগী লমদগী লাকপা ইন্তর্নেস্নেল AI এক্সপর্তশিংগীদমক মরুওইবা AI ইসুশিং অমসুং শীংনবশিংগী মতাংদা ইনসাইৎ শেয়র তৌনবগী প্লেৎফোর্ম অমা পীগনি। থৌরম অসিনা গ্লোবেল AI স্তেকহোল্দরশিংগী মরক্তা তেংবাং পীনবা অমসুং লৌশিং পীথোক-পীশিন তৌবদা পুক্নিং থৌগৎতুনা গ্লোবেল ইন্দিয়া AI সম্মিৎ 2024গী খুত্থাংদা, ভারতনা AI ইনোবেসনদা মালেমগী লুচিংবা অমা ওইনা মশাবু মশক তাক্নবা হোৎনরি। মসিনা AI গী কান্নবশিং অসি মীপুম খুদিংমক্তা ফংহনগনি অমসুং লৈবাক্কী সোসিও-ইকোনোমিক দিবেলপমেন্ততা মতেং পাংগনি।
গ্লোবেল পার্তনরশিপ ওন আর্তিফিসিএল ইন্তেলিজেন্স (GPAI)গী মকোক চীংলিবা চিয়র ওইনা ভারতনা শাফবা, সেক্যুর ওইবা অমসুং থাজবা য়াবা AIগীদমক GPAIগী ফিরেপ হেনগৎহননবা মেম্বর ওইরিবা লৈবাকশিং অমসুং এক্সপর্তশিংবু ওক্কনি।
ইন্দিয়াAI মিসনগী মতাংদা
ইন্দিয়াAI মিসনগী পান্দমদি কম্প্যুতিং এক্সেস দেমোক্রেতাইজ তৌদুনা, দেতা ক্বালিতী হেনগৎহন্দুনা, ইন্দিজিনস AI কেপাবিলিতীশিং দিবেলপ তৌদুনা,তোপ AI তেলেন্তশিং লিংখৎতুনা, ইন্দস্ত্রী কোল্লাবোরেসন ওইহন্দুনা, স্তার্তঅপ রিস্ক কেপিতেল ফংহন্দুনা, সোসিএল ইম্পেক্ত ওইবা AI প্রোজেক্তশিং ফংহন্দুনা, অমসুং ইথিক AIপ্রমোৎ তৌদুনা AI.ইনোবেসনবু খুমাং চাউশিলহন্নবা মপুং ওইবা ইকোসিস্তেম অমা শেমগৎপনি। মিসন অসিনা গ্লোবেল ইন্দিয়া AI সম্মিৎকী মরুওইবা মীৎয়েং ওইগদবা মখাদা পীরিবা য়ুম্বী তরেৎ অসিগী খুত্থাংদা ভারতকী AI ইকোসিস্তেমগী থৌদাং লৌবা অমসুং ইনক্লুসিব গ্রোথ অমা পুথোক্লি।
ইন্দিয়াAI মিসনগী মরু ওইবা য়ুম্বীশিং
- ইন্দিয়াAI কম্প্যুত কেপাসিতী: পব্লিক-প্রাইভেৎ পার্তনরশিপকী খুত্থাংদা GPU. 10,000 হেনবা লৈবা স্কেল তৌবা য়াবা AI কম্প্যুতিং ইকোসিস্তেম অমা শেমগৎপা। AI মার্কেৎপ্লেস অমনা AI অসি সর্ভিস অমা ওইনা অমসুং প্রি-ত্রেন তৌরবা মোদেলশিং পীগনি, মসি মরুওইবা AI রিসোর্সশিংগী সেন্ত্রেল হব অমা ওইনা মথৌ তৌগনি।
- ইন্দিয়াAI ইনোবেসন সেন্তর: ইন্দিজেনিক ওইবা লার্জ মল্তিমোদেল মোদেলশিং (LMM) অমসুং দোমেন-স্পিসিফিক ওইবা ফাউন্দেস্নেল মোদেলশিং শেমগৎপা অমসুং শীজিন্নবদা মীৎয়েং থম্লি। মোদেলশিং অসিনা ভারতকী তোঙান তোঙানবা ইন্দস্ত্রীশিং অমসুং সেক্তরশিংগী অখন্নবা মথৌ তাবশিং ফংহল্লগনি।
- ইন্দিয়াAI দেতাসেৎস প্লেৎফোর্ম: ইনোভেসনগীদমক অৱাংবা থাক্কী নন-পর্সোনেল দেতা সেৎশিং ফংহনবদা মতেং পাংবা। য়ুনিফাইদ দেতা প্লেৎফোর্ম অমনা ভারতকী স্তার্ত-অপশিং অমসুং রিসর্চ তৌবশিংদা মওং চুম্না এক্সেস ফংহল্লগনি। মসিনা মপাঙ্গল লৈবা AI মোদেলশিং শেমগৎপদা মতেং পাংগনি।
- ইন্দিয়াAI এপ্লিকেসন দিবেলপমেন্ত ইনিসিএতিব: সেন্ত্রেল মিনিস্ত্রীশিং, স্তেত দিপার্তমেন্তশিং অমসুং অতোপ্পা ইন্সতিত্যুসনশিংগী প্রোব্লেম স্তেতমেন্তশিং থেংনদুনা মরুওইবা সেক্তরশিংদা AI এপ্লিকেসনশিং প্রমোৎ তৌবা। ইনিসিএতিব অসিনা অচৌবা সোসিও-ইকোনোমিক ত্রান্সফোর্মেসনগীদমক ইম্পেক্ত তৌবা AI সোলুসনশিং শেমগৎপদা মীৎয়েং থম্লি।
- ইন্দিয়াAI ফ্যুচর স্কিল্স: তোঙান তোঙানবা একাদেমিক লেবেলশিংদা AI কোর্সশিং হেনগৎহন্দুনা অমসুং তায়র 2 অমসুং 3গী শহরশিংদা দেতা অমসুং AI লেবশিং লিংখৎতুনা AI এজুকেসনদা লৈরিবা অথিংবশিং হন্থহনবা। মসিনা লৈবাক শীনবা থুংনা হৈথোই-শিংথোইরবা AI প্রোফেস্নেলশিংগী লেপ্তনা পাইপলাইন অমা লৈহনগনি।
- ইন্দিয়াAI স্তার্তঅপ ফাইনান্সিং: শেন থাদোকপদা লায়থোকহন্দুনা দিপ-তেক AI স্তার্ত-অপশিং মতেং পাংবা। রিস্ক কেপিতেল অমসুং ফাইনান্সিএল সপোর্ত পীদুনা, মিসন অসিনা তেক্নোলোজিকেল এদভান্স অমসুং ইকোনোমিক গ্রোথ পুথোক্লিবা AI স্তার্তঅপশিংগী ভাইব্রেন্ত ইকোসিস্তেম অমা শেমগৎনবা পান্দম থম্লি।
- শাফবা অমসুং থাজবা য়াবা AI: রেস্পোন্সিবল AI প্রোজেক্তশিং পায়খৎতুনা, লমদমসিগী ওইবা খুৎলাইশিং অমসুং ফ্রেমৱার্কশিং শেমগৎতুনা অমসুং এথিক, ত্রান্সপরেন্ত অমসুং থাজবা য়াবা AI তেক্নোলোজীশিংগীদমক গাইদলাইনশিং লিংখৎতুনা রেস্পোন্সিবল AI দিবেলপমেন্ত ফংহনবা।
*****
(Release ID: 2030015)
Visitor Counter : 32