ന്യൂ ഡൽഹി : ജൂലൈ 01, 2024

ഇലക്ട്രോണിക്സ് - വിവരസാങ്കേതിക മന്ത്രാലയം 2024 ജൂലൈ 3, 4 തീയതികളിൽ ന്യൂഡൽഹിയിൽ ‘ആഗോള ഇന്ത്യ എഐ ഉച്ചകോടി’ സംഘടിപ്പിക്കുന്നു. എ ഐ  സാങ്കേതികവിദ്യകളുടെ ധാർമികവും   സമഗ്രവുമായ വളർച്ചയ്ക്കുള്ള ഇന്ത്യയുടെ പ്രതിബദ്ധതക്ക് ഊന്നൽ നൽകി, സഹകരണവും വിജ്ഞാന വിനിമയവും പ്രോത്സാഹിപ്പിക്കാനാണ് ഉച്ചകോടി ലക്ഷ്യമിടുന്നത്.

ശാസ്ത്രം, വ്യവസായം, പൗരസമൂഹം, ഗവൺമെൻ്റുകൾ, അന്താരാഷ്ട്ര സംഘടനകൾ, അക്കാദമികൾ എന്നിവയിൽ നിന്നുള്ള പ്രമുഖ അന്തർദേശീയ എഐ വിദഗ്ധർക്ക് ഈ മേഖലയിലെ പ്രധാന പ്രശ്നങ്ങളെയും വെല്ലുവിളികളെയും കുറിച്ചുള്ള ഉൾക്കാഴ്ചകൾ പങ്കിടുന്നതിന് ഉച്ചകോടി ഒരു വേദി നൽകും. ആഗോള എഐ പങ്കാളികൾക്കിടയിൽ സഹകരണവും വിജ്ഞാന വിനിമയവും പ്രോത്സാഹിപ്പിക്കുന്നതിനും, എഐ- യുടെ പുരോഗതിക്കും വേണ്ടിയുള്ള ഇന്ത്യൻ ഗവണ്മെന്റിന്റെ  പ്രതിബദ്ധതക്ക്  പരിപാടി അടിവരയിടുന്നു.

ഈ ഉച്ചകോടിയിലൂടെ എഐ നവീകരണത്തിൽ ഒരു ആഗോള നേതാവായി സ്വയം സ്ഥാപിക്കാൻ ഇന്ത്യ ആഗ്രഹിക്കുന്നു. കൂടാതെ,  എഐ ആനുകൂല്യങ്ങൾ എല്ലാവർക്കും ലഭ്യമാക്കുന്നതും,  രാജ്യത്തിൻ്റെ സാമൂഹിക-സാമ്പത്തിക വികസനത്തിന് സംഭാവന നൽകുന്നതും ഇന്ത്യ ഉറപ്പാക്കുന്നു.

ഉച്ചകോടിയെ  അഭിസംബോധന ചെയ്യുന്നവരുടെ  പട്ടിക https://indiaai.gov.in/globalindiaaisummit/people, ഉച്ചകോടിയുടെ അജണ്ട എന്നിവ കാണാൻ ഈ ലിങ്കുകളിൽ ക്ലിക്ക് ചെയ്യുക. https://indiaai.gov.in/globalindiaaisummit/agenda.pdf

ഗ്ലോബൽ പാർട്ണർഷിപ്പ് ഓൺ ആർട്ടിഫിഷ്യൽ ഇൻ്റലിജൻസിൻ്റെ (ജിപിഎഐ) മുഖ്യ അധ്യക്ഷ പദവി വഹിക്കുന്ന  രാജ്യം എന്ന  നിലയിൽ, സുരക്ഷിതവും വിശ്വസനീയവുമായ എഐ എന്നതിലേക്കുള്ള ജിപിഎഐയുടെ പ്രതിബദ്ധത മുന്നോട്ട് കൊണ്ടുപോകാൻ അംഗരാജ്യങ്ങൾക്കും  വിദഗ്ധർക്കും  ഇന്ത്യ ആതിഥ്യമേകും  .

SKY/GG