یوتھ افیئرز اینڈ اسپورٹس اور لیبر اینڈ ایمپلائمنٹ کے مرکزی وزیر ڈاکٹر منسکھ منڈاویا نے آج نئی دہلی میں انڈین اولمپک ایسوسی ایشن (آئی او اے) کے زیر اہتمام منعقدہ رسمی رخصتی میں شرکت کی۔ ان کے ساتھ پٹرولیم اور قدرتی گیس کے مرکزی وزیر جناب ہردیپ سنگھ پوری اور انڈین اولمپک ایسوسی ایشن کی صدر ڈاکٹر پی ٹی اوشا بھی موجود تھیں۔

تقریب کے دوران مرکزی وزیر نے بھارتی ٹیم کی تین کٹس (رسمی لباس، پلیئنگ کٹ اور پرفارمنس جوتوں اور ٹریول گیئر) کی رونمائی کی۔ پیرس اولمپکس کے لیے جانے والے بھارتی ایتھلیٹس انڈین اولمپک ایسوسی ایشن کے زیر اہتمام منعقدہ رسمی رخصتی میں اپنے امکانات کے بارے میں پرجوش تھے۔

تقریب سے خطاب کرتے ہوئے ڈاکٹر منسکھ منڈاویا نے کہا کہ تمام بھارتی ملک کے ایتھلیٹس کی سخت محنت، لگن اور غیر متزلزل جذبے کا جشن مناتے ہیں جنہوں نے سب سے بڑے اسٹیج پر بھارت کی نمائندگی کرنے کا اعزاز حاصل کیا ہے۔ انھوں نے کہا کہ یہ ایونٹ صرف یونیفارم اور رسمی لباس کی نقاب کشائی کے بارے میں نہیں ہے بلکہ اربوں بھارتیوں کے خوابوں اور امنگوں کی علامت ہے جو کھلاڑیوں کے پیچھے متحد ہیں۔

مجھے یقین ہے کہ یہ دستہ کھیلوں میں بھارت کی ترقی کے راستے کو برقرار رکھے گا۔ ہم نے ریو 2016 میں دو تمغوں سے بڑھ کر ٹوکیو 2020 میں سات تمغے حاصل کیے اور بھارت 67 ویں سے 48 ویں مقام پر پہنچ گیا ، جس میں نیرج چوپڑا کے جیولین تھرو گولڈ میڈل سے اہم مدد ملی۔ مجھے امید ہے کہ ہمارے ایتھلیٹس اس بار ہمیں میڈل ٹیبل پر اور بھی اوپر لے جائیں گے۔

ڈاکٹر منڈاویا نے کہا کہ حکومت بھارت کو کھیلوں کا پاور ہاؤس بنانے کی تحریک میں سب سے آگے رہی ہے۔ انھوں نے کہا کہ وزیر اعظم جناب نریندر مودی جی کی دور اندیشانہ قیادت میں حکومت نے ٹارگیٹ اولمپک پوڈیم اسکیم (ٹی او پی ایس) جیسی مختلف اسکیموں کے ذریعے کھلاڑیوں کی مدد کی ہے جو ٹاپ تک پہنچنے والوں کو خصوصی مدد فراہم کرتی ہے۔

انھوں نے کہا کہ حکومت نے مختلف شعبوں میں کھلاڑیوں کی عالمی درجہ بندی کو بلند رکھنے، انھیں بھارت اور بیرون ملک مختلف مقامات پر تربیت کے لیے بھیجنے، معروف غیر ملکی ماہرین کو کوچ اور معاون عملے کے طور پر شامل کرنے اور اس بات کو یقینی بنانے کے لیے انتھک کام کیا ہے کہ کھیلوں کا ایکو سسٹم دنیا بھر کے ارتقاء کے ساتھ ہم آہنگ رہے۔

جناب ہردیپ سنگھ پوری نے کہا کہ یہ ان کی وزارت کے لیے فخر کی بات ہے کہ وہ بھارت کے اولمپک کھیل کی حمایت کرتی ہے۔ انھوں نے کہا کہ مجھے اس بات کی بھی خوشی ہے کہ ہمارے پبلک سیکٹر کارپوریشنز بہت سے کھلاڑیوں کو ملازمت دیتے ہیں، جن میں پیرس جانے والے اولمپیئن بھی شامل ہیں۔ مجھے یقین ہے کہ بھارتی ٹیم پیرس میں یادگار کارکردگی کا مظاہرہ کریں گے اور اچھی تعداد میں تمغوں کے ساتھ واپس  آئیں گے۔

اپنے استقبالیہ خطاب میں ڈاکٹر اوشا نے کہا کہ انھوں نے ایک ایتھلیٹ کے طور پر اپنے تجربے سے فائدہ اٹھاتے ہوئے اس بات کو یقینی بنایا ہے کہ پیرس 2024 میں بھارت کے ایتھلیٹس کو اسپورٹس سائنس سپورٹ کی کمی نہ ہو۔ انھوں نے کہا، "ہم نے اپنے کھلاڑیوں کو پیرس میں اپنے عروج پر کارکردگی کا مظاہرہ کرنے میں مدد دینے کے لیے ایک بہت ہی ایتھلیٹ مرکوز منصوبہ تیار کیا ہے۔

ہم نے ڈاکٹر دنشا پاردی والا کی قیادت میں ایک مضبوط ٹیم تشکیل دی ہے۔ اس میں اسپورٹس میڈیسن کے ماہرین، تندرستی کے ماہرین، غذائی ماہرین، فزیوتھراپسٹ اور ایک نیند کے سائنسدان شامل ہیں۔ انھوں نے کہا کہ پہلی بار آئی او اے کھلاڑیوں اور کوچنگ اور سپورٹ اسٹاف کو شرکت الاؤنس بھی دے گا۔ مجھے یقین ہے کہ بھارت کسی بھی اولمپکس میں اپنی بہترین کارکردگی کے ساتھ پیرس سے واپس آئے گا۔

بھارت اولمپکس کے لیے تقریبا 120 ایتھلیٹس کا ایک دستہ بھیجے گا ، جس میں مردوں کے جیولین میں دفاعی چیمپیئن نیرج چوپڑا کی قیادت میں ایتھلیٹکس ٹیم ، 21 رکنی شوٹنگ ٹیم اور 16 رکنی مردوں کی ہاکی ٹیم شامل ہے۔

کٹس کے بارے میں:

ان تین کٹس میں جے ایس ڈبلیو انسپائر کی تیار کردہ پلیئنگ کٹ، ترون تہیلیانی کی ملکیت ٹی ایس وی اے کا ڈیزائن کردہ رسمی لباس اور پوما کا پرفارمنس جوتا اور ٹریول گیئر شامل ہیں۔

ٹیم انڈیا کی پلیئنگ کٹ کا ڈیزائن ہمارے طاقتور ملک کے علاقوں کے اعتماد، ورسٹائل ٹیلنٹ اور جنون کو ظاہر کرتا ہے۔ ہر شکل اور بہاؤ کے ساتھ ہمارے مناظر کی لچک کی گونج سنائی دیتی ہے، جو ہمارے ایتھلیٹس کے ناقابل تسخیر جذبے کی عکاسی کرتی ہے۔ یہ دھاگوں سے بڑھ کر ہے، یہ فخر کی علامت ہے، جو بھارت کے چیمپیئنز کے جذبے سے بنُا گیا ہوئی ہے۔

کٹ میں استعمال ہونے والا کپڑا کھلاڑیوں کو زیادہ سے زیادہ آرام فراہم کرتا ہے۔ کپڑے کی اینٹی اسٹیٹک خصوصیت چپکنے سے بچاتی ہے جبکہ اسٹریچ فیچر لباس کو ایتھلیٹ کے جسم کے ساتھ حرکت کرنے اور ان کی شکل کے مطابق ڈھالنے  میں معاون ہے ، جس سے آرام دہ فٹ فراہم ہوتا ہے جس سے حرکت میں آسانی ہوتی ہے۔

ایئر وینٹ ہوا کے بہاؤ اور گرمی کے ضیاع کو آسان بناتاہے۔ نمی کی روک تھام کی ٹیکنالوجی کپڑے کو نمی کو جلد سے دور کپڑے کی بیرونی سطح تک کھینچتی ہے جس سے یہ بخارات میں بدل جاتی ہے۔ اس سے جسمانی سرگرمی کے دوران ایتھلیٹ کی جلد کو خشک اور ٹھنڈا رکھنے میں مدد ملے گی ، جس سے جسم کی رگڑ یا جلن کو کم کرنے میں مدد ملے گی۔ اینٹی مائکروبیل خصوصیت ناخوشگوار بدبو اور کپڑے کے انحطاط کو روکنے میں مدد کرتی ہے۔

***

(ش ح – ع ا – ع ر)

U. No. 7963