پیٹرولیم اور قدرتی گیس کے وزیر جناب ہردیپ سنگھ پوری نے پیرس 2024 اولمپک کھیلوں کے لیے بھارتی دستے کو مبارکباد دیتے ہوئے کہا کہ اولمپکس انسانی کامیابی کی چوٹی ہے۔ 2024 ایڈیشن کے لیے کوالیفائی کرنے والے یہاں کے تمام چیمپیئن ایتھلیٹس کو، میں 140کروڑ بھارتیوں کی طرف سے کہتا ہوں -  مبارکباد اور نیک خواہشات! ہمیں آپ پر بے حد ناز ہے۔‘‘

جناب پوری آج یہاں اشوکا ہوٹل میں انڈین اولمپک ایسوسی ایشن (آئی او اے) کے زیر اہتمام منعقدہ ایک تقریب سے خطاب کر رہے تھے۔ یوتھ افیئرز اور اسپورٹس اور لیبر اینڈ ایمپلائمنٹ کے مرکزی وزیر ڈاکٹر منسکھ منڈاویا اور انڈین اولمپک ایسوسی ایشن کی صدر ڈاکٹر پی ٹی اوشا، ایم پی بھی اس تقریب میں موجود تھے۔

مجمع سے خطاب کرتے ہوئے جناب پوری نے کہا، ’’ایک وقت تھا جب اس طرح کی تقریبات محدود توقعات کے ساتھ منعقد کی جاتی تھیں۔ ہمیں فخر ہوتا تھا کہ چلو ہمارے کھلاڑی اولمپکس میں حصہ تو لے رہے ہیں اور امید کرتے تھے کہ ہماری ہاکی ٹیمیں تمغہ جیتیں گی۔ کبھی کبھار ہمارے پاس پی ٹی اوشا جی جیسی عظیم شخصیات ابھرتیں  جنہوں نے ہمیں دوسرے کھیلوں میں تمغے لاکر دیے۔ لیکن اب ایک قوم کے طور پر ہماری حالیہ کامیابیوں کی وجہ سے ہماری توقعات بہت زیادہ بڑھ گئی ہیں۔‘‘

ایتھلیٹس کو تیل / گیس پی ایس یو کی طرف سے فراہم کی جانے والی مدد کا ذکر کرتے ہوئے جناب ہردیپ سنگھ پوری نے کہا کہ ’’مجھے مختلف تیل اور گیس پی ایس یو کے سرپرست کی حیثیت سے یہاں آنے پر خوشی ہے جو ہمارے کھلاڑیوں کے لیے بہترین ممکنہ تیاری کو آسان بنانے میں قابل قدر کردار ادا کر رہے ہیں۔ اپنے کھلاڑیوں کو فروغ دینا ہماری ثقافت کا حصہ رہا ہے حالانکہ ہم نچلی سطح کے بنیادی ڈھانچے کو مضبوط کرتے ہیں۔

انھوں نے کہا’’یہ ہمارے لیے فخر کی بات ہے کہ انڈین آئل کی سرپرستی میں 12 ایتھلیٹس اس بار اولمپکس میں حصہ لے رہے ہیں۔ دیگر 5 کو او این جی سی کی حمایت حاصل ہے۔  صرف بی پی سی ایل نے 250 سے زیادہ کھلاڑیوں کی حمایت کی ہے۔ مجھے فخر ہے کہ انڈین اولمپکس ایسوسی ایشن کے ساتھ بی پی سی ایل کی شراکت داری اب مزید گہری ہوگی۔ 2028 کے لاس اینجلس اولمپکس تک چار سالوں میں بی پی سی ایل اولمپکس ، ایشین گیمز ، کامن ویلتھ گیمز اور پیرا اولمپکس گیمز میں بھارتی دستے کا پرنسپل پارٹنر ہوگا۔‘‘

پیرس اولمپکس 2024 کے لیے کوالیفائی کرنے والے بھارتی ایتھلیٹس رسمی رخصتی کے موقع پر اپنے امکانات کے بارے میں پرجوش تھے۔ ڈاکٹر منسکھ منڈاویا، جناب ہردیپ سنگھ پوری اور ڈاکٹر پی ٹی اوشا، ایم پی نے بھارتی ٹیم کی تین کٹس کی نقاب کشائی کی۔ پراعتماد ایتھلیٹس کے ذریعے ریمپ واک کے دوران جے ایس ڈبلیو انسپائر کے ذریعے ڈیزائن کردہ پلیئنگ کٹ، ترون تہیلیانی کی ملکیت ٹی ایس وی اے کے ڈیزائن کردہ رسمی لباس اور پوما کے پرفارمنس جوتے اور ٹریول گیئر سمیت کٹس نمائش کے لیے پیش کی گئیں۔

ڈاکٹر منسکھ منڈاویا نے کہا کہ تمام بھارتی ملک کے ایتھلیٹس کی سخت محنت ، لگن اور غیر متزلزل جذبے کا جشن مناتے ہیں جنہوں نے سب سے بڑے اسٹیج پر بھارت کی نمائندگی کرنے کا اعزاز حاصل کیا ہے۔ انھوں نے کہا کہ یہ ایونٹ صرف یونیفارم اور رسمی لباس کی نقاب کشائی کے بارے میں نہیں ہے بلکہ اربوں بھارتیوں کے خوابوں اور امنگوں کی علامت ہے جو کھلاڑیوں کے پیچھے متحد ہیں۔

انھوں نے مزید کہا ’’مجھے یقین ہے کہ یہ دستہ کھیلوں میں بھارت کی ترقی کے راستے کو برقرار رکھے گا۔ ہم نے ریو 2016 میں دو تمغوں سے بڑھ کر ٹوکیو 2020 میں سات تمغے حاصل کیے کیونکہ بھارت 67 ویں سے 48 ویں مقام پر پہنچ گیا ، جس میں نیرج چوپڑا کے جیولین تھرو گولڈ میڈل کی مدد سے اہم میں مدد ملی۔ مجھے امید ہے کہ ہمارے ایتھلیٹس اس بار ہمیں میڈل ٹیبل پر اور بھی اوپر لے جائیں گے۔‘‘

اپنے استقبالیہ خطاب میں ڈاکٹر اوشا نے کہا کہ انھوں نے ایک ایتھلیٹ کے طور پر اپنے تجربے سے فائدہ اٹھاتے ہوئے اس بات کو یقینی بنایا ہے کہ پیرس 2024 میں بھارت کے ایتھلیٹس کو اسپورٹس سائنس سپورٹ کی کمی نہ ہو۔ انھوں نے کہا، ’’ہم نے اپنے کھلاڑیوں کو پیرس میں اپنے عروج پر کارکردگی کا مظاہرہ کرنے میں مدد دینے کے لیے ایک بہت ہی ایتھلیٹ مرکوز منصوبہ تیار کیا ہے۔‘‘

’’ہم نے ڈاکٹر دنشا پاردی والا کی قیادت میں ایک مضبوط ٹیم تشکیل دی ہے۔ اس میں اسپورٹس میڈیسن کے ماہرین، تندرستی کے ماہرین، غذائی ماہرین، فزیوتھراپسٹ اور ایک نیند کے سائنسدان شامل ہیں۔‘‘  انھوں نے کہا کہ پہلی بار آئی او اے کھلاڑیوں اور کوچنگ اور سپورٹ اسٹاف کو شرکت الاؤنس بھی دے گا۔ مجھے یقین ہے کہ بھارت کسی بھی اولمپکس میں اپنی بہترین کارکردگی کے ساتھ پیرس سے واپس آئے گا۔

بھارت اولمپکس کے لیے تقریبا 120 ایتھلیٹس کا ایک دستہ بھیجے گا ، جس میں مردوں کے جیولین میں دفاعی چیمپیئن نیرج چوپڑا کی قیادت میں ایتھلیٹکس ٹیم ، 21 رکنی شوٹنگ ٹیم اور 16 رکنی مردوں کی ہاکی ٹیم شامل ہے۔

بھارت پٹرولیم کارپوریشن لمیٹڈ (بی پی سی ایل)، ریلائنس فاؤنڈیشن، اڈانی اور آدتیہ برلا کیپیٹل پیرس اولمپکس میں ٹیم انڈیا کے اہم اسپانسر ہیں۔ یس بینک بینکنگ پارٹنر کے طور پر بورڈ میں آیا ہے جبکہ ڈریم سیٹ گو اور ہربل لائف بالترتیب آفیشل ٹریول پارٹنر اور نیوٹریشن پارٹنر ہوں گے۔ ای بی سی او، بوروسل، امول اور آئی این او ایکس لیژر ایسوسی ایٹ پارٹنر ہیں۔ جے ایس ڈبلیو انسپائر آفیشل اسپورٹس ویئر پارٹنر ہے جبکہ پوما اسپورٹس فٹ ویئر پارٹنر ہے، ٹی ایس وی اے بھارتی دستے کے لیے رسمی کٹس فراہم کر رہا ہے۔ آئی او ایس اسپورٹس اینڈ انٹرٹینمنٹ انڈین اولمپک ایسوسی ایشن (آئی او اے) کی آفیشل مارکیٹنگ ایجنسی ہے۔

***

(ش ح – ع ا – ع ر)

U. No. 7961