جنرل منوج پانڈے، چار دہائیوں سے زیادہ کی ممتاز خدمت کے بعد آج سبکدوش ہوئے اور چیف آف آرمی اسٹاف (سی او اے ایس) کے عہدے سے دستبردار ہوگئے۔ ان کے دور کو جنگی تیاری کی اعلیٰ حالت، تبدیلی کے عمل کو تحریک دینے کے علاوہ آتم نربھر بھارت کے اقدامات کی طرف ان کی مضبوط کوشش کے لیے یاد رکھا جائے گا۔

سی او اے ایس کے طور پر جنرل منوج پانڈے نے شمالی اور مغربی سرحدوں کے ساتھ آپریشنل تیاریوں کو اولین ترجیح دی۔ وہ اکثر جموں و کشمیر، مشرقی لداخ اور شمال مشرق کے آگے کے علاقوں کا دورہ کرتے تھے اور آپریشنل تیاریوں اور تمام رینکوں کے حوصلوں کا جائزہ لیتے تھے۔

جنرل منوج پانڈے نے پانچ الگ الگ ستونوں کے تحت تکنیکی انضمام پر توجہ مرکوز کرتے ہوئے ہندوستانی فوج کی مجموعی تبدیلی کا آغاز کیا۔ ان تکنیکی اقدامات کے تحت قابل قدر پیش رفت ہوئی، جو ہندوستانی فوج کو ایک جدید، چست، موافقت پذیر، اور ٹیکنالوجی کے قابل مستقبل کے لیے تیار فوج میں تبدیل کرنے کی سمت میں آگے بڑھائے گی۔

’آتم نربھر بھارت‘ پہل کے تحت دیسی ساختہ ہتھیاروں اور ساز و سامان کی موافقت پر ان کے زور نے ہندوستانی فوج کی طویل مدتی بقا کی راہ ہموار کی۔ انہوں نے انسانی وسائل کی ترقی کے اقدامات کو تحریک فراہم کی، جس نے خدمت کرنے والے اہلکاروں، ان کے خاندانوں اور تجربہ کار برادری کی زندگیوں پر مثبت اثر ڈالا۔

سی او اے ایس کے طور پر، انہوں نے دو طرفہ/ کثیر جہتی مشقوں، سیمیناروں اور مباحثوں کی حوصلہ افزائی کی۔ ان کی رہنمائی میں، چانکیہ ڈیفنس ڈائیلاگ کا آغاز جنوبی ایشیا اور ہند-بحرالکاہل میں سیکورٹی چیلنجوں کا جامع تجزیہ کرنے کے لیے کیا گیا تھا۔ اس کے علاوہ، انہوں نے انڈو پیسیفک آرمی چیفس کانفرنس (آئی پی اے سی سی) کے انعقاد اور شراکت دار ممالک کے ساتھ سالانہ مشقوں کے پیمانے اور دائرہ کار کو بڑھانے کے ذریعے فوجی سفارت کاری کے لیے پوری مستعدی سے کام کیا۔

جنرل آفیسر کے چار دہائیوں سے زائد فوجی سفر کا آغاز نیشنل ڈیفنس اکیڈمی سے ہوا۔ انہوں نے دسمبر 1982 میں کارپس آف انجینئرز (دی بامبے سیپرز) میں کمیشن حاصل کیا۔ انہوں نے مختلف آپریشنل ماحول میں اہم اور چیلنجنگ کمانڈ اور عملے کی تقرریاں کیں۔

ان کی شاندار خدمات کے لیے جنرل آفیسر کو پرم وششٹ سیوا میڈل، اتی وششٹ سیوا میڈل اور وششٹ سیوا میڈل کے اعزازات سے نوازا گیا ہے۔

*************

ش ح۔ ف ش ع- م ف

U: 7944