কেন্দ্রগী তেক্সতাইল মন্ত্রী শ্রী গিরিরাজ সিংহনা ইন্দিয়া ইন্তর্নেসনেল গার্মেন্ত ফেয়র (আই.আই.জি.এফ.)গী ৭১শুবা তাংকক য়শোভুমি কনভেন্সন সেন্তরদা ঙসি হৌদোকখ্রে। মহাক্কী হৌদোক ৱারোল পীরদুনা কেন্দ্রগী মন্ত্রী অসিনা হায়খি মদুদি ভারতকী ইন্দিয়া ইন্তর্নেসনেল গার্মেন্ত ফেয়র (আই.আই.জি.এফ.) অসিনা মাইক্রো, স্মোল, অমসুং মীদিয়ম এক্সপোর্তরশিংগী অখন্নবা ফম্বাক অমা পীরি অমসুং মসিনা ভারতকী খ্বাইদগী নৌবা চৎনবীশিং অমসুং মখলশিং মালেমগী মীয়ামদা উৎলি। শ্রী গিরিরাজ সিংহনা মখা তারদুনা হায়খি মদুদি মালেমগী থাক্তা লৈবা মেন্যুফেকচরিং ফেসিলিতী শেমগৎপা হায়বসি ভেল্যু চেনগী থাক খুদিংদা "জিরো ইফেক্ত, জিরো দিফেক্ত" কা লোইননা প্রধান মন্ত্রীগী "মেক ইন ইন্দিয়া"গী মঙফাওনহন্নবগীদমক য়াম্না মরুওই।

শ্রী সিংহনা দোমেস্তিক্কী থাক্তা পুথোকপা হেনগৎনবগীদমক 'হব অমসুং স্পোক'ঈ থাক্তা পায়খৎকদবনি, ইন্দস্ত্রী কোলাবোরেসন পুক্নিং থৌগৎকদবনি অমসুং ইন্দিয়ন ব্রান্দশিং পুথোকপগী মরুওইবশিংগী মতাংদসু থমখি। মন্ত্রালয় অসিনা স্কিম ফোর ইন্তিগ্রেতেদ তেক্সতাইল পার্ক (এস.আই.তি.পি) হিংগৎহন্দুনা অন্তর্জাতিগী থাক্তা লৈবা পার্কশিং শেমগৎপগী তঙাইফদবশিংগী মতাংদসু থমখি।

শ্রী গিরিরাজ সিংহনা হায়খি মদুদি, "ঙসিদি, ভারতনা জি.দি.পি. গী চাথোক ৭.২%গী চাংদা লৈদুনা মালেমদা খ্বাইদগী য়াঙবা শেন্মিৎলোন ওইরি অমসুং মসি ২০২৭-২০২৮ ফাওবদা মালেমদা ৩শুবা খ্বাইদগী চাউবা শেন্মিৎলোন ওইরবা য়ারি।" পোজিতিব দোমেস্তিক আউৎলুক অমা চাউখৎপদা য়ুম্ফম ওইবা পোলিতিকেল এস্তাব্লিশ্মেন্ত অমগা লোইননা শেমগৎপনা ভারত্তা লল্লোন ইতীক্তা পাম্বা একোসিস্তেম অমা লৈরে। ভারত সরকারনা ইনফ্রাস্ত্রকচর সেক্তর অমসুং ইজ ওব দুইং বিজিনেস ফগৎনবা খোঙথাং কয়া অমা লৌখৎখ্রে হায়না মহাক্না মখা তাখি।

মখা তানা, মন্ত্রী অসিনা হায়খি মদুদি ভারতকী এপেরেল অমসুং তেক্সতাইল মার্কেত অসি হৌজিক বিলিয়ন য়ু.এস.দি. ১৬৫ তা লৈ অমসুং মসি য়ু.এস.দি. বিলিয়ন ৩৫০ য়ৌগদৌরি; মসি অদোমগী অপাম্বগা লোইননা পান্দম ওইনা লৈরিবা অমনি। ঐহাক্না অদোমগী মফমদা ২০৩০ ফাওবদা য়ু.এস.দি. বিলিয়ন ৫০ য়ৌহনবীনবা হায়জরি। প্রধান মন্ত্রীনা তেক্নিকেল ফাইবর অমসুং জিও তেক্সতাইল ফগৎনবা লম্বী অমা য়াৎখি, মসিনা চাউখৎনবগী চাউরবা খুদোংচাবা অমা পীরি।

ঐহাক্না হায়খ্রে মদুদি ঐহাক্কী শিংনবসি বঙ্গলাদেশ নত্তে। ঐহাক্না লাক্কবা মতমশিংদা চাইনাদগী মাঙজিল থাবা পামি। বঙ্গলাদেশকী ঈশিং অমসুং রো মতিরিএল চার্জশিং অসি ৱাংখৎলক্লি। মখা তানা শ্রী সিংহনা হায়খি মদুদি ঐখোয়না ভারত্তা আর.এম.জি. হেনগৎনবগীদমক অপীকপা ক্লস্তরশিং অপীকপা প্লেয়রশিংগীদমক শেমগৎকনি।"

তেক্সতাইল মন্ত্রী গিরিরাজ সিংহনা গার্মেন্ত সেক্তরদা দোমেস্তিক মেন্যুফেকচরিং অমসুং এক্সপোর্ত হেনগৎনবগীদমক লুপা করোর ১০,০০০ পি.আই.এল. স্কিম লাউথোকখি। ইন্দিয়া ইন্তর্নেসনেল গার্মেন্ত ফেয়রদা ৱা ঙাংলদুনা সিংহনা তেক্সতাইল পার্ক ফগৎনবগীদমক ফোংদোকখি অমসুং গ্রীন তেক্সতাইলনা ঐখোয়গী মীৎয়েং চংফম ওইগনি হায়খি।

শ্রী সুধির সেখ্রি, চীয়রমেন এ.ই.পি.সি.না মহাক্কী ৱারোল মনুংদা, "গ্লোবেল হেদৱিন্দনা নাকোইননা ভারতকী এপরেল এক্সপোর্ত্তা অকায়বা পীরি। অদুবু হায়রিবা নুংঙাইতবা ফিভম অসি লৈজরবসু ভারতকী এপরেল এক্সপোর্ত ইন্দস্ত্রীনা মশাগী ফিভম চেৎনা লৈবা ঙম্মি অমসুং অশোকপগী চাং অসি হেঞ্জিলহন্দবা ঙম্মি।

শ্রী মিথিলেস্বর থাকুর, সেক্রেতরী জেনরেলনা হায়খি ভারতকী এপরেল এক্সপোর্তরশিংনা লাক্কদবা চহিশিংদা চাউখৎলবা লৈবাকশিংদা খোঙদাবা ঙমগনি। ভারতকী ফিরোল ফুরিত ইন্দস্ত্রীশিংনা হায়রিবা খুদোংচাবশিং অসি লৌহৌগদবনি।

নোলেজ সেসনশিংসু ২৫ অমসুং ২৬, জুন ২০২৪ দা নেভিগেতিং গ্লোবেল ত্রেদঃ চেলেঞ্জ অমসুং ওপোর্লচুনিতীজ ফোর দি ইন্দস্ত্রী, দি ইফিসেন্সী এদভান্তেজঃ দ্রাইবিং মেন্যুফেকচরিং –এক্সিলেন্স ইন এপরেল অমসুং সস্তেনেবল ফেসনঃ ফ্রোম কন্সেপ্ত তু রিএলিতী হায়বা তোঙান-তোঙানবা হীরমশিংদা পাঙথোক্লি।

হায়রিবা মেলা অসি এপরেল এক্সপোর্ত প্রোমোসন কাউন্সিল (এ.ই.পি.সি.)না ইন্তর্নেসনেল গার্মেন্ত ফেয়র এসোসিএসন (আইজি.এফ.এ.)গী খুথাঙ্গা মরুওইবা গার্মেন্ত এসোসোসিএসন হায়বদি লোথিং মেন্যুফেকচরর এসোসিএসন ওব ইন্দিয়া (সি.এম.এ.আই) , গার্মেন্ত এক্সপোর্তর অমসুং মেন্যুফেকচরর এসোসিএসন (জেমা) অমসুং গার্মেন্ত এক্সপোর্তর এসোসিএসন ওব রাজস্থান (গিয়র) গা খুৎশম্নদুনা শীনবনি, মসিনা অপুনবগী শক্তিবু পান্দম ফংনবগীদমক হোৎনমিন্নরি হায়বা তাক্লি। লৈবাক ৫০ হেনবদগী অরৈবা ৬০০ না থৌরম অসিদা শরুক য়াখি। ৭১শুবা তাংকক অসিদা নোংম-নোংমগী ২৫দগী ২৭ জুন, ২০২৪ ফাওবদা ফেসন শোগী থৌরম অনি পাঙথোক্কনি, শো অসিগী মনুংদা কল্লেক্সন একজিবিসনগী খ্বাইদগী ফজবশিং উৎকনি।

**************