জুন ২১,২০২৪, ১০শুবা মালেমগী য়োগ নুমিত্তা এন.সি.সিনা শীন্দুনা এন.সি.সি কেদেত লাখ ৮ লৈবাক শীনবা থুংনা য়োগ পাংথোকখ্রে। য়োগ সেসনশিং অদু সন তেম্পল(কোনার্ক, ওরিসা), লাল কিলা(দিল্লি), দাল পাৎ(শ্রীনগর, জম্মু অমসুং কাস্মির), সবরমাতি তোর্বান(অহমেদবাদ, গুজরাত), সাঞ্চি স্তুপা(সাঞ্চি, মধ্য প্রদেস), গেত ৱে ওফ ইন্দিয়া(মুম্বাই, মহারাস্ত্রা), নাইনিতাল পাৎ(নাইনিতাল, উত্তরখন্দ), ঝান্সি ফোর্ত(ঝান্সি, উত্তর প্রদেস) অমসুং ভিক্তোরিয়া মেমোরিএল(কোলকাতা, নোংচুপ বেঙ্গল) য়াওনা তোঙান-তোঙানবা স্কুলশিং, কলেজশিং অমসুং মশক নাইরবা মফমশিংদা পাংথোকখি।

ইন্দিয়ান আর্মি হেদক্বাতরস, দিল্লিনা শীন্দুনা দিল্লি কেন্তদা লৈবা কারিয়াপ্পা গ্রাউন্দদা পাংথোকপা থৌরমদা হৌজিক ভাইস চীফ ওফ আর্মি স্তাফ ওইরিবা, চীফ ওফ আর্মি স্তাফ হাপ্লবা লেপ্তনেন্ত জেনেরেল উপেন্দ্র দ্বিবেদি শরুক য়াখি। মহাক্না এন.সি.সিগী দি.জি লেপ্তনেন্ত জেনেরেল গুরবিরপাল সিংহ, অতোপ্পা সেনিয়ার ওফিসিএলশিং অমসুং এন.সি.সি কেদেত ২৫০ রোমগা আসনশিং পাংথোকখি।

কেদেতশিংদা ৱা ঙাংবদা, এন.সি.সিগী দি.জিনা হায়খি য়োগগী কান্নবা য়াম্না লৈ অমসুং হকচাং অমসুং পুক্নিং-ৱাখল ফনা থম্নবা কেদেতশিংনা মখোয়গী নোংমগী থবকশিংগী মনুংদা য়োগ য়াওহনগদবনি। ঐখোয়গী হকচাং ফগৎহন্নবা অমসুং নুংঙাই-য়াইফনবা য়োগ অসি শক্তি লৈরবা খুৎলায় অমনি। ঐখোয়গী নহারোলশিং চাউখৎহনবদা মরুওইবা অমা ওইরিবা হকচাং অমসুং পুক্নিং-ৱাখল ফনা থম্বদা য়োগনা মরুওইবা থৌদাং লৌরি।

*****