ఇండియా పోస్ట్ పేమెంట్స్ బ్యాంక్ (ఐపిపిబి), రియా మనీ ట్రాన్స్‌ఫర్ (రియా) తో భాగస్వామ్యాన్ని ప్రకటించింది.  రియా సంస్థ  యూరోనెట్ వరల్డ్‌వైడ్ ఇన్‌కార్పోరేషన్‌ వ్యాపార విభాగానికి చెందిన సీమాంతర నగదు బదిలీ చేసే సంస్థ. ఈ రెండింటి సహకారంతో భారతదేశంలోని మారుమూల ప్రాంతాల్లోని వినియోగదారులకు సౌకర్యవంతమైన, అందుబాటు ధరల్లో ఆర్థిక సేవలను ఇంటివద్దకే అందిస్తుంది.

 

భారతదేశ జనాభాలోని అరవై ఐదు శాతం మంది పరిమిత ఆర్థిక మౌలిక సదుపాయాలతో గ్రామీణ ప్రాంతాల్లో నివసిస్తున్నారు. ప్రస్తుతం గ్రామీణ కుటుంబాలు తమకు విదేశాల నుంచి వచ్చే డబ్బును ఉపసంహరించుకోవడానికి చాలా దూరం ప్రయాణించాల్సి ఉంటుంది. దీని ద్వారా వేతన నష్టం, ప్రయాణ ఖర్చులకు ఎక్కువ అవుతున్నాయి. వారు నగదు మొత్తాన్ని ఉపసంహరించుకోవాల్సి ఉన్న కారణంగా, వారు డబ్బుతో ప్రయాణం చేయాలన్నా లేదా ఇంట్లో దాచి ఉంచాలన్నా, ప్రమాదంతో కూడుకున్నది. ఐపిపిబి- రియా భాగస్వామ్యం ద్వారా ప్రజల ఇంటి వద్దే బ్యాంకింగ్ సేవల వినియోగం పెరుగుతుంది. వారికి అత్యవసరమైన సమయాల్లో నగదు ఉపసంహరించుకోవడానికి సహాయపడుతుంది. ఇదివరకు ప్రజలు ఎదుర్కొన్న అవాంతరాలు, ప్రమాదాల నుండి వారిని రక్షిస్తుంది. తద్వారా వాస్తవిక ఆర్థిక చేరికను అనుభవిస్తారు. ఇది వారి దీర్ఘకాలిక ఆర్థిక వృద్ధికి దారితీస్తుంది.

 

ఈ రెండింటి భాగస్వామ్యం ద్వారా, తక్షణమే దేశంలోని 25 వేల పైచిలుకు తపాలా కార్యాలయాల్లో ఇంటర్నేషనల్స్ ఇన్‌వార్డ్ మనీ ట్రాన్స్‌ఫర్ సేవలు అందుబాటులోకి రానున్నాయి. తపాలా కార్యాలయాల ద్వారా 100,000 ప్రాంతాలకు చేరుకుంటుందని భావిస్తున్నారు. ప్రపంచంలోనే అతిపెద్ద తపాలా వ్యవస్థ అయిన ఐపిపిబి పరిధి, అదేవిధంగా రియా సంస్థ ప్రపంచవ్యాప్త నెట్‌వర్క్ విస్తృతమైన ఉత్పత్తి సేవల ద్వారా, భారతదేశంలోని వినియోగదారులందరికీ ఏ ప్రాంతంలో ఉన్నా వేగవంతమైన, సౌకర్యవంతమైన, సురక్షితమైన ఇంటింటి సేవలు పొందడం ద్వారా ప్రయోజనాలను అందుకుంటారు.

ఐపిపిబి ఎండి, సీఈఓ శ్రీ ఆర్ విశ్వేశ్వరన్ మాట్లాడుతూ, "గ్రామీణ భారతదేశం మన దేశానికి గుండెకాయ వంటిది, అనేక గ్రామీణ కుటుంబాలకు, విద్య, ఆరోగ్య సంరక్షణ, రోజువారీ జీవన ఖర్చుల కోసం  విదేశాల నుండి నగదు బదిలీ సేవలు పొందడం వారికి ఒక జీవనాధారం. ఐపిపిబి యొక్క విస్తృతమైన నెట్ వర్క్, విశ్వసనీయ సేవతో, గ్రామీణ వినియోగదారులకు అంతర్జాతీయ అంతర్గత నగదు బదిలీలను మరింత అందుబాటులో, విశ్వసనీయంగా చేస్తున్నాం. ఈ సేవ ఒక కీలకమైన అంతరాన్ని తొలగిస్తుంది. దేశంలోని కుటుంబాలు, కమ్యూనిటీలు విదేశాల్లోని వారి బంధువులు, ప్రియమైనవారితో నిరాటంకంగా, సురక్షితంగా అనుసంధానాన్ని ఏర్పాటు చేస్తుంది. ప్రపంచ ఆర్థిక రంగంలో భారత్ లోని ఏ మారుమూల ప్రాంతమైనా వెనుకబడకుండా చూడాలనే మా అంకితభావానికి ఈ చొరవ నిదర్శనం" అని అన్నారు.

 

అదనంగా, నగదు బదిలీ ప్రక్రియలో విప్లవాత్మక మార్పులు తీసుకురావడానికి రెమిటెన్స్‌లను అందించేందుకు వినియోగదారుల కెవైసి (నో యువర్ కస్టమర్) కోసం వెరిఫైడ్ బయోమెట్రిక్ అథెంటికేషన్, డిజిటల్ లావాదేవీ ధృవీకరణ వంటి ప్రస్తుత సాంకేతికత, మౌలిక సదుపాయాలను ఎటువంటి భౌతిక ఐడి కార్డ్ చూపించాల్సిన అవసరం లేకుండానే ఐపిపిబి & రియా ఉపయోగించుకుంటున్నాయి. సురక్షితమైన, కాగితాన్ని ఉపయోగించకుండా రెమిటెన్స్ లను స్వీకరించే ప్రక్రియ క్రమబద్ధీకరణ, అత్యున్నత నియంత్రణ ప్రమాణాలకు అనుగుణంగా ఉండేలా చూసుకోవడం, భద్రతా చర్యలను బలోపేతం చేయడం ద్వారా రెండు సంస్థలు వినియోగదారుల్లో అనుభూతిని పెంచుతున్నాయి.

 

"ఒక వినియోగదారుడు నగదు బదిలీ ప్రొవైడర్‌ను ఎంచుకున్నప్పుడు, వారు కష్టపడి సంపాదించిన డబ్బును ఆ సంస్థకు అప్పగిస్తున్నారు. గ్రామీణ సమాజం, ఈ ఐపిపిబి, రియా సేవలను పొందడం సురక్షితమైన, సౌకర్యవంతమైన పద్ధతిలో నిధులను పొందడం కన్నా ఎక్కువ" అని రియా మనీ ట్రాన్స్‌ఫర్ ముఖ్య కార్యనిర్వహణ అధికారి శ్రీ షాన్ ఫీల్డర్ అన్నారు. "ఐపిపిబితో, రియా భాగస్వామ్యం అనేక రకాల గ్రామీణ సమాజానికి ఆర్థిక అవకాశాలను అందిస్తుంది. వారు మనందరిలాగే, ప్రతి రోజు జీవితంలో మెరుగైన అవకాశాన్ని పొందడానికి అర్హులు."

 

రియా చీఫ్ ఆపరేటింగ్ ఆఫీసర్ శ్రీ ఇగ్నాసియో రీడ్ మాట్లాడుతూ, "రియా- ఐపిపిబి మధ్య ఈ భాగస్వామ్యం భారతదేశం అంతటా ఉన్న మా వినియోగదారులకు సృజనాత్మక పరిష్కారాలను అందించడానికి మా ఉమ్మడి బలాలను ఉపయోగించుకోవడానికి మాకు అనుమతిస్తుంది."

ఈ భాగస్వామ్యం సేవల్లో శ్రేష్టతను, వారి నెట్‌వర్క్ సామర్థ్యాలను పెంపొందించడం, రెమిటెన్స్ వ్యవస్థ అంతటా సానుకూల మార్పును తీసుకురావడానికి ఐపిపిబి, రియా భాగస్వామ్య నిబద్ధతను తెలుపుతుంది. ఈ సహకారం వాటాదారులందరికీ గణనీయమైన ప్రయోజనాలకు దారితీస్తుందని రెండు సంస్థలు విశ్వసిస్తున్నాయి.

 

 

ఇండియా పోస్ట్ పేమెంట్ బ్యాంక్ గురించి:

 

కమ్యూనికేషన్ మంత్రిత్వ శాఖలోని తపాలా శాఖ కింద ఇండియా పోస్ట్ పేమెంట్స్ బ్యాంక్ (ఐపిపిబి) 1 సెప్టెంబర్ 2018న ప్రారంభించబడిన పూర్తి భారత ప్రభుత్వ ఆధీనంలోని సంస్థ. భారతదేశంలో సామాన్య ప్రజానికానికి అత్యంత అందుబాటులో, సరసమైన విశ్వసనీయమైన బ్యాంకును నిర్మించాలనే దార్శనికతతో ఈ బ్యాంకును ఏర్పాటు చేశారు. 1,61,000 పైచిలుకు పోస్టాఫీసులు (గ్రామీణ ప్రాంతాల్లో 1,43,000) 1,90,000 పైచిలుకు తపాలా ఉద్యోగులతో కూడిన పోస్టల్ నెట్‌వర్క్ కలిగి ఉంది. ఇది బ్యాంకింగ్ లేని వారికి, బ్యాంకింగ్ సేవలు పూర్తిగా వినియోగించుకోలేని వారి కోసం అడ్డంకులను తొలగిస్తూ, చివరి మైలుకు చేరుకోవడం ఇండియా పోస్ట్ పేమెంట్స్ బ్యాంక్ యొక్క ప్రాథమిక విధి.

 

ఐపిపిబి అందుబాటు, దాని నిర్వహణ మోడల్ ఇండియా స్టాక్ యొక్క కీలక స్తంభాలపై నిర్మించబడింది. సిబిఎస్-ఇంటిగ్రేటెడ్ స్మార్ట్‌ ఫోన్, బయోమెట్రిక్ పరికరం ద్వారా కాగిత రహిత, నగదు రహిత, ఉనికి అవసరం లేని బ్యాంకింగ్ సేవలు వినియోగదారుల ఇంటి వద్దకే సరళమైన, సురక్షితమైన సేవలను అందిస్తుంది. పొదుపుతో కూడిన సృజనాత్మకతను అందిపుచ్చుకొని, సామాన్యులకు బ్యాంకింగ్ సౌలభ్యంపై అధిక దృష్టి సారించిన ఐపిపిబి 13 భాషల్లో అందుబాటులో సులభతర వినిమయం ద్వారా సరళమైన, సరసమైన బ్యాంకింగ్ సేవలను అందిస్తుంది.

 

తక్కువ నగదు ఆర్థిక వ్యవస్థకు ఊతమిచ్చేందుకు, డిజిటల్ ఇండియా దార్శనికతకు దోహదం చేయడానికి ఐపీపీబీ కట్టుబడి ఉంది. ప్రతి పౌరుడు ఆర్థికంగా సురక్షితంగా, సాధికారత పొందడానికి సమాన అవకాశం లభించినప్పుడే భారతదేశం సుభిక్షంగా ఉంటుంది. మా నినాదం ప్రతీ వినియోగదారుడు ముఖ్యం- వాస్తవం, ప్రతి లావాదేవీ ముఖ్యమైనది, ప్రతి డిపాజిట్ విలువైనది.

 

 

రియా మనీ ట్రాన్స్ ఫర్ గురించి:

 

యూరోనెట్ (ఎన్ఏఎస్‌డిఏక్యూ: ఇఇఎఫ్‌టీ) యొక్క వ్యాపార విభాగమైన రియా మనీ ట్రాన్స్‌ఫర్ వేగవంతమైన, సురక్షితమైన, సరసమైన ప్రపంచ నగదు బదిలీలతో సహా వినూత్న ఆర్థిక సేవలను అందిస్తుంది. రెండవ అత్యంత విస్తృతమైన క్యాష్ సెటిల్మెంట్ నెట్వర్క్, ప్రపంచంలోనే అతిపెద్ద డైరెక్ట్ బ్యాంక్ డిపాజిట్ నెట్వర్క్‌ని రియా కలిగి ఉంది.

 

డిజిటల్, భౌతిక లావాదేవీల మధ్య అంతరాన్ని పూడ్చడానికి, రియా యొక్క అన్ని రంగాల ఉత్పత్తులు సేవలను అందిస్తుంది, సంస్థ వేగంగా విస్తరిస్తున్న ప్రత్యామ్నాయ గ్లోబల్ పే-అవుట్ సామర్థ్యాలతో పాటు, ఏజెంట్లు, భాగస్వాములు, రియల్-టైమ్ చెల్లింపులు, ఇంటివద్దకే సేవలు, మొబైల్ వాలెట్లు, ఎటిఎం కార్డు లేకుండానే చెల్లింపులు (ప్రత్యేకంగా రియాతో) ఈ సంస్థ అందిస్తుంది. డాండెలైన్ రియల్-టైమ్, దేశాంతర చెల్లింపు నెట్వర్క్ ద్వారా నడిచే రియా గ్లోబల్ మౌలిక వసతులు, వినియోగదారులు భాగస్వాములకు ఆర్థిక ప్రాప్యతను సులభతరం చేస్తుంది. కొత్త మార్కెట్ అవకాశాలను తెరవడం ద్వారా ప్రపంచవ్యాప్తంగా ఆర్థిక వృద్ధిని ప్రోత్సహిస్తుంది. మెరుగైన రోజువారీ జీవితానికి మార్గాలను రియా అందిస్తుంది.

***

(Release ID: 2026858) Visitor Counter : 110