ممبئی، 19 جون 2024

18ویں ممبئی انٹرنیشنل فلم فیسٹیول (ایم آئی ایف ایف) نے ایک اہم گفتگو کے سیشن کی میزبانی کی جس کا عنوان تھا ’سرحدوں کے پار‘ جس میں مشہور فلم ساز اور سنیماٹوگرافر آر وی رمانی اور سنی جوزف شامل تھے۔ اس دل چسپ سیشن میں سینماٹوگرافی کے فن اور فلسفے پر روشنی ڈالی گئی، جس نے سامعین کو گہری بصیرت اور فکر انگیز گفتگو سے مسحور کیا۔

سیشن کا آغاز کرتے ہوئے، سنی جوزف نے وحدانیت اور اتحاد کے جذبات کی بازگشت کے ساتھ بیانیہ سنیما میں اصلیت کی اہمیت پر زور دیا۔ سماجی مصلح سری نارائن گرو کا حوالہ دیتے ہوئے، انہوں نے کہا، ”جو محبت کرتا ہے، وہ زندہ رہتا ہے“۔ انہوں نے اس بات پر روشنی ڈالی کہ سنیما، خواہ فیچر فلم ہو یا دستاویزی فلم، ایک آئینہ کا کام کرتا ہے جو معاشرتی ضروریات اور کمیوں کی عکاسی کرتا ہے۔

سنی جوزف نے ان موضوعات اور ماحول کا احترام کرنے کی ضرورت پر زور دیا جہاں فلم ساز شوٹنگ کرتے ہیں، یہ سبق انہوں نے اپنے سرپرست، ڈائریکٹر جی اراوِندن سے سیکھا۔ انہوں نے دستاویزی فلموں کی شوٹنگ کے دوران کم سے کم خلل کی وکالت کی، تجویز کیا کہ مضامین کی زبان کو سمجھنے سے حقیقی جذبات اور تال کو حاصل کرنے میں مدد ملتی ہے۔ سنیماٹوگرافی اور ایڈیٹنگ کے درمیان تعلق کا ذکر کرتے ہوئے، انہوں نے کہا کہ اچھے ایڈیٹر شاٹس کے اندر موجود موروثی تال کو پہچانتے ہیں اور ان دونوں فن کی شکلوں کے باہم مربوط ہونے پر زور دیتے ہیں۔

(تصویر میں: نامور فلمساز اور سنیماٹوگرافر سنی جوزف 18ویں MIFF میں گفتگو کے سیشن میں)

نیشنل ایوارڈ یافتہ جناب آر وی رمانی نے سنیماٹوگرافی کے بارے میں اپنے نقطہ نظر کا اشتراک کیا۔ انہوں نے بتایا کہ فلم بندی کے دوران غیر منصوبہ بند، بے ساختہ لمحات اکثر جادوئی، تبدیلی آمیز مناظر کی صورت میں سامنے آتے ہیں۔ رمانی کے لیے، فلم کے تصور کو سمجھنا بہت ضروری ہے۔ ان کا خیال ہے کہ جب امکانات تلاش کیے جاتے ہیں تو شاٹ کا اختتام فطری طور پر ظاہر ہوتا ہے۔

دونوں فلم سازوں نے سنیماگرافی کے بدلتے ہوئے منظر نامے پر تبادلہ خیال کیا۔ سنی جوزف نے ڈیجیٹل کیمرہ ٹیکنالوجی میں ہونے والی پیش رفت کی تعریف کی، جس نے کام کا بوجھ کم کیا ہے اور سنیما نگاروں کو زیادہ آزادی فراہم کی ہے۔ انہوں نے نوجوان فلم سازوں کی اس بات کے لیے حوصلہ افزائی کی کہ وہ عصری سنیما میں تجرباتی فلموں کی کمی پر تنقید کرتے ہوئے تجربات کو اپنائیں۔

(تصویر میں: نیشنل ایوارڈ یافتہ فلم ساز اور سنیماٹوگرافر آر وی رمانی 18 ویں ایم آئی ایف ایف میں گفتگو کے سیشن میں)

آر وی رمانی نے جدید دستاویزی فلموں میں خیالی عناصر کو معمول پر لانے کی عکاسی کی، خاص طور سے اسٹریمنگ پلیٹ فارموں پر۔ انہوں نے دلیل دی کہ اگرچہ اسکرپٹ پروڈیوسروں کو تلاش کرنے کے لیے کارآمد ثابت ہو سکتے ہیں، لیکن وہ ہمیشہ ضروری نہیں ہوتے، کیونکہ ایک تصوراتی نوٹ اور فلم ساز کا وژن اکثر کافی ہوتا ہے۔

اس سیشن کو سنی جوزف اور آر وی رمانی کے مشہور کاموں کے ویڈیو کلپس کے ساتھ جوڑ دیا گیا، جس میں دیوتھاکل، پیراوی، چلڈرن آف منی جاپان، اے سکول آف مائی اون، بیونڈ دی وہیلز، فیس لائک اے مین، اور ونڈ فال آف گریس شامل ہیں۔ بصری اور فکری محرکات کے اس امتزاج نے فکر اور منظر کشی کی ایک جگل بندی فراہم کی، جس سے سامعین بہت متاثر ہوئے۔

سنی جوزف

ایک نامور سنیماٹوگرافر اور فلم اینڈ ٹی وی انسٹی ٹیوٹ آف انڈیا (ایف ٹی آئی آئی) کے گریجویٹ، سنی جوزف نے فکشن اور نان فکشن سنیما دونوں میں نمایاں تعاون کیا ہے۔ ایک متاثر کن پورٹ فولیو کے ساتھ جس میں 65 فیچر فلمیں اور اتنی ہی تعداد میں دستاویزی فلمیں اور شارٹ فلمیں شامل ہیں، سنی نے انڈسٹری کے کچھ معزز ہدایت کاروں کے ساتھ کام کیا ہے۔ ان کے قابل ذکر افسانوی کاموں میں پیراوی، واستوہارا، نزہلکتھو، ٹرین ٹو پاکستان، اور کہینی شامل ہیں، جب کہ ان کی مشہور دستاویزی فلموں میں سہجا، آیوروید، دیوی، اور لائٹ اپ دی اسکائی شامل ہیں۔ جوزف انڈین سوسائٹی آف سنیماٹوگرافرز کے چیئرمین اور جنرل سکریٹری کے طور پر بھی نمایاں عہدوں پر فائز رہے ہیں اور فی الحال اس کے خزانچی کے طور پر کام کر رہے ہیں۔

آر وی رمانی

ایک مشہور فلم ساز اور سنیماٹوگرافر، آر وی رمانی نے دستاویزی فلم سازی کی دنیا میں اپنے لیے ایک نمایاں جگہ بنائی ہے۔ ایک قومی ایوارڈ یافتہ، رمانی کی دستاویزی فلمیں اپنے منفرد، تاثراتی انداز کے لیے مشہور ہیں جو اظہار کے مختلف پہلوؤں کو تلاش کرتی ہیں۔ ممبئی یونیورسٹی سے فزکس میں گریجویٹ، رمانی کا سفر فوٹو جرنلزم میں شروع ہوا، اس سے پہلے انھوں نے فلم اینڈ ٹی وی انسٹی ٹیوٹ آف انڈیا، پونے میں موشن پکچر فوٹوگرافی میں مہارت حاصل کی اور 1985 میں گریجویشن کیا۔ پچھلے کچھ برسوں میں، ان کے کاموں کو متعدد بین الاقوامی فلموں میں دکھایا گیا ہے جس سےسے دنیا بھر میں انھیں پذیرائی اور پہچان حاصل ہوئی ہے۔

*******

ش ح۔ ف ش ع- م ف

U: 7584