18ویں ممبئی انٹرنیشنل فلم فیسٹیول (ایم آئی ایف ایف) کی قومی مسابقتی جیوری نے ایک پریس میٹنگ میں اپنے خیالات اور ستائش کا اظہار کرتے ہوئے ، 18ویں ایم آئی ایف ایف 2024 میں قومی مقابلے کے سیکشن میں حصہ لینے والی فلموں کی گہرائی اور تنوع کو اجاگر کیا۔

ایک اجتماعی بیان کے ذریعہ جیوری کے اراکین نے کہا کہ ان کے دیکھنے کے تجربے کی خاص بات یہ تھی کہ کس طرح پورے بورڈ کے فلم سازوں نے پدرانہ نظام کی اناٹومی کو ڈی کنسٹریکٹ کیا اور مردانہ تعلقات کو ایک نرم لینس کے ذریعہ پیش کیا جس کی بہت کم ہی تلاش کی گئی تھی۔ جیوری کی چیئرپرسن اور ہندوستانی فلم پروڈیوسر اپوروا بخشی نے ممبران اڈیل سیل مین (جرمن فلم پروڈیوسر)، ڈاکٹر بوبی سرما باروہ (ہندوستانی فلم ساز)، منجل شراف (انڈین اینیمیٹر) اور انا ہینکل-ڈونرزمارک (جرمن فلم ساز) کے ساتھ پریس کانفرنس میں شرکت کی۔

جیوری نے ہندوستان کے مختلف حصوں سے ابھرتے ہوئے مضبوط، گہرے اور پُرجوش داستانوں کو دیکھنے کے اعزاز پر بھی زور دیا۔ بیان میں کہا گیا کہ "گزشتہ چار دنوں میں ہم نے دستاویزی، مختصر فکشن اور اینی میشن زمرے میں جو 75 فلمیں دیکھی ہیں، اس نے ہمیں جذبات سے معمور کردیا ہے اور تحریری طاقت کے خوف میں مبتلا کر دیا ہے جو اچھے کلاسک سنیما کا پس منظر بناتی ہے۔" جیوری نے بتایا کہ جن موضوعات کی گہرائیوں سے گونج پیدا  ہوئی ان میں ہندوستان میں تمام سماجی اور معاشی طبقوں کے قدیم رسم و رواج کے درمیان متمول اور متنوع مناظر کے خلاف قائم کردہ تعلقات کی تلاش شامل ہے۔

(تصویر میں: 18 ویں ایم آئی ایف ایف کی قومی مسابقتی جیوری کے اراکین پریس کانفرنس میں شرکت کرتے ہوئے)

 

جیوری کی چیئرپرسن اپوروا بخشی نے گزشتہ چار دنوں کے سفر کے بارے میں اپنے جوش و خروش کا اظہار کیا۔ انہوں نے مزید کہا "ہم نے گھنٹوں غور و خوض کیا، جو کہ کہانی سنانے کے تئیں ہمارے جذبات کا ثبوت ہے۔ جیوری میں صنف کا متنوع انداز ہوتا ہے، جو اس عمل کو جمہوری بناتا ہے"۔ انہوں نے ہندوستان میں ابھرتی ہوئی شکل دستاویزی فلموں پر توجہ مرکوز کرنے پر ایم آئی ایف ایف کی ستائش کیاور اینیمیشن فلموں کی دریافت پر حیرت کا اظہار کیا۔ انہوں نے کہا  "شمال مشرق کی ناقابل یقین فلمیں خاص طور پر متاثر کرنے والی تھیں" ۔

اپوروا بخشی نے متعدد فوری اور اہم موضوعات کا بھی ذکر کیا جنہوں نے ان کے کام کو مشکل بنا دیا۔ "کہانی سنانے میں اس طرح کی پختگی دیکھنا قابل ذکر ہے۔ انہوں نے کہا  کہ کشمیر، پنجاب، شمال مشرق اور جنوب سمیت ملک کے مختلف کونوں سے مستند کہانیاں ان فلموں میں بغیر کسی رکاوٹ کے پیش کی جا رہی ہیں"۔ انہوں نے مزید کہا  "دیکھنے کا تجربہ ناقابل یقین رہا ہے، اور بہت سے فلم ساز اس میں شرکت کرکے خوش ہیں۔ طالب علم فلم سازوں نے تجربہ کار فلم سازوں کے ساتھ برابری کی بنیاد پر مقابلہ کیا، جو اکثر اپنی بیانیہ کی طاقت سے ہمارے ذہنوں کو مسحور کر دیتے ہیں۔"

جرمن فلم پروڈیوسر ادیلے سیل مین نے فلموں کے تنوع، کہانی سنانے والے مناظر اور موضوعات پر اپنے جذبات کا اظہار  کرتے ہوئے کہا ، "میں اس تجربے سے بہت متاثر ہوں اور مجھے مدعو کرنے پر ایم آئی ایف ایف کی شکر گزار ہوں۔ فلم کی زبان عالمگیر ہے، اور جذبات سرحدوں کو عبور کرتے ہیں"۔ انہوں نے کہا کہ فلموں میں قید انسانی وجود کی پیچیدگی نے جیوری اور سامعین دونوں کو حیران کردیا۔

ہندوستانی فلم ساز ڈاکٹر بوبی سرما بروہ نے شمال مشرق میں اچھی فلموں اور فلم سازوں کے آزاد جذبے کی تعریف کی۔ انہوں نے کہا کہ ہماری انڈسٹری بہت چھوٹی ہے لیکن فلموں کا معیار متاثر کن ہے۔

اینیمیٹر منجل شراف کہانی سنانے کی گہرائی خاص طور پر حرکت پذیری سے متوجہ ہوئے، ۔ انہوں نے کہا کہ " آواز اور سنیماٹوگرافی میں پختہ انداز کے ساتھ،میڈیم پر نوجوان فلم سازوں کا کنٹرول حیرت انگیز ہے۔ یہ فلم سازوں، خاص طور پر نوجوان نسل میں صلاحیتوں کی گہرائی کا اظہار کرتا ہے،" انہوں نے کہا۔ انہوں نے موضوعات کے وسیع اور متنوع  دائرہ کار اور بہترین فلم کے انتخاب کے لیے جیوری کے اراکین کے درمیان طویل مباحثے کی ستائش کی اور اسے ایک عظیم  فیسٹول کی پہچان قرار دیا۔ انہوں نے کہا " تین ہندوستانی شہریوں اور دو غیر ملکیوں پر مشتمل جیوری کی متنوع ساخت نے تجربے کو تقویت بخشی اور ایک قیمتی بیرونی تناظر سامنے لایا"۔

جرمن فلم ساز اینا ہینکل-ڈونرزمارک نے جیوری کا حصہ بننے پر اپنی خوشی کا اظہار کیا، کیونکہ اس نے انہیں اپنے فلم سازوں کے ذریعہ ہندوستان کو تلاش کرنے کی اجازت دی۔ انہوں نے کہا، "اس سے مجھے فلم سازی کے ماحولیاتی نظام کو سمجھنے میں مدد ملتی ہے — کس قسم کی فلموں کو فنڈز ملتے ہیں، ان کا انتخاب کیا جاتا ہے، اور فلم ساز کون سی کہانیاں سنانا چاہتے ہیں۔" انہوں نے جیوری کے اراکین کے ساتھ بات چیت کو سراہا جن کا نقطہ نظر مختلف تھا اور ایک طویل شارٹ لسٹ کی وجہ سے ایوارڈ کا فیصلہ کرنے کے چیلنج کا ذکر کیا۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

7585

 

(Release ID: 2026694) Visitor Counter : 53