ملکی کوئلے کی پیداوار کو بڑھانے اور ملک کے لیے توانائی کی سلامتی کو یقینی بنانے کے لیے ایک اہم اقدام میں، وزارت کوئلہ کوئلہ بلاک کی نیلامی کی اگلی قسط شروع کرنے کے لیے تیار ہے۔ کوئلہ اور کانوں کے مرکزی وزیر جناب جی کشن ریڈی 21 جون 2024 کو حیدرآباد میں تجارتی کول کان کنی کی نیلامی کے 10ویں دور کا آغاز کریں گے۔ کوئلہ اور کانوں کے وزیر مملکت جناب ستیش چندر دوبے، تلنگانہ کے نائب وزیر اعلیٰ ملو بھٹی وکرمارکا اور سکریٹری وزارت کوئلہ جناب امرت لال مینا اس موقع پر موجود ہوں گے۔

یہ اقدام کوئلے کے شعبے میں شفافیت، مسابقت اور پائیداری کو فروغ دینے کے لیے تیار ہے۔ آئندہ نیلامی راؤنڈ میں 60 کوئلے کے بلاکس شامل ہیں، جن میں کوکنگ اور نان کوکنگ کوئلے کی کانوں کا متنوع سلسلہ شامل ہے۔ مختلف ریاستوں/خطوں میں اسٹریٹجک طور پر واقع یہ بلاکس علاقائی اقتصادی ترقی اور روزگار کے مواقع پیدا کرنے میں مدد کریں گے۔

اس نیلامی کی قسط کا آغاز کوئلے کے شعبے میں خود انحصاری حاصل کرنے کے مشن میں ایک اہم لمحہ کی نمائندگی کرتا ہے۔ شفاف اور مسابقتی بولی کے لیے مزید بلاکس کھول کر، حکومت ہند اقتصادی ترقی اور توانائی کی سلامتی کو آگے بڑھانے کے لیے ہندوستان کے کوئلے کے وسیع ذخائر کو کھول رہا ہے۔ حکومت پائیدار کان کنی کے طریقوں کے لیے پرعزم ہے جو اقتصادی ترقی کو ماحولیاتی ذمہ داری کے ساتھ متوازن کرتے ہیں۔

تجارتی کوئلے کی کانکنی  کی نیلامیوں کا آئندہ 10 واں دور، پچھلی کامیاب نیلامیوں کے تناظر میں، اس شعبے کو آگے بڑھانے کے لیے وزارت کے غیر متزلزل عزم کی نشاندہی کرتا ہے۔ آنے والے دور میں کل 60 کوئلے کی کانیں پیش کی جائیں گی۔ ان میں سے 24 کوئلے کی کانوں کو مکمل طور پر دریافت کیا گیا ہے جبکہ 36 کی جزوی طور پردریافت کی گئی ہے۔

مزید برآں، تجارتی کوئلہ  کے راؤنڈ 9 کی دوسری کوشش کے تحت 5 کوئلے کی کانیں پیش کی جا رہی ہیں۔ ان میں سے 4 مکمل طور پر دریافت شدہ ہیں، اور  ایک جزوی طور پر دریافت شدہ ہے۔ اس کے علاوہ، 8ویں دور کی دوسری کوشش کے تحت 2 کوئلے کی کانیں پیش کی جا رہی ہیں۔ ان میں سے ایک مکمل طور پر دریافت شدہ  ہے، اور ایک جزوی طور پر دریافت شدہ ہے۔

پیش کی جا رہی کانکنی  کی  ریاست وار اسنیپ شاٹ حسب ذیل ہے:

کوئلے کی فروخت یا استعمال پر کوئی پابندی نہیں ہے۔ خاص طور پر، اہلیت کے معیار کو ختم کر دیا گیا ہے اور شرکت کے لیے کسی بھی تکنیکی یا مالی رکاوٹوں کو ہٹا دیا گیا ہے۔ نیز، مطلع شدہ قیمت سے نیشنل کول انڈیکس میں ایک اسٹریٹجک تبدیلی شفافیت اور انصاف کو یقینی بناتی ہے، جس سے مارکیٹ پر مبنی قیمتوں کا تعین کرنے کا طریقہ کار قائم ہوتا ہے۔ معدنی قوانین میں ترمیم کوئلے کے شعبے کو کھولنے، سرکاری اور نجی دونوں شعبے کے کھلاڑیوں کے لیے یکساں کھیل کا میدان فراہم کرنے اور اپنے استعمال اور فروخت سمیت مختلف مقاصد کے لیے نیلامی کی اجازت دینے میں اہم کردار ادا کرتی ہے۔

کاروبار کرنے میں آسانی کے لیے، کوئلہ کی وزارت نے ایک سنگل ونڈو کلیئرنس سسٹم (ایس ڈبلیو سی ایس) پورٹل کا تصور پیش کیا ہے تاکہ کوئلے کی کانوں کے جلد آپریشنل ہونے کے لیے مختلف کلیئرنس حاصل کرنے کے لیے ایک پلیٹ فارم بنایا جا سکے، جس کے نتیجے میں واحد گیٹ وے  کے ذریعہ ملک میں کوئلے کی پیداوار میں اضافہ ہو گا۔ یہ اصلاحات کوئلے کے شعبے میں ترقی اور لچک کے ستون کے طور پر کام کرتی ہیں۔

مزید برآں، آئندہ تجارتی کوئلے کی کانوں کی نیلامی اقتصادی ترقی کو آگے بڑھانے، روزگار کے مواقع پیدا کرنے، توانائی کی  سلامتی کو مضبوط بنانے اور پائیدار ترقی میں حصہ ڈالنے کی صلاحیت رکھتی ہے۔ وزارت توانائی کے شعبے میں ترقی اور اختراع کے لیے سازگار ماحول کو فروغ دینے کے لیے پرعزم ہے۔

کانکنی ، نیلامی کی شرائط، ٹائم لائنز وغیرہ سے متعلق تفصیلی معلومات ایس ایس ٹی سی  نیلامی پلیٹ فارم پر حاصل کی جا سکتی ہیں۔ نیلامی ایک شفاف عمل کے ذریعے آن لائن کی جائے گی، جو فیصد ریونیو شیئر ماڈل  پر مبنی ہے۔

************

ش ح۔ ا ک۔ م  ص

 (U: 7578)