اہم برآمدی منڈیوں میں مختلف چیلنجوں کے باوجود ،  مالی سال 24-2023کے دوران ،  ہندوستان کی سمندری غذا کی برآمدات نے حجم میں اب تک کی بلند ترین سطح کو چھو لیا ہے ۔  ہندوستان نے24-2023 کے دوران 60523.89 کروڑ  روپے (7.38   ارب   امریکی ڈالر) مالیت کی  1781602   ایم ٹی سمندری غذا  برآمد کی ہے ۔

منجمد کیکڑے  ، مقدار اور قیمت کے لحاظ سے اہم برآمدی شے رہے، جبکہ امریکہ اور چین ہندوستان کے سمندری غذا کے بڑے درآمد کنندگان بن گئے ۔  مالی سال 24-2023 کے دوران برآمدات میں مقدار کے لحاظ سے 2.67 فیصد  کی نمو ہوئی ہے ۔  اُدھر 23 -2022 میں، ہندوستان نے 63969.14 کروڑ روپے  (8094.31ملین امریکی ڈالر) مالیت کی 1735286  ایم ٹی  سمندری غذا برآمد کی  ۔

سمندری پیداوار کی برآمد کی ترقیاتی اتھارٹی  (ایم پی ای ڈی اے ) کے چیئرمین جناب ڈی وی سوامی آئی اے ایس نے  بتایا  کہ ’’ہندوستان نے اپنی بڑی برآمدی منڈیوں جیسے امریکہ،  یوروپی یونین اور برطانیہ میں کئی چیلنجوں کے باوجود، 7.38  ارب امریکی ڈالر مالیت کی 1781602  ایم ٹی  سمندری خوراک بھیج کر حجم کے لحاظ سے اب تک کا ایک بلند ترین برآمد ریکارڈ کی قائم کیا ہے‘‘۔

منجمد جھینگا نے ، جس نے  40013.54 کروڑ  روپے (4881.27ملین  امریکی ڈالر ) کمائے، سمندری غذا کی برآمدی ٹوکری میں سرفہرست آئٹم کے طور پر اپنی پوزیشن کو برقرار رکھا، جس کا حصہ مقدار کےضمن میں  40.19 فیصد اور ڈالر کی کل آمدنی کا 66.12 فیصد  ہے ۔  اس عرصے کے دوران کیکڑے کی برآمدات میں مقدار کے لحاظ سے 0.69 فیصد اضافہ ہوا ۔

سال 24-2023 کے دوران منجمد کیکڑے کی برآمد کا تخمینہ 716004  ایم ٹی  تھا ۔  امریکہ، جو سب سے بڑی منڈی ہے، نے 297571 ایم ٹی منجمد جھینگا درآمد کیا، اس کے بعد چین (148483 ایم ٹی)، یورپی یونین (89697 ایم ٹی)، جنوب مشرقی ایشیاء (52254 ایم ٹی)، جاپان (35906 ایم ٹی) اور مشرق   وسطی (28571 ایم ٹی) کا نمبر آتا ہے ۔   

سال 24-2023  میں، بلیک ٹائیگر (بی ٹی) جھینگے کی برآمدات  میں اضافہ ہوا اور یہ مقدار،  قیمت  روپے اور امریکی ڈالر کے لحاظ سے بالترتیب 24.91 فیصد، 11.33 فیصد اور 8.28فیصد رہی۔ بی ٹی جھینگے 2855.27 کروڑ  روپے (347.84ملین  امریکی ڈالر)  مالیت کے  38987 ایم ٹی کی مقدار میں برآمد کیے گئے ۔  چین (بشمول ہانگ کانگ) امریکی ڈالر کی مالیت کے لحاظ سے 28.43 فیصد حصہ کے ساتھ بلیک ٹائیگر جھینگا برآمد کرنے والا بڑا ملک رہا ؛  اس کے بعد امریکہ (18.21 فیصد)، یورپی یونین (18.06 فیصد) اور جاپان (13.12 فیصد) فیصد ) رہے ۔  اسکیمپی جھینگا کی  برآمدات نے     مقدار، قدر روپے اور امریکی ڈالر کے لحاظ سے    24   - 2023میں بالترتیب 6.42فیصد ، 23.22فیصد  اور 18.96فیصد کا   مثبت رجحان دکھایا ہے ۔ 24-2023  میں ونامئی جھینگا کی برآمدات میں حجم کے لحاظ سے 0.33 فیصد اضافہ ہوا ہے ۔  تاہم، وہ 4809.99  ملین  امریکی ڈالر سے 11.56 فیصد کم ہو کر 4253.86  ملین   امریکی ڈالر مالیت کے رہ گئے ۔

دیگر اہم برآمدی اشیاء

منجمد مچھلی، جو دوسری سب سے بڑی برآمد کی جانے والی  جنس ہے، نے 5509.69 کروڑ روپے  ( 671.17 ملین امریکی ڈالر) حاصل کیے، جو کہ مقدار میں 21.42فیصد  اور امریکی ڈالر کی آمدنی میں 9.09فیصد  ہے ۔  اس سال، منجمد مچھلی کی برآمد میں مقدار اور قدر کے لحاظ سے بالترتیب 3.54فیصد  اور 0.12فیصد  کا اضافہ ہوا ہے ۔  تاہم، امریکی ڈالر  کے لحاظ سے اس میں 2.31فیصد  کی کمی واقع ہوئی ۔

مچھلی اور جھینگے کا کھانا اور فیڈ- غیر خوردنی خشک اشیاء، برآمدی ٹوکری میں تیسری سب سے نمایاں اشیاء  نے 3684.79 کروڑ روپے  (449.17 ملین امریکی ڈالر ) کمائے، جو مقدار میں 15.89 فیصد حصہ اور ڈالر کی کمائی میں 6.08 فیصد  کا حصہ ہے  ،  جو   مقدار، قدر روپے  اور امریکی ڈالر  شرائط کے لحاظ سے 15.9 فیصد ، 34.07فیصد  اور 31.52فیصد کا   اضافہ دکھا رہا ہے ۔  اس گروپ میں 283019  ایم ٹی  کی برآمدات کی گئیں ۔  اس گروپ میں یونٹ ویلیو میں اضافہ 13.38 فیصد تھا۔

فروزن اسکویڈ، چوتھی سب سے بڑی برآمدی جنس  نے ،  3061.46 کروڑ  روپے (373.40 ملین امریکی ڈالر) حاصل کیے، جو مقدار میں 5.25 فیصد حصہ اور ڈالر کی آمدنی میں 5.06 فیصد ہے ۔  منجمد اسکویڈ کی برآمد میں مقدار کے لحاظ سے 11.52 فیصد  کا اضافہ ہوا ۔

سرمئی اور سوریمی اینالاگس کی برآمد، پانچویں اہم ترین پوزیشن پر، 135327 ایم ٹی کے حساب سے، مقدار کے لحاظ سے 4.12فیصد  بڑھی اور 2414.43 کروڑ  روپے (294.43 ملین امریکی ڈالر )  کمائے  ۔

منجمد کٹل فش کی برآمد، چھٹی سب سے نمایاں پوزیشن پر، 2252.63 کروڑ روپے (274.62  ملین امریکی ڈالر ) مالیت کی 54316 ایم ٹی تھی، جو مقدار میں 3.05 فیصد حصہ اور امریکی ڈالر  کی آمدنی میں 3.72 فیصد ہے ۔

ساتویں سب سے نمایاں پوزیشن پر ٹھنڈی اشیاء کی برآمد ہے، جسے ایک امید افزا شعبہ سمجھا جاتا ہے۔ اِس میں مقدار کے لحاظ سے 47.06 فیصد اور امریکی ڈالر کے لحاظ سے 8.66 فیصد اضافہ ہوا ۔

فروزن آکٹوپس، جو آٹھویں سب سے بڑی برآمدی شے ہے، نے 62.17 ملین امریکی ڈالر حاصل کیے ۔ اس کے بعد مچھلی کا تیل (58.51 ملین امریکی ڈالر)، زندہ اشیاء (48.61  ملین امریکی ڈالر)، خشک خوردنی اشیاء (37.60  ملین امریکی ڈالر)، منجمد لابسٹر (33.67  ملین امریکی ڈالر) ، اور مچھلی کے موز (16.76  ملین امریکی ڈالر)    کا نمبر آتا ہے ۔

اہم برآمدی مقامات

جہاں تک بیرون ملک منڈیوں کا تعلق ہے، امریکہ قیمت کے لحاظ سے ہندوستانی سمندری غذا کا بڑا درآمد کنندہ رہا، جس کی درآمدات کی  قدر   2549.15 ملین امریکی ڈالر  کی ہے، جو کہ  امریکی ڈالر  کی قیمت کے لحاظ سے 34.53فیصد  کا حصہ ہے ۔  مقدار اور قدر کے لحاظ سے امریکہ کو برآمدات میں 7.46فیصد  اور 1.42فیصد  کا اضافہ ہوا ہے ۔  تاہم، امریکی ڈالر کے لحاظ سے ان میں 3.15 فیصد کمی واقع ہوئی ۔  منجمد کیکڑے امریکہ کو برآمد کی جانے والی بنیادی شے کے طور پر جاری رہے، جس کا امریکی لحاظ سے 91.90 فیصد حصہ ہے ۔  امریکہ کو بلیک ٹائیگر جھینگا کی برآمدات میں مقدار کے لحاظ سے 35.37 فیصد اور امریکی لحاظ سے قدر میں 32.35 فیصد اضافہ ہوا ۔

چین (ہانگ کانگ اور تائیوان کو چھوڑ کر) امریکی ڈالر  کے لحاظ سے ہندوستان کے لیے سمندری غذا برآمد کرنے والا دوسرا سب سے بڑا ملک بن کر ابھرا ۔  چین کو برآمدات میں 12.80 فیصد اضافہ ہوا ہے ۔  تاہم، ان  میں روپے  کی قدر میں 0.88فیصد  اور  امریکی ڈالر کی قدر  میں 4.21فیصد  کی کمی واقع ہوئی  ، جس میں،  اس نے  1384.89 ملین امریکی ڈالر  مالیت کی 451363 ایم ٹی  برآمد کی، جو کہ مقدار کے لحاظ سے 25.33 فیصد اور امریکی ڈالر کے لحاظ سے 18.76 فیصد ہے۔چین کو برآمدات میں مقدار کے لحاظ سے 12.80 فیصد کا اضافہ ہوا، البتہ ان میں روپے کے لحاظ سے0.88 فیصد اور امریکی ڈالر کے لحاظ سے4.21 فیصد کی کمی ہوئی۔   چین کو کل برآمدات میں چین کو برآمد کی جانے والی اہم جنس، منجمد کیکڑے کا مقدار میں 32فیصد  اور امریکی ڈالر کی قیمت میں 55.11فیصد  حصہ تھا، جب کہ منجمد مچھلی کا مقدار میں 36.83فیصد  اور امریکی ڈالر کی قیمت کے لحاظ سے 21.56فیصد  کا دوسرا سب سے زیادہ حصہ تھا ۔   

جاپان تیسرا سب سے بڑا درآمد کنندہ ہے، جس کا حصہ 6.06فیصد  مقدار اور 5.42فیصد  امریکی ڈالر کے لحاظ سے ہے۔  منجمد جھینگا جاپان کو برآمدات کی اہم  جنس بنی ہوئی ہے، جس میں مقدار میں 33.26فیصد ، روپے کے لحاظ سے 65.94فیصد ، اور امریکی ڈالر کی قیمت میں 65.98فیصد  حصہ ہے ۔

ویتنام 391.41 ملین امریکی ڈالر مالیت کی 132086 ایم ٹی درآمد کرتے ہوئے چوتھی سب سے بڑی مارکیٹ پوزیشن پر فائز ہے ۔  امریکی ڈالر کی آمدنی میں 55.43فیصد  اور مقدار میں 30.11فیصد  کے حصے کے ساتھ منجمد کیکڑے درآمد پر حاوی ہیں، اس کے بعد خشک اشیاء ہیں ۔

تھائی لینڈ پانچویں سب سے بڑی منڈی ہے، جس کا 3.82 فیصد امریکی ڈالر  کا حصہ ہے اور حجم کے لحاظ سے   281.97  ملین امریکی ڈالر کےلحاظ سے ،   138457ایم ٹی  کے ساتھ تیسرے نمبر پر ہے (7.77 فیصد شیئر)۔    منجمد مچھلی تھائی لینڈ کو برآمد کی جانے والی اہم  جنس رہی، جس کا حصہ امریکی ڈالر  کی آمدنی میں 44.37فیصد  اور مقدار میں 63.91فیصد  ہے ۔

کینیڈا ، امریکی ڈالر  (2.70فیصد  شیئر) کے لحاظ سے چھٹی بڑی مارکیٹ کے طور پر اور حجم کے لحاظ سے (1.40فیصد  شیئر) کے لحاظ سے دسویں پوزیشن پر ہے، جس کی 24956 ایم ٹی  کی مالیت 199.13 ملین امریکی ڈالر ہے ۔  امریکی ڈالر کی آمدنی میں 93.36فیصد  اور مقدار کے لحاظ سے 89.48فیصد  کے حصے کے ساتھ، منجمد کیکڑے کینیڈا کو برآمدات پر حاوی ہیں۔

اسپین امریکی ڈالر (2.65فیصد  شیئر) میں ساتویں سب سے بڑی مارکیٹ ہے اور حجم کے لحاظ سے چھٹی سب سے بڑی مارکیٹ ہے (2.24فیصد  شیئر)، جس کا برآمدی حجم 39849  ایم ٹی ہے جس کی مالیت 195.95 ملین  امریکی ڈالر ہے ۔  منجمد کٹل فش اسپین کو برآمد کی جانے والی اہم جنس  بنی رہی، جس کا حصہ 44.01فیصد   امریکی ڈالر  مالیت کا اور مقدار کے لحاظ سے 33.01فیصد  ہے ۔

بیلجیم ،  ہندوستان کے لیے سمندری غذا برآمد کرنے والے مقامات میں آٹھویں نمبر پر ہے جس میں 2.42فیصد  امریکی ڈالر کا حصہ ہے اس کے بعد متحدہ عرب امارات (یو اے ای )  (2.15فیصد  حصہ) اور اٹلی (2.14فیصد  حصہ) ہے  ۔

سرفہرست 10 مارکیٹیں امریکی ڈالر کی شرائط کے لحاظ سے 79.89 فیصد حصہ  رسدی کرتی ہیں  ۔

ش ح  ۔ ا ع- ت ح

U. No.7574