کوئلہ کی وزارت (ایم او سی) تھرمل پاور پلانٹس کو کوئلے کی مسلسل فراہمی کو یقینی بنانے کے لیے چوبیس گھنٹے انتھک کام کر رہی ہے۔ بہتر پیداوار، لاجسٹکس کے موثر انتظام اور باقاعدہ بین ایجنسی کوآرڈینیشن کے نتیجے میں، کوئلہ کی وزارت نے تھرمل پاور پلانٹس میں کوئلے کے اب تک کے سب سے زیادہ ذخیرہ کو یقینی بنایا ہے۔ اس فعال اقدام کا مقصد طلب کی اس بلند ترین مدت کے دوران ملک بھر میں شہریوں کے لیے بلاتعطل بجلی کو محفوظ بنانا ہے۔ بجلی کی بہت زیادہ مانگ کے باوجود، تھرمل پاور پلانٹس میں کوئلے کا ذخیرہ مضبوط ہے، جو 16 جون 2024 تک 45 ملین ٹن (ایم ٹی) سے تجاوز کر گیا ہے، جو پچھلے سال کی اسی مدت کے مقابلے میں ~ 31.71فیصد زیادہ ہے جب یہ 34.25 ایم ٹی تھی۔

کوئلے کی بنیاد پر بجلی کی طلب میں اس مالی سال میں گزشتہ سال کی اسی مدت کے مقابلے میں 7.30 فیصد اضافہ ہوا ہے۔ یہ کوئلے کی اب تک کی سب سے زیادہ مانگ ہے۔

16.06.24 تک، کوئلے کی مجموعی پیداوار 207.48 ایم ٹی ہے، جو پچھلے سال کی اسی مدت کے مقابلے میں 9.27 فیصد اضافے کو ظاہر کرتی ہے، جو کہ 189.87 ایم ٹی تھی۔ کول انڈیا لمیٹڈ (سی آئی ایل) نے 160.25 ایم ٹی کی کوئلے کی پیداوار ریکارڈ کی ہے، جو پچھلے سال کی اسی مدت کے مقابلے میں 7.28 فیصد کا اضافہ ہے جو 149.38 ایم ٹی تھی۔ اسی طرح کیپٹیو اور تجارتی کانوں سے کوئلے کی پیداوار گزشتہ سال کی اسی مدت کے مقابلے میں 27 فیصد اضافے کے ساتھ 33 ایم ٹی تک پہنچ گئی۔

16 جون 2024 تک مجموعی طور پر کوئلے کی ترسیل 220.31 ایم ٹی ہے، جو پچھلے سال کی اسی مدت کے مقابلے میں 7.65 فیصد کا اضافہ ہے جو کہ 204.65 ایم ٹی تھی۔ کول انڈیا لمیٹڈ نے ترسیلات میں 166.58 ایم ٹی ریکارڈ کی، جو کہ پچھلے سال کی اسی مدت کے مقابلے میں 4فیصد زیادہ ہے جو کہ 158.91 ایم ٹی تھی۔ کیپٹیو اور تجارتی کانوں سے کوئلے کی ترسیل 30فیصد کے اضافے کے ساتھ 39.45 ایم ٹی ریکارڈ کی گئی ہے۔ پاور سیکٹر کی ترسیل 180.35 ایم ٹی ہے، جو پچھلے سال 170.61 ایم ٹی کے مقابلے میں 5.71فیصد کی نمو کو ظاہر کرتی ہے۔

اس کامیابی کو موثر لاجسٹک انتظامات سے منسوب کیا جاتا ہے جو کوئلے کی ہموار اور مناسب فراہمی کو یقینی بناتے ہیں۔ وزارت بجلی، وزارت کوئلہ، وزارت ریلوے اور بجلی پیدا کرنے والی کمپنیوں کے نمائندوں پر مشتمل ذیلی گروپ نے ایک موثر سپلائی چین کو برقرار رکھنے میں اہم کردار ادا کیا ہے۔

ملک میں کوئلے کا مجموعی ذخیرہ (مائنز، ٹرانزٹ، پاور پلانٹس) 144.68 ایم ٹی سے زیادہ ہے، جو پاور سیکٹر کو کافی کوئلے کی فراہمی کو یقینی بناتا ہے۔ ریلوے کی وزارت نے 16 جون 2024 تک یومیہ 428.40 ریکس روزانہ کی فراہمی کے ساتھ ریلوے ریکس کی روزانہ دستیابی میں 10 فیصد اوسط نمو کو یقینی بنایا ہے۔ ساحلی جہاز رانی کے ذریعے انخلاء میں بھی نمایاں اضافہ ہوا ہے۔ روایتی طور پر کوئلہ صرف پارا دیپ بندرگاہ کے ذریعے پہنچایا جاتا تھا، لیکن اب، کول لاجسٹکس پالیسی کے مطابق مناسب تال میل کے تحت، دھامرا اور گنگا ورم بندرگاہوں کے ذریعے بھی کوئلہ نکالا جا رہا ہے۔ ریلوے نیٹ ورک میں بنیادی ڈھانچے میں اضافے نے سون نگر سے دادری تک ریکوں کی نقل و حرکت میں خاصی بہتری لائی ہے، جس کے نتیجے میں نقل و حمل کے اوقات میں 100 فیصد سے زیادہ بہتری آئی ہے۔

کوئلہ کی وزارت کوئلے کی پیداوار اور نقل و حمل کو بڑھانے کے لیے پوری طرح پرعزم ہے، اس بات کو یقینی بناتے ہوئے کہ پاور پلانٹس میں بجلی کی طلب میں اضافے کو پورا کرنے کے لیے کافی ذخائر موجود ہوں۔ ان مربوط کوششوں نے بجلی کی اعلی مانگ کو پورا کرنے کے لیے کوئلے کی مستحکم اور موثر سپلائی کو برقرار رکھنے میں اہم کردار ادا کیا ہے۔

************

ش ح۔ ا ک ۔ م  ص

 (U: 7575)