ٹیلی کام ریگولیٹری اتھارٹی آف انڈیا (ٹرائی) نے 06 جون 2024 کو ’نیشنل نمبرنگ پلان پر نظر ثانی‘ سے متعلق ایک مشاورت نامہ جاری کیا تھا۔ متذکرہ بالا مشاورت نامے پر اسٹیک ہولڈروں سے تحریری تبصرے 04 جولائی 2024 تک اور جوابی تبصرے 18 جولائی 2024 تک طلب کیے گئے تھے۔اسی دن ایک پریس ریلیز بھی جاری کی گئی تھی۔

اس سلسلے میں یہ بات ٹرائی کے علم میں آئی ہے کہ کچھ میڈیا ہاؤسیز (پرنٹ، الیکٹرانک، اور سوشل میڈیا) نے كہا ہے کہ ٹرائی نے موبائل اور لینڈ لائن نمبروں کے لیے فیس متعارف کرانے کی تجویز پیش کی ہے جس کا مقصد ان 'فائنیٹ' وساءل کے موثر مختص اور استعمال کو یقینی بنانا ہے۔ یہ قیاس آرائیاں کہ ٹرائی صارفین پر متعدد سمز/نمبرنگ وسائل رکھنے کے لیے چارجز عائد کرنے کا ارادہ رکھتی ہے قطعی غلط ہیں۔ ایسے دعوے بے بنیاد ہیں اور صرف عوام کو گمراہ کرنے کا کام کرتے ہیں۔

ٹیلی مواصلاتی شناخت کنندگان كے وسائل کا واحد نگہبان ہونے کے ناطے مواصلاتی محكمے نے 29 ستمبر 2022 کو اپنے حوالے کے ذریعے ٹرائی سے رابطہ کیا تھا جس میں ملک میں موثر انتظام اور نمبر سازی کے وسائل کے منصفانہ استعمال کے لیے نظرثانی شدہ قومی نمبر سازی کے منصوبے پر ٹرائی کی سفارشات طلب کی گئی تھیں۔ اسی مناسبت سے نیشنل نمبرنگ پلان  پر نظرثانی پر ٹرائی کا یہ مشاورت نامہ  اس مقصد کے ساتھ جاری کیا گیا تھا کہ اس وقت ٹیلی مواصلاتی شناخت كنندگان كے وسائل کے اختصاص اور استعمال کو متاثر کرنے والے تمام عوامل کا جائزہ لیا جائے۔ اس کا مقصد ایسی ترامیم تجویز کرنا بھی ہے جو مختص کرنے کی پالیسیوں اور استعمال کے طریقہ کار کو بہتر بنائے اس طرح موجودہ اور مستقبل کی ضروریات کے لیے ٹیلی مواصلاتی شناخت كنندگان كے وسائل کے کافی ذخائر کو یقینی بنایا جا سكے۔

ٹرائی کے مشاورتی عمل کی بنیاد شفافیت اور شمولیت کے اصولوں پر رکھی گئی ہے۔ اس میں مشاورتی کاغذات کی اشاعت، میں شامل، اسٹیک ہولڈروں سے تبصروں کی التجا، موجود مشاورت سے وابستہ بین الاقوامی بہترین طریقوں کا مطالعہ/تجزیہ اور اوپن ہاؤس ڈسکشن کی سہولت شامل ہیں۔ تمام كام عوامی ڈومین میں کئے گئے۔ ٹرائی کی طرف سے مواصلاتی محكمے کو پیش کردہ حتمی سفارشات مستعدی اور دانستہ تجزیہ کا نتیجہ ہیں اور زیادہ تر مذکورہ سرگرمیوں سے اخذ كردہ منطقی نتائج کے مطابق ہیں۔

ٹرائی شروع سے ہی کم سے کم ریگولیٹری مداخلت کی وکالت کرتا رہا ہے جو برداشت اور مارکیٹ فورسیز کے خود کو کنٹرول کو فروغ دیتا ہے۔ ہم کسی بھی جعلی قیاس آرائی کی غیر واضح طور پر تردید اور پرزور مذمت کرتے ہیں جو کہ ہاتھ میں موجود مشاورت نامے سے متعلق اس طرح کی گمراہ کن معلومات کی گردش کو برقرار رکھتے ہیں۔

ٹرائی تمام اسٹیک ہولڈروں اور عام لوگوں سے اپیل کرتا ہے کہ وہ درست معلومات کے لیے اپنی ویب سائٹ کے ذریعے جاری کردہ سرکاری پریس ریلیز اور مشاورت نامے سے رجوع كریں۔

(https://trai.gov.in/notifications/press-release/trai-issues-consultation-paper-revision-national-numbering-plan)

اتھارٹی واضح اور حقیقت پر مبنی سالمیت کے ماحول کو فروغ دینے کے لیے پرعزم ہے۔

مزید کسی بھی وضاحت/معلومات کے لیے ٹرائی کے ایڈوائزر (بی بی اور پی اے) جناب عبدالقیوم سے

 advbbpa@trai.gov.in

پر رابطہ کیا جا سکتا ہے۔

***

ش ح۔ ع س۔ ک ا