مرکزی وزیر جناب جی کشن ریڈی نے آج یہاں کوئلہ اور کانوں کے وزیر کی حیثیت سے عہدہ سنبھال لیا ہے ۔ کوئلہ، کانوں اور پارلیمانی امور کے سابق مرکزی وزیر جناب پرہلاد جوشی نے ریاستی کوئلہ اور کانوں کے وزیر جناب ستیش چندر دوبے کی موجودگی میں  ، جناب جی کشن ریڈی کو چارج سونپا۔ وزیر مملکت جناب ستیش چندر دوبے نے 11 جون  ، 2024 ء کو باضابطہ طور پر عہدہ سنبھالاتھا۔

کانوں کی وزارت کے سکریٹری جناب وی ایل کانتھا راؤ  ، وزارت کوئلہ  کے سکریٹری جناب امرت لال مینا اور دیگر سینئر افسران بھی اس موقع پر موجود تھے۔

اپنے عہدہ کا چارج سنبھالنے کے بعد میڈیا سے بات چیت کرتے ہوئے، جناب جی کشن ریڈی نے ، وزیر اعظم جناب نریندر مودی کا شکریہ ادا کیا کہ انہوں نے کوئلہ اور کانوں کے مرکزی وزیر کے طور پر خدمات انجام دینے اور بھارت کے عوام کی خدمت کا موقع فراہم کرنے کے لیے   ، انہیں یہ ذمہ داری سونپی ہے۔ انہوں نے کہا کہ کوئلہ اور کانوں کی دونوں وزارتیں کوئلہ اور کانکنی کے شعبے میں  بھارت کو آتم نربھر (خود  کفیل) بنانے کے لیے عزم، لگن، ایمانداری اور شفافیت کے ساتھ کام کریں گی۔

 ش ح۔   ج ق  - ع ا

U.No. 7422