Ka Tnat Deiriti jong ka Sorkar Pdeng
Soi MoU ka IGNCA bad ka Sansad TV
Posted On:
13 JUN 2024 9:16PM by PIB Shillong
Khnang ban plié lad shuh shuh ia ki briew ba kin ioh peit ia ka jingsaindur bad ka deiriti jong ka India, ka la don ka jingiasoi soskular kaba kongsan hapdeng ka Indira Gandhi National Centre for the Arts (IGNCA) bad Sansad TV. Hapoh kane, ki prokram ba pynmih da ka IGNCA ki dei ki ban pyni ha ka Sansad TV bad ka Sansad TV ka lah ruh ban pyndonkam ia ki prokram kiba pyni ia ka deiriti kiba don ha ka tyllong jong ka IGNCA. Ia kane ka MoU la soi da u Member Secretary, Dr.Sachchidanand Joshi na ka liang ka IGNCA bad u Chief Executive Officer, Rajat Punhanina ka liang ka Sansad TV. Ha kane ka sngi, ka Director jong ka IGNCA Dr. Priyanka Mishra, ki khliehduh jong baroh ki division jong ka IGNCA bad Joint Secretary (Administration) ka Sansad TV Sumant Narayan bad u Editor Shyam Kishore Sahay ki la iadon lang.
![https://static.pib.gov.in/WriteReadData/userfiles/image/image001BDHV.jpg](https://static.pib.gov.in/WriteReadData/userfiles/image/image001BDHV.jpg)
U Dr. Sachchidanand Joshi u la ong ba u dap da ka jingkmen halor kane ka jingiakut da kaba ong, “Ka long ka jingkmen shisha ba ngi la don kane ka jingiakut hapdeng ka Sansad TV bad IGNCA. Lyngba kane, ngi lah ban iatreilang ha ki prokram kiba bun. Ngi tip ba kano kano kaba la lum, kano kano ka jingsaindur ka donkam ia ka jingpynsaphriang. Namar ka rukom broadcast ka Sansad TV, ki briew kiba peit ia ka, ki ngeit ba ka kam jong ka IGNCA, ka jingsaindur bad ka deiriti kan poi sha kylleng ki jaka lyngba ka Sansad TV."
![https://static.pib.gov.in/WriteReadData/userfiles/image/image002K0PN.jpg](https://static.pib.gov.in/WriteReadData/userfiles/image/image002K0PN.jpg)
U CEO jong ka Sansad TV Rajat Punhani u la ong ba u hun halor kane ka jingiakut da kaba ong, “Hapoh kane ka jingiakut, ngin pyni ia ki prokram ka IGNCA ha ka Sansad TV bad pyndonkam ia ki prokram kiba la buh da ka IGNCA." U Sumant Narayan u la ong, "Kane ka jingiakut hapdeng kine artylli ki kynhun ka long kaba kongsan bha. Ka dei ka sienjam kaba heh ban pyni ia ka deiriti jong ngi. "
***
(Release ID: 2025196)
Visitor Counter : 49