حکومت نے لیفٹیننٹ جنرل اپیندر دویدی، پی وی ایس ایم، اے وی ایس ایم کو، جو اس وقت فوج کے نائب سربراہ کے طور پر خدمات انجام دے رہے ہیں،  30 جون 2024 کی دوپہر سے فوج کے  اگلے سربراہ کے طور پر مقرر کیا ہے۔ موجودہ چیف آف آرمی اسٹاف جنرل منوج سی پانڈے، پی وی ایس ایم، اے وی ایس ایم، وی ایس ایم  30 جون 2024 کو سبکدوش ہورہے ہیں۔

 

 

یکم جولائی 1964 کو پیدا ہونے والے لیفٹیننٹ جنرل اوپیندر دویدی کو 15 دسمبر 1984 کو ہندوستانی فوج کی انفنٹری (جموں و کشمیر رائفلز) میں کمیشن حاصل ہوا تھا۔ تقریباً 40 سال پر محیط اپنی طویل اور ممتاز خدمات کے دوران، انہوں نے کمانڈ اسٹاف، تدریسی اور غیر ملکی تقرریوں جیسے مختلف شعبوں میں خدمات انجام دیں۔ لیفٹیننٹ جنرل دویدی کی کمانڈ کی تقرریوں میں کمانڈ آف ریجمنٹ (18 جموں و کشمیر رائفلز)، بریگیڈ (26 سیکٹر آسام رائفلز)، انسپکٹر جنرل، آسام رائفلز (مشرق) اور 9 کور شامل ہیں۔

لیفٹیننٹ جنرل کے عہدے پر، جناب اوپیندردویدی نے وائس چیف آف آرمی اسٹاف کے عہدے پر تعینات ہونے سے پہلے،2024-2022 کے دوران ڈائریکٹر جنرل انفنٹری اور جنرل آفیسر کمانڈنگ ان چیف (ہیڈ کوارٹر ناردرن کمانڈ) سمیت اہم تقرریوں پرخدمات ا نجام دی ہیں ۔

سینک اسکول ریوا، نیشنل ڈیفنس کالج اور یو ایس آرمی وار کالج کے سابق طالب علم، لیفٹیننٹ جنرل اپیندر دویدی نے ڈی ایس ایس سی ویلنگٹن اور آرمی وار کالج، مہو میں بھی کورسز کیے ہیں۔ اس کے علاوہ، افسر کو یو ایس اے ڈبلیو سی، کارلسلے، امریکہ میں با وقار این ڈی سی کے مساوی کورس میں ’ممتاز فیلو' سے نوازا گیا۔ ان کے پاس ڈیفنس اینڈ مینجمنٹ اسٹڈیز میں ایم فل اور اسٹریٹجک اسٹڈیز اور ملٹری سائنس میں دو ماسٹر ڈگریاں ہیں۔

انہیں پرم وششٹ سیوا میڈل (پی وی ایس ایم) ، اتی وششٹ سیوا میڈل (اے وی ایس ایم) اور تین جی او سی – ان-سی توصیفی کارڈز سے نوازا گیا ہے۔

 

*************

ش ح ۔ع م۔ف ر

U. No.7363

(Release ID: 2024534) Visitor Counter : 25