مرکزی وزیر جناب پیوش گوئل نے آج نئی دہلی میں باضابطہ طور پر کامرس اور صنعت کی وزارت کا چارج سنبھال لیا۔ تجارت اور صنعت کی وزارت کے وزیر مملکت جناب جتن پرساد؛ محکمہ تجارت کے سکریٹری جناب سنیل برتھوال اور صنعت و اندرونی تجارت کے فروغ کے محکمے کے سکریٹری جناب راجیش کمار سنگھ اور وزارت کے سینئر افسران اس موقع پر موجود تھے۔

چارج سنبھالنے کے موقع پر، جناب پیوش گوئل نے وزیر اعظم، جناب نریندر مودی کا ایک بار پھر قوم کی خدمت کرنے کا موقع فراہم کرنے کے لیے تہہ دل سے شکریہ ادا کیا۔ انہوں نے کہا کہ گزشتہ ایک دہائی کے دوران پی ایم مودی کی مضبوط ترقی پر مبنی حکمرانی نے پورے ملک میں ترقی کی لہر کو متاثر کیا ہے، اور اس بنیاد پر تعمیر جاری رکھنا ضروری ہے۔

جناب گوئل نے امرت کال کے دوران مستعدی سے کام کرنے کی اہمیت پر زور دیا تاکہ تجارت اور صنعت کے میدان میں تیز رفتار ترقی کو یقینی بنایا جا سکے۔ انہوں نے کہا کہ حکومت نوجوانوں کے لیے نئے مواقع پیدا کرنے اور تمام شہریوں کی فلاح و بہبود کی خاطر انتھک محنت کرنے کے لیے پرعزم ہے۔ پی ایم مودی کی دور اندیش قیادت میں، قوم نئی بلندیوں کو حاصل کرنے کے لیے تیار ہے۔ انہوں نے یہ بھی نوٹ کیا کہ "سب کا ساتھ، سب کا پریاس" کے فلسفے کو اپنانا، لوگوں کی اجتماعی کوششیں اور اعتماد ہندوستان کو ایک روشن مستقبل کی طرف لے جائے گا۔

********

 ش ح۔م م - ج

UNO-7340