ঙসি রাস্ত্রপতি ভাবন্দা সেচেলসকী উপ-রাস্ত্রপতি অহমদ অফিফনা ভারতকী রাস্ত্রপতি শ্রীমতি দ্রৌপতি মুর্মু উনখ্রে।

হৌখিবা জুন ৯,২০২৪ দা রাস্ত্রপতি ভাবন্দা পাংথোকখিবা অনৌবা সরকার ৱাশক লৌবগী থৌরমদা উপ-রাস্ত্রপতি অফিফ সেচেলসকী মহুৎশীন্দুনা শরুক য়াখিবনি।

সেচেলসকী চাউখৎ-থৌরাংদা ভারতনা মতেং পাংনবা রাস্ত্রপতিনা অমুক হন্না থাজবা পীখি অমসুং মীগা মীগা লৈনবা মরী অমসুং সেকুরিতিগী মতেং পাংনবা, সাগার ভিজন্না লমজিংদুনা লমদম অসিদা সেকুরিতি অমসুং চাউখৎপা হেনগৎহন্নবা মহাক্না থাজবা ফোঙদোকখি।

উপ-রাস্ত্রপতি অফিফনা রাস্ত্রপতি ৱাভেল রামকালাৱান অমসুং সেচেলসকী মীয়াম্না পীরকপা য়াইফ-পাউজেল রাস্ত্রপতি মুর্মুদা পাউদমখি অমসুং ওফিসিএল ওইবা খোঙচত্তা মহাক্না ভারত্তা অহানবা ওইনা লাকপদা হরাওবা ফোঙদোকখি। সেচেলসকী চাউখৎ-থৌরাং অমসুং কেপাসিতি বিল্দিংদা ভারতনা মতেং পাংবা অমসুং ভারত মহাসাগর লমদা মতম কয়াগী মমাঙদগী ঙাক-শেনগী মতেং পীনদুনা লাকলিবা অদু লুচিংবা অনিনা খন্নখি। লৈবাক অনিমক কান্নবা ফংগদবা নাকল অনিগী মরীশিং মখা তানা ফগৎহন্নবা মখা তানা থবক তৌমিন্নবা হায়না মখোয়না য়ানখি।

*****