এমপ্লোইয়ীজ প্রোভিদেন্ত ফন্দ ওর্গনাইজেসন (EPFO)দা পেন্সনর লাখ 78 হেন্না লৈরি, হায়রিবশিং অসিদা পীরিবা পেন্সন মখা চত্থনবা চহি খুদিংগী লাইফ সর্তিফিকেৎ পীশিনবা মথৌ তাই। মমাংদা মখোয়না ফিজিকেল লাইফ সর্তিফিকেৎ পীশিন্নবা বেঙ্কশিংদা চৎপা তারমখি মসিগী শীংনবশিং অসিনা মরম ওইদুনা ৱাকৎ কয়া লাকহল্লি।

 ‘ইজ ওফ লিবিং’ হেনগৎহন্নবা EPFOনা 2015দা মাগী পেন্সনরশিংগীদমক দিজিতেল লাইফ সর্তিফিকেৎ (DLC) এদোপ্ত তৌখি। EPFOনা EPS পেন্সনরশিংদগী বাইওমেত্রিক ওথেন্তিকেসন লৌদুনা মসিদা য়ুম্ফম ওইরগা DLCশিং অয়াবা পীখি। ফিঙ্গরপ্রিন্ত/আইরিস কেপচর দিভাইসশিং অসি মফমশিং অসিদা লৈবনা বাইওমেত্রিক বেজ DLCদা পেন্সনর অমনা বেঙ্ক, পোস্ত ওফিসকী ব্রাঞ্চ অমা হেক্তদা, কম্মন সর্ভিস সেন্তর নত্ত্রগা EPFO ওফিস্তা হকথেংননা চৎতুনা বাইওমেত্রিক পীশিনবা তারমখি।

চহি য়াম্লবা মীওইশিংনা বেঙ্ক/পোস্ত ওফিস অমদা চৎপগী অৱাবা হন্থহন্নবা, MeitY অমসুং UIDAI না ফেস ওথেন্তিকেসন তেক্নোলোজী (FAT) পুথোকখি। মসিগী খুত্থাংদা ফেস রিকোগনিসন তেক্নোলোজী অসি লাইফ সর্তিফিকেৎকী প্রুফ ওইনা শীজিন্নবা য়াই। EPFOনা মসিগী তেক্নোলোজী অসি জুলাই, 2022দা শীজিন্নখি। মসিনা পেন্সনরশিংনা মখোয়গী য়ুমদগী DLCশিং সবমিৎ তৌবগী মপুং ফানা অনৌবা পাম্বৈ অমা হৌদোকখি। মসিনা প্রোসেস অসি পেন্সনরশিংগীদমক্তা হেন্না এক্সেস তৌবা য়াবা অমসুং শেল চঙদবা ওইহনখি। মখোয়না প্রোসেস অসি মপুং ফাহনবগীদমক্তা এন্দ্রোইদ বেজ স্মার্তফোন অমহেক্তবু শীজিন্নবা য়াই। মসিনা অহল ওইরকপদা বেঙ্ক, পোস্ত ওফিস অসিনচিংবদা চৎপগী অৱাবা লৈহন্দবা ঙমগনি।

থৌওং অসিনা পেন্সনর অমবু মখোয়গী য়ুমদগী মখোয়গী স্মার্তফোন কেমেরা শীজিন্নদুনা ফেসিএল স্কেন তৌদুনা মশক খংদোকপা ঙমহল্লি। অথেন্তিকেসন অসি UIDAIগী আধার দেতাবেজগা লোয়ননা UIDAIগী ফেস রিকোগনিসন এপ শীজিন্নদুনা পাংথোকই।

EPFO দা হৌদোকখিবদগী ফেসিএল ওথেন্তিকেসন তেক্নোলোজীদা য়ুম্ফম ওইবা DLC অসি 2022-23দা পেন্সনর লাখ 2.1না সবমিৎ তৌখ্রে। মসি 2013-24দা লাখ 6.6দা হেনগৎখ্রে। মসিনা তেক্নোলোজী অসি শীজিন্নবগী চাং চহিদা চাদা 200 হেনগৎলক্লি। 2023-24দা FATদা য়ুম্ফম ওইবা DLC লাখ 6.6না চহী অসিদা ফংখিবা অপুনবা DLCগী চাদা 10গী চাংদা ওইরি হায়বসিসু পুক্নিং চিংশিনবা য়াবা অমনি। হৌখিবা শেনবা চহিদা পেন্সনরশিংদগী পুন্না চাউরাক্না DLC লাখ 60 ফংখি।

ফেসিএল ওথেন্তিকেসন মেথদ শীজিন্নবদা এপ্লিকেসন অনি ইনস্তোল তৌবগী মথৌ তাই। আধার ফেস RD অমসুং মখোয়গী স্মার্তফোনশিংদা "জীবন প্রমান" এপ্লিকেসনশিং অসিগী ওপরেতর ওথেন্তিকেসন অসি আধার লিঙ্ক তৌরবা মোবাইল নম্বরশিংগী খুত্থাংদা পাংথোকই। মায় পাক্না ফেস স্কেন তৌনবগীদমক এপশিংদা অকুপ্পা গাইদলাইনশিং পীরি। স্কেন তৌবা লোইরবা মতুংদা, DLC সবমিসন অদু মোবাইল স্ক্রীন্দা লাইফ প্রমান ID অমসুং PPO  নম্বরগা লোয়ননা কনফর্ম তৌগনি অসুম্না মসিনা য়ুমদগী নুংঙাইনা প্রোসেস অসি লোইশিনবা ঙমহল্লি।

EPS পেন্সনরশিংগী DLCগীদমক অনৌবা অমসুং খুদোংচাবা তেক্নোলোজী অসি শীজিন্ননবা জুলাই, 2022দা EPFOগী সোফৱেয়রদা এম্বেদ তৌখি। অনৌবা পাম্বৈ অসি পেনসনর মশিং হেনগৎলক্লিবা মীওইশিংগী মরক্তা মীয়াম্না পাম্নবা ওইহন্নবগীদমক ফিল্দ ওফিস পুম্নমক্তা অকুপ্পা পাউতাকশিং পীখি। মসিগী থৌওং অসি ফিল্দ ওফিসতা নত্তনা 2023গী জনুৱারীদগী ভারত পুম্বগী জিলাশিংদা পাংথোক্লিবা নিধি অপকে নিকাত প্রোগ্রামগী মনুংদা পেন্সনরশিংদা চাং নাইনা শন্দোক্না তাক্লি। তেক্নোলোজী অসি শীজিন্নবগী মতাংদা অকুপ্পা মরোল পীবা ভিদিও অমা EPFOগী ওফিসিএল য়ুত্যুব হেন্দল @SOCIALEPFOদা য়াওরি।

EPFOনা থাজৈ মদুদি পাম্বৈ অসিগী খুদোংচাবনা পেন্সনরশিংগী ইজ ওফ লিচিং হেন্না হেনগৎহল্লগনি।

**********