ইন্দো-পেসিফিক ইকনোমিক ফ্রেমৱার্ক ফোর প্রোস্পরিতী (IPEF) ক্লীন ইকনোমী ইনভেস্তর ফোরম হৌদোকপগী সাইদলাইন্দা কম্মর্স বিভাগ অমসুং ইনভেস্ত ইন্দিয়ানা ভারত্তা লৈরিবা তোঙান-তোঙানবা ইনভেস্তমেন্তগী খুদোংচাবশিং উৎনবা মীফম অমা পাঙথোকখ্রে।

মহাক্কী হৌদোকপগী ৱারোলদা কম্মর্স বিভাগকী সেক্রতরী, শ্রী সুনিল বার্থৱলনা ভারতকী গ্রোথ রেৎ অসি করম্না অতৈ ইমর্জিং মার্কেৎ ইকনোমীশিংদগী শরুক অনিগী ময়া ওইবগে থমখি। মহাক্না মসিগী মপাঙ্গল কনবা গ্রোথ অসিনা ‘রিভর্স ফ্লিপ্পিং’গী ত্রেন্দ অমদা করম্না লমজিংবগে, হায়রিবা অসিদা কেপিতেল এক্সেস অমসুং তেক্সকী কান্ননবগীদমক মপালদা চৎলুরবা ভারতকী স্তার্ত-অপশিংনা হৌজিক য়ুমদা হন্নরক্লি হায়না ফোঙদোকখি। মহাক্না করম্না AIগুম্বা ইমর্জিং তেক্নোলোজীশিংগা লোয়ননা দিজিতেল ইকনোমী অমসুং দেতা সেন্তরশিং হেনগৎলকপা অসিবা তুংলমচৎকী ভারতকী গ্রোথকী লম্বী ওইরি হায়বা ফোঙদোকখি।

সিঙ্গাপুরগী মেরিনা বে সেন্দস্তা পাঙথোকখিবা মীফম অসিনা US, সিঙ্গাপুর, জাপান, ওস্ত্রেলিয়া, কোরিয়া অমসুং অতৈ লৈবাকশিংদগী গ্লোবেল ইনভেস্তরশিং লোয়ননা ভারতকী প্রাইবেৎ সেক্তর অমসুং সরকারগী ওফিসিএলশিং য়াওনা পার্তিসিপেন্ত 60 হেনবনা শরুক য়াখি। থৌরম অসিদা তেমাসেক, গ্লোবেল ইনফ্রাস্ত্রকচর পার্তনর্স, গ্যুরেন্তকো, প্রাইবেৎ ইনফ্রাস্ত্রকচর দিবেলপমেন্ত গ্রুপ (PIDG), গোল্দমেন সেচস, আই স্ক্বারদ কেপিতেল, মিজুহো বেঙ্ক লিমিতেদ, এদভান্তেজ পার্তনর্স, নোমুরা, DBS  বেঙ্ক অমসুং সিতি বেঙ্কগুম্বা IPEF মেম্বর লৈবাকশিংগী ইনভেস্তরশিং অমসুং ফাইনান্সিএল  ইন্সতিত্যুসনশিং পুনখি। ভারতকী ইনফ্রাস্ত্রকচর অমসুং ক্লাইমেৎ তেক কম্পনীশিংনা মখোয়গী সোল্যুসনশিং উৎখি অমসুং মালেমগী কৈথেলশিংদা খুদোংচাবা ফংনবা মালেমগী ইনভেস্তরশিংগা ৱারী শানখি।

সিঙ্গাপুরদা লৈরিবা ভারতকী হায় কম্মিস্নর, ঐচ.ই. দোক্তর শিলপাক অম্বুলেনা ভারতকী গ্রোথ পুরক্লিবা ফন্দামেন্তেলশিংদা মীৎয়েং থমখি। ফিজিকেল অমসুং দিজিতেল ইনফ্রাস্ত্রকচরদা শেল থাদবনা ভারতকী শেন্মিৎলোনদা মল্তিপ্লায়র ইফেক্ত লৈহল্লগনি অমসুং লেজিস্লেতিব অমসুং রেগুলেতরীগী অহোংবশিংনা প্রো-মার্কেৎ ফিল্দ অমা শেমখি, মসিনা কন্দ্যুসিব অমসুং প্রিদিক্তেবল পোলিসী এনভাইর্নমেন্ত অমা পীরি হায়না মহাক্না হায়খি। মহাক্না মালেমগী সপ্লাই চেনশিং অমসুং ইনফ্রাস্ত্রকচর মোদর্নাইজেসন তৌনবা ভারতনা হোৎনরিবা অসিনা মতৌ করম্না ভারতপু মসিদা শরুক য়াহনগদগে হায়বগী মতাংদা অকনবা ৱাফম থমখি।

মসিগী মতুংদা ভারতকী খুদোংচাবশিং প্রজেন্তেসন অমা পীখি মসিদা ইনভেস্ত ইন্দিয়ানা ভারতকী মখল কয়াগী সরকারগী মরুওইবা খোংথাংশিং হায়বদি চাউখৎলক্লিবা স্তার্তঅপ ইকোসিস্তেম, তোঙান তোঙানবা ইন্দস্ত্রীশিংদা লৈরিবা স্কিল অমসুং তেলেন্ত প্রোফেস্নেলশিংগী অচৌবা পুল, ইনফ্রাস্ত্রকচর প্রোজেক্তশিংদা ইনভেস্তমেন্ত তৌনবা হোৎনরিবা, রিগুলেসনশিং স্ত্রীমলাইন তৌনবা, ত্রান্সপরেন্সী হেনগৎহনবা অমসুং ইজ ওফ দুইং বিজিনেস ফগৎহন্নবা পান্দম থম্মি পোলিসী রিফোর্মশিং উৎখি।

ইনভেস্ত ইন্দিয়াগী MD অমসুং CEO শ্রীমতি নিবরুতি রাইনা হায়খি মদুদি ভারতনা ইনভেস্তরশিং, ক্লিন ইকোনোমী ফর্মশিং, অমসুং ইন্নোভেতিব স্তার্ত-অপশিংগা লোয়ননা নেৎ জিরো তার্গেৎশিং থুংহন্নবা সস্তেনেবল ইনফ্রাস্ত্রকচর, ক্লাইমেৎ তেক্নোলোজী অমসুং রিন্যুএবল ইনর্জী প্রোজেক্তশিংদা শাহৌ পীনবগীদমক চুংশিন্নবা পাম্মি।

চার্তিং ইন্দিয়া ওপুর্চুনিতি হায়না মিংথোনবা ফায়রসাইদ চেৎতা ৱা ঙাংলদুনা, সেনিয়র ইকোনোমিস্ত অমসুং একজিক্যুতিব দিরেক্তর শ্রীমতি রাধিকা রাওনা হায়খি মদুদি ভারতকী শক্তি অসি 4Cদা লৈ: পোলিসী অমসুং রিফোর্মশিংদা কন্সিস্তেন্সী অমসুং কন্তিন্যুতী লৈবা; সরকার, হাউসহোল্দ স্পেন্দিং অমসুং প্রাইবেৎ সেক্তরগী থোংদা কেপেক্স হেনগৎহনবা; মেনুফেকচরিং সেক্তরশিংগী মাইকৈদা ললোন-ইতিক্কী কম্পোজিসন হোংদোকপা; মথংগী চহি 5দা কঞ্জুম্পসন হেনগৎহনবা।

নোমুরাগী মেনেজিং দিরেক্তর শ্রীমতি সোনল ভর্মানা নোমুরা ইন্দিয়াগী রিপোর্তকী মতাংদা কুপ্না থমখি। রিপোর্ত অসিনা উৎলি মদুদি কম্পনীশিংনা মখোয়গী সেক্তরশিং অমসুং লৈবাকশিংদা মখোয়গী ইনভেস্তমেন্ত মেপ তৌরিবা কম্পনী 130 রোমগী সর্ভে অমা, মখোয়গী “বত্তমস অপ” স্তদী পাঙথোকপা মতমদা ভারত অসি অতৈ জিওগ্রাফিদগী হেন্দুনা মশিং খ্বাইদগী য়াম্বা কম্পনীশিংনা মীৎয়েং থম্বা ওইরি। ভারতনা সেমিকন্দক্তর এসেমব্লীদগী তেস্তিং ফাওবা, ওতোমোবাইলশিংদগী কেপিতেল গুদস ফাওবা পাক-শন্না য়ুম্ফম ওইবা সেক্তরশিংদা ইনভেস্তমেন্ত তৌরি।

আই স্ক্বারগী মেনেজিং দিরেক্তর, শ্রী কুনাল আগর্ৱালনা হায়খি মদুদি ভারত অসি দিজিতেল রিভোলুসনগী ইনেব্লর অমা ওইরিবা ইনফ্রাস্ত্রকচর সুপরসাইকল তৌরি অমসুং ভারত অসি সেদ্যুল ইনভেস্তমেন্তকী খুদোংচাবা অমা ওইনা উরি।

থৌরম অদুগী মনুংদা, ইন্দো-পেসিফিক রিজনদা ইকনোমিক কোওপরেসন প্রমোৎ তৌবদা ইনোগ্যুরেল ফোরম অসি মরুওইবা খোঙথাং অমনি হায়না ইন্দস্ত্রীগী মীহুৎশিংনা ফোঙদোকখি। মখোয়না থেংনরিবা শীংনবশিং কোকহন্নবা অমসুং চাউখৎপগী অনৌবা খুদোংচাবশিং শেমগৎনবা ইন্দস্ত্রীশিংনা পুন্না থবক তৌমিন্নবগী মরুওইবা অদু মখোয়না ফোঙদোকখি। ফোরম অসিনা ক্লীন ইকোনোমী অমসুং সপ্লাই চেন রেসিলিয়েন্সকী মরুওইবা মওং অদুসু পনখি।

IPEF অমসুং ক্লীন ইকনোমী ইনভেস্তর ফোরমগী মতাংদা

ইন্দো-পেসিফিক ইকোনোমিক ফ্রেমৱার্ক ফোর প্রোস্পেরিতি (IPEF) অসি মে 2022দা হৌদোকখি অমসুং হৌজিক্কী ওইনা পার্তনর 14 য়াওরি, মখোয় অদুদি ওস্ত্রেলিয়া, ব্রুনাই দারুসালাম, ফিজি, ভারত, ইন্দোনেসিয়া, জাপান, রিপব্লিক ওফ কোরিয়া, মালেসিয়া, ন্যুজিলেন্দ, ফিলিপিন্স, সিঙ্গাপুর, থাইলেন্দ, য়ুনাইতেদ স্তেৎস অমসুং ভিয়েতনামনি। কোওপরেসনগী পিল্লর মরি, হায়বদি ত্রেদ, সপ্লাই চেন, ক্লীন ইকোনোমী অমসুং ফিয়র ইকোনোমী য়াওরিবা IPEFনা লমদম অসিদা লৈবা লৈবাকশিংদা রেসিলিয়েন্ত, সস্তেনেবল অমসুং ইনক্লুসিব ইকনোমিক গ্রোথকী মাইকৈদা পুন্না থবক তৌমিন্ননবা প্লেৎফোর্ম অমা পীরি অমসুং লমদম অসিদা কোওপরেসন, স্তেবিলিতী অমসুং প্রোস্প্রেরিতীদা মতেং পাংনবা পান্দম থম্লি।

IPEFকী মখাদা পায়খৎলিবা খোঙথাংশিংগী মনুংদা অমা ওইরিবা IPEF ক্লীন ইকনোমী ইনভেস্তর ফোরমদা লমদম অসিগী মকোক থোংবা ইনভেস্তরশিং, ফিলানথ্রোপিশিং, ফাইনান্সিএল ইন্সতিত্যুসনশিং, ইন্নোভেতিব কম্পনীশিং, স্তার্ত-অপশিং অমসুং ওন্তপ্রিনোরশিংনা তুং কোইনা চৎকদবা ইনফ্রাস্ত্রকচর, ক্লাইমেৎ তেক্নোলোজী অমসুং রিন্যুএবল ইনর্জীগী প্রোজেক্তশিংদা ইনভেস্তমেন্তশিং মোবিলাইজ তৌনবগীদমক পুনশিনখি।

***